Gaur banatuko dituzte Rikardo Arregi Sariak
Kazetaritza arloko zortzi finalisten artean dago June Fernández, ARGIAn argitaratutako Nerabeak eta sexu-heziketa: pornoa ote da arazoa? erreportajeagatik. Sari banaketa ekitaldia Andoainen egingo dute.
Azaro hasieran eman zuten Rikardo Arregi Kazetaritza eta Komunikazio Sarien finalisten berri eta asteazken honetan iragarriko dute zein diren irabazleak, Andoaingo Bastero Kulturgunean, sari banaketa ekitaldian.
Kazetaritza arloko finalisten artean dago June Fernández, ARGIAn idatzitako erreportaje batengatik: Nerabeak eta sexu-heziketa: pornoa ote da arazoa?. Epai-mahaiak azaldu duenez, eztabaida publikoan "deserosotasuna" eragiten duen gaia izanik ere, kazetariak analisirako argumentu bilakatu du, artikulu "gordin" batean, aditu eta arituak interlokutore dituela. Horrez gain, erreportajea osatzeko erabilitako irudi grafikoek ere "aipamen berezia" merezi dutela iritzi du.
Kazetaritza arloko beste hautagaiak dira Jon Artano Izetaren Juana liburua; Berria egunkarian Maite Asensiok, Amaia Igartuak eta Isabel Jaurenak idatzitako “Feminizketak” elkarrizketa sorta; eta Ipar Euskal Herriko Bada gazte hedabidea.
Bestetik, Komunikazio sariak ere banaktuko dituzte Andoainen. Hauek dira hautagaiak: “Ikusgela” Euskal Wikilarien Kultura Elkartearen proiektua; Berriaren “Ezer ez eta festa” podcasta; EITBko “Ez hain ondo” bideopodkasta; eta Euskalerria Irratiaren “Flop kultura” podkasta.
Saritu bakoitzak 9.000 euro jasoko ditu. Bestalde, Ana Galarraga Aiestaran kazetariari Ohorezko Mugarria saria emango diote ekitaldiaren hasieran.
Vietnam, 1965eko otsailaren 7a. AEBetako aire-armadak lehenengoz napalma erabili zuen biztanleria zibilaren kontra. Ez zen gasolina gelatinatsua erabiltzen zen lehen aldia. Bigarren Mundu Gerran hasi ziren bonbekin batera jaurtitzen eta, Vietnamen bertan, Indotxinako... [+]
.jpg)
O outro día, mentres repasaba a famosa serie de televisión The Wire, chegou unha escena que me lembrou a desesperación. Alí, a dirección do diario The Baltimore Sun reuniu aos traballadores e avisoulles dos cambios que se aveciñan, é dicir, dos despedimentos e dos... [+]
