Nas películas vimos unhas lentes para poder vela de noite. Estas lentes usan raios infravermellos para ver os corpos que emiten calor. Pero para que funcione, teñen que utilizar un sistema que reduza a temperatura a -193ºC, polo que son moi caros e pesados. Investigadores do Instituto Fraunhofer de Duisburg, Alemaña, desenvolveron unha ferramenta que funciona mediante raios infravermellos e sen refrixeración.

Este sistema permite que a tecnoloxía de raios infravermellos inicie un camiño cara á nanotecnoloxía e poida ser útil en múltiples aplicacións industriais. Un dos primeiros usos está previsto na industria da automoción, sobre todo cando se trata de conducir de noite para detectar persoas e animais. Outro uso, a curto prazo, pode ser a detección de persoas que quedaron encerradas nas súas casas en caso de incendio.