Neste contexto, xa estamos a ver aos movementos nas empresas, no ámbito político e internacional, para chantajear e evitar aos gobernos calquera medida, social ou laboral, que beneficie aos traballadores e prexudique os seus intereses. Estamos a velo coa actitude do pp no Estado español, e tamén coa do Fondo Monetario Internacional (FMI). Así mesmo, están a exporse medidas para que os gobernos sexan os responsables das consecuencias económicas e empresariais desta crise. No Estado español, os bancos foron rescatados con 60.000 millóns de euros na crise económica que acabamos de atravesar, pero nunca devolveron ese diñeiro público.

Agora o Capital volve tentar condicionar as políticas do Goberno de España. Queren aproveitarse desta situación para, entre outras cousas, non derrogar a reforma laboral; para activar a reforma das pensións; para evitar novos impostos previstos, como o da taxa Tobin ou o dos grandes operadores tecnolóxicos, ou para non incrementar o imposto de sociedades.

Os movementos sociais, os sindicatos e os partidos deberían estar moi atentos porque o Capital, como sempre, puxo en marcha a máquina da chantaxe. Queren facer o mesmo co rescate público bancario coa crise do coronavirus: outro rescate público. A socialización das perdas e a privatización dos seus beneficios multimillonarios vólvese a traducir nunha nova socialización. O capitalismo máis cru.