Euskal Herrian, immigrazioaren zifrek gora egiten jarrai dezakete datozen urteotan, eta bikoiztu ere egin litezke, batez ere Bizkaian eta Gipuzkoan; beste lurraldeetan berriz, zailagoa izango da handitzea, Gaindegia Euskal Behatoki Sozioekonomikoaren 2010eko Txostenaren arabera.
Euskal Herrian, beste hainbat tokitan bezala, bazirudien immigrazioa eten egin zitekeela krisiaren eraginez, eta baliteke azken hilabeteotan horrelako zerbait gertatu izana. Hala ere, aurreikuspenak kontrako bidean doaz. Hori da behintzat Xabier Aierdi euskal soziologo eta EHUko irakaslearen tesia; izan ere, Euskal Herri osoko immigrazioari buruzko analisi sakona egin du. Lan hori Euskal Behatoki Sozioekonomikoak azken asteotan plazaratu duen Gaindegia Txostena 2010 delakoan argitaratu da.
Horrela, immigrazioak jarraitu egingo du Euskal Herrian, azken urteotako zifra apalagoekin bada ere; dena den, immigrazioak gora egingo du datozen urteotan. Bizkaian eta Gipuzkoan kopuruak bikoiztu ere egin litezkeela uste da. Zailagoa izango da gauza bera gertatzea gainerako lurraldeetan. Tesi horri eusteko, Aierdik “euskal parke industrial sendoaren beharrizanak” nahiz “gizartean edukiko ditugun beharrizanak –gizartea zahartzea, menpekotasuna kudeatzea, emakumearen rol tradizionala berraztertzea, indibidualismoaren fenomenoa, eta abar–.” hartu ditu kontuan. Etorkizunaz duen ikuspegia osatzeko, jatorrizko nazionalitateek berdintzeko joera izango dutela dio, halako moldez non zati bat Estatuko beste erkidego batzuetatik etorriko baita, eta, beste bat, atzerritik.
Hegoaldeko 2009ko eta Iparraldeko 2007ko datu ofizialen arabera, 215.686 atzerritar bizi ziren guztira Euskal Herrian. Bertakoak, data horietan, 2.939.702 pertsona ziren. Ondorioz, populazio osoa 3.159.388 pertsonakoa zen. Horren arabera, gure herrian, immigrazio-tasa %6,8koa zen data horietan, lurraldeen arabera ehuneko desberdinekin.
Euskal Herriak, gaur egun, 3.100.000 biztanle ditu; datuak 2010ekoak dira Hegoalderako eta 2008koak Iparralderako. Lurraldeei dagokienez, hamarretik bederatzi Hegoaldean bizi dira (2.814.099), eta bat Iparraldean (293.822). Lurralde-banaketa hau da: populazio osoaren %37,1 Bizkaian bizi da; %22,7 Gipuzkoan; %20,5 Nafarroa Garaian eta %10 inguru Araban eta Ipar Euskal Herriko hiru lurraldeetan.
Pertsona atzerritarren tasarik handiena Nafarroa Garaiak dauka (%11,2) eta txikiena Iparraldeak (%4,3). Euskal Herri osoaren batez bestekoa %7,2koa da. Lurraldeen arabera aztertuta, bertakoen, atzerritarren eta populazio osoaren ehunekoei dagokienez, Araba eta, neurri txikiagoan, Gipuzkoa dira osaera orekatuena dutenak. Bizkaian, Euskal Herriko populazio osoaren %37,9 bizi da, baina baita atzerritarren %31 ere. Egoera bestelakoa da Nafarroa Garaian; izan ere, populazioaren %20 bizi da bertan, baina baita atzerritarren ia %32 ere. Iparraldean, %9,4 eta %5,5 bizi dira, hurrenez hurren.
Azterlan horren arabera, gainera, Euskal Herrian dauden atzerritarren kopuru eta ehuneko adierazgarrienak Nafarroa Garaiko hiru eskualdetan (Tutera, %13,6; Erribera Garaia, %12,1; eta Iruñerria, %10,1) eta Arabako Lautadan (%9) daude. Ehunekorik handiena, hala ere, Hendaiako kantonamendukoa da, %17,5, baina hor kontaketa errealaren arazo bat dago; izan ere, badaude hor bizi diren Hegoaldeko pertsona ugari.
Hegoaldean, atzerritarren %31,6 Europatik dator, %21,8 Afrikatik, %42,1 Amerikatik eta %4,4 Asiatik. Bizkaian, latinoamerikar etorkinen presentzia argi eta garbi gailentzen zaie gainerakoei; Gipuzkoan, europarrak dira nagusi eta afrikarren kopurua txikiagoa da; Araban, gehiago dira Magrebetik etorriak; eta Nafarroa Garaian europarren presentzia handiagoa da, eta latinoamerikar gutxiago dago.
zterlanak, tamalez, ezin izan du Lapurdiko, Nafarroa Behereko eta Zuberoako egoera zehaztu, datu estatistikorik ezean. Nolanahi ere, Akitaniako –gune horrek Ipar Euskal Herria hartzen du bere baitan– banaketa-datu orokorren txosten baten arabera, atzerritarren %60 europarra da, gehienak EB-15ekoak; %30 Afrikatik etorri da, eta %7 Asiatik.
