Jesús Ociel Baena era unha das figuras máis importantes a favor do dereito comunitario LGBTQ+ do estado mexicano de Aguascalientes. Tratábase dunha persoa non binaria que utilizaba o termo neutro “magistrade” para definir o cargo de maxistrado, esixindo nos tribunais o uso do pronombre “elle”. Ociel transmitía “espectacularidade e forza” para moitos membros do colectivo.

Baena foi atopada morta o luns na súa casa. O fiscal do estado de Aguascalientes, Jesús Figuero, sinalou que a hipótese principal é que Baena foi asasinada pola súa parella, Dorian Daniel Nieves, quen logo se suicidou. Figueroa destaca que segundo a investigación non houbo terceiras persoas.

En canto a Neves, compañeira de Baena, o fiscal indica que lle atoparon unha ferida cun coitelo na parte dianteira do pescozo e que segundo o estudo toxicolóxico ha dado positivo en metanfetaminas. Engade que os dous corpos quedaron “uns a centímetros”. “Estamos a coidar moito, sobre todo para manter o rexistro de todos os indicios”, aclara Figuero.

O avogado da familia de Baena, Alberto Cázares, sinalou que os familiares non creen na versión da fiscalía e teñen probas que cambiarán o rumbo da investigación. Adianta que estas novas probas presentaranse nos próximos días. Pola súa banda, a irmá do maxistrado, Cinthya Baena, destacou que días antes da morte o seu irmán recibiu ameazas.

O colectivo LGBTIQ+ non coincide

Nas protestas organizadas o luns pola noite, o colectivo mexicano LGBTQ+ manifesta non estar de acordo coa versión fiscal. Denuncia que a morte de Baena é consecuencia do “odio, a discriminación e a violencia contra os que se enfrontan habitualmente os membros do colectivo”.