Aínda que o seu uso está prohibido na Eurocopa 2012, parece que o sistema GPS pode axudar moito aos adestradores de fútbol á hora de tomar decisións.

Un bo futbolista debe ter unha serie de características, pero unha das máis importantes é a que se refire ao aspecto físico. Os adestradores utilizan como información decisiva o que ven a través dos seus propios ollos, pero en moitas ocasións as súas opinións poden estar moi lonxe da realidade.

O investigador da UPV/EHU David Casamichana utilizou o GPS MinimaxX v.4.0 para realizar a análise. A ferramenta, que almacena dez datos por segundo, determinou que se poden obter perfís físicos moi completos. Os defensores fan distancias curtas nos partidos, os centrocampistas longas, e o que corren os dianteiros moitas veces adoita ser ao sprint. Pódese medir ben si as características físicas necesarias para cada posto coinciden ou non cun xogador concreto coa ferramenta antes mencionada.