Segundo datos de Oxfam, a metade da poboación mundial -3,8 mil millóns- xa son máis ricas que as 26 persoas máis adiñeiradas. A tendencia desproporcionada da repartición da riqueza nos últimos anos aumentou: En 2016 62 persoas máis ricas tiñan o mesmo diñeiro que a metade da poboación mundial, en 2017 eran 43 e hoxe en día son 26.

Destacamos algúns datos relevantes do informe:

Desde o inicio da crise económica hai dez anos duplicouse o número de ricos no mundo que superan os mil millóns de euros. Ao longo de 2017 e 2018, por exemplo, cada dous días unha persoa nova ha obtido máis de mil millóns de euros.

Só o 1% da riqueza de Jeff Bezos, o dono de Amazon e a persoa máis rica do mundo, equivale ao orzamento de saúde dun país de 105 millóns de habitantes como Etiopía.

O director de campaña e política de Oxfam, Matthew Spencer, denunciou que “nas nosas economías a riqueza repártese cada vez máis inxustamente entre uns poucos privilexiados, cando millóns de persoas apenas poden sobrevivir”.

Tamén advertiu de que hai riqueza no mundo para que todo o mundo teña unha "opción de vida máis xusta".

Para iso, Spencer afirmou que os impostos que reciben os gobernos das riquezas deben investirse en “servizos públicos gratuítos e de calidade que salvarían as vidas de moitas persoas”.