As empresas biotecnológicas (Moderna, Cure Vac, Novavax e BioNTech) e os xigantes da farmacia (Pfizer, AstraZeneca, Jonhson & Jonhson, Sanofi e GSK) forman parte do capitalismo que busca o negocio e non lles importa a desigualdade que xeran.

Este catro grandes empresas biotecnológicas, segundo cálculos de Bloomblerge, gastaron en 2020 1.205 millóns de dólares, pero terán uns beneficios de 12.000 millóns de euros nos próximos dous anos: 6.035 millóns en 2021 e 5.970 en 2022. As empresas farmacéuticas mencionadas, pola súa banda, aumentarán as súas vendas nuns 24.750 millóns de dólares, segundo os datos facilitados. Só AstraZeneca calcula que en 2022 terá uns beneficios de 7.000 millóns de euros. Un negocio excelente.

Estas compañías recibiron centos de millóns de euros do Goberno de Estados Unidos e da Unión Europea, tanto en axudas directas á investigación e desenvolvemento da vacina como a través de contratos de subministración. Calcúlase que as investigacións se financiaron ao redor dos 5.000 millóns de dólares, segundo diversos cálculos.

En consecuencia, ao longo da pandemia sería lóxico, xusto e necesario que os gobernos tomasen medidas para eliminar as patentes e así priorizar a saúde pública fronte aos intereses comerciais. India, Sudáfrica e outros cen países xa solicitaron á Organización Mundial do Comercio a retirada de patentes relacionadas con produtos contra a Covid-19.

Si queremos garantir a igualdade entre as persoas e os países e conseguir as vacinas á vez, deberiamos empezar por aí. As vacinas deberían ser desenvolvidas, producidas e fornecidas en todo o mundo como bens públicos do mundo. O capitalismo, con todo, está presente.