Xabier Aierdiren lanak etorkinen integrazio kultural eta politikoaren arazoak aztertzen ditu. Ildo horretatik, kultur integraziorako arazo kritiko bat dagoela iradokitzen du. Hori horrela, euskararen eta euskal kulturaren geografiak eta immigrazioarenak paraleloak direla adierazten du. Dioenez, hainbat eragilek adierazi du lan-arlo jakin batzuetan –zaintza eta zerbitzuak– latinoamerikar etorkinen presentzia kaltegarria dela euskararentzat. Gaineratzen du hemen arazo saihestezina agertzen dela, hala ere; izan ere, jatorri horretako pertsonak dira gure gizartearen zaintza-eskaeretara hobekien egokitzen direnak, lurraldean mintzatzen diren bi hizkuntzetako bat menderatzen dutelako. Ondorioztatzen du, gainera, ez dagoela nazionalitaterik, gure kultur beharrizanei dagokienez, lehenetsi dezakegunik. Integrazio politikoari dagokionez, Aierdik dio ez dela etorkinen arazoa, gizarte osoari dagokiona baizik.
Bere jatorri eta helburuei jarraiki, Gaindegia Euskal Behatoki Sozioekonomikoak urteko analisia plazaratu du, kasu honetan Gaindegia Txostena 2010. Sortu zenetik laugarrena da. Lehenak bezalaxe, Euskal Herri osoko errealitate sozioekonomikora hurbildu nahi du. “Konfiantza-kontua... ala mesfidantza-kontua agian” Juan Jose Ibarretxe lehendakari ohiaren hitzaurrearekin, 2010eko Txostenak baditu berrikuntza batzuk: adierazle sorta zabala eta atal monografikoa; halaber, Eztabaida Foroa izeneko atal berria.
Txosteneko sinatzaileek zehaztasun eta aniztasun ideologikoa bermatzen dute: Marta Luxan-Unai Martin, Joseba Barandiaran, Nekane Altzelai, Nekane Jurado, Estitxu Elduayen, Catalina Chamorro, Peio Olhagaray, Sagrario Zabaleta, Xabier Aierdi, Mikel de La Fuente, Asier Minando eta Itziar Navarro, Mertxe Larrañaga, Mikel Zurbano...
Adierazle Sorta kapituluan, populazio eta lurraldeari, eta ekonomia eta gizarteari buruzko azterlanak eskaintzen dira, Euskal Herriko zahartzaroaren erretratuaren ekarpen interesgarri batekin. Monografikoen kapituluan hainbat analisi datoz, gai hauei buruz: lan-merkatua, egoeraren araberako adierazleak, I+G, enpresa-demografia, Iparraldearen erretratua, Europar Batasuneko eskualde-adierazleak, immigrazio eta prestakuntza. Aipagarria da Euskal Herriko eta Finlandiako datuen arteko alderaketa, eta baita gure enpresen nazioartekotze-prozesua ere.
Quizá non saibas quen é Donald Berwick, ou por que o menciono no título deste artigo. O mesmo ocorre, evidentemente, coa maioría das persoas que participan no Pacto Sanitario en curso. Non saben que é o Triplo Obxectivo de Berwick, e menos aínda o Obxectivo Cuádruplo que... [+]
O artigo A motosierra pode ser tentadora, escrito nos días anteriores pola avogada Larraitz Ugarte, deu moito que falar nun sector moi amplo. Expón algunhas das situacións habituais dentro da Administración pública, entre as que se atopan a falta de eficiencia, a falta de... [+]
É importante utilizar correctamente un idioma? Até que punto é necesario dominar a gramática ou ter un amplo dicionario? Sempre escoitei a importancia da lingua, pero despois de porme a pensar, cheguei a unha conclusión. Pensar a miúdo leva iso; chegar a unhas... [+]
A outra vez fun a un sitio que non visitaba e que tanto me gustaba. Estando alí, sentín a gusto e pensei: este é o meu lugar favorito. Amuleto, amuleto, amuleto; virando a palabra no camiño de casa. Curiosamente busquei en Elhuyar e aparecía como amuleto. Pero pensei que... [+]
Ao longo da súa traxectoria académica, adolescentes e mozas recibirán en máis dunha ocasión orientación académica e/ou profesional para aqueles estudos que lles resulten de utilidade. Hai que ofrecerlles liderado, porque adoitan estar cheos de dúbidas cada vez que teñen... [+]
Atxik Berrituz giristino taldeak Kristauak Euskal Herriko bake prozesuan liburua argitaratu du Maiatz argitaletxearekin. Giristinoek euskal bake prozesuan zer nolako engaiamendua ukan duten irakur daiteke, lekukotasunen bidez.
Maiatzaren 17an Erriberako lehenengo Euskararen Eguna eginen da Arguedasen, sortu berri den eta eskualdeko hamaika elkarte eta eragile biltzen dituen Erriberan Euskaraz sareak antolatuta
