Se non hai sorpresas de última hora, esta semana, o día 23, as asembleas de Kutxa, BBK e Vital dirán que si á creación de Kutxa Bank. Trátase da consecuencia da "fusión fría" que se produce entre as tres caixas de aforros vascas. As caixas de Bizkaia e Araba xa aceptaron a operación o pasado venres, mentres que a de Kutxa farao esta mesma semana. Esta fusión realizarase de forma sorprendente, tras a negociación entre as caixas e Bildu, que para algúns é pouco transparente. Os temas craves para non aceptar a fusión (privatización, acción social limitada a tres anos, negociación colectiva allea ao ámbito laboral vasco…) xa deixaron de ser claves para a esquerda abertzale tras o acordo alcanzado con Bildu. Segundo Bildu, se blindó a non privatización das caixas vascas, a acción social sen data límite e a negociación colectiva que os traballadores e traballadoras desexarían.

Pero, quen pode garantir algo neste sistema financeiro que mantén a lóxica capitalista e está condicionado polo Banco de España? Quen pode blindar algo si xa empezou o banquete das caixas? O capital impón as súas leis e para el os dividendos están en contradición coa obra social. Non é de estrañar que algúns sindicatos e axentes políticos mostráronse en contra desta fusión.

Bildu asumiu unha gran responsabilidade: velar polo cumprimento deste acordo. E, que vai facer o Banco de España se impón as súas normas e rompe o acordo? Esperemos que ante este suposto Bildu prevexa un plan B. Esta posibilidade debería quedar redactada no acordo. As institucións financeiras vascas, como moitas outras, dependen directamente dos gobernos de Madrid, París e Bruxelas, e da Unión Europea. Non sería a primeira nin a última vez que non deixase nin respecte a vontade da maioría política, social e sindical de non deixar a Euskal Herria na rúa.