Hutsa bete hitz
Zer kontatu behar dizut ba nik zuri, irakurle, ez dakit-eta ezer?
Ez dakit nondik eskuratu duzun Argiaren ale hau. Ez jakiten hasita, paperetik edo pantailatik ari zaren ere ez dakit. Demagun hala ere honaino iritsi zarela, irrikaz ez bada txiripaz, zeuk jakingo duzu nola eta zergatik. Nik, zure larruan banengo, ez nukeen horrelako (alfer)lanik hartuko.
Gainera, zuk dena dakizu, hori da txarrena. Zuk lerro hauek irakurtzerako, amaituak izango dira hauteskundeak, baita Espainiako futbol liga ere. Ni, berriz, emaitzak ez dakizkidala ari naiz idazten. Munduan beste gairik ez bide dagoenez, zer egin?
Jakina, bi lehiaketa horiek dituzten antzekotasunak aipa nitzake, horretarako ez baitago emaitzak jakin beharrik. Esaterako, biak jokatzen direla jokalari batzuek ustez onartzen ez duten joko eta arau esparruan, eta azken batean biren arteko kontua izaten dela nagusigoa, gainerakoak beste txapelketa batean lehiatzen direla.
Hori, ordea, ezer esan gabe jardutea litzateke, eta genero horretatik aski izan dugu aspaldion, aski izan dugunez. Isilik hobe dut, beraz.
Carli Pup (Udine -friuleraz Udin-, 1973) Friuli [friuleraz, Friûl] herriaren ekintzaile kultural garrantzitsuenetako bat da. Bere hizkuntza gutxituaren idazle, hizkuntzalari eta bere herriaren historialari bihurtu da.
Gaur egun, Informazione Friulana kooperatibako... [+]
Os profesores e profesoras do ensino público temos a necesidade e o dereito a actualizar e mellorar o convenio laboral que non se renovou en quince anos. Para iso, deberiamos estar inmersos nunha verdadeira negociación, pero a realidade é nefasta. Unha negociación na que... [+]
