O Goberno da República Eslovaca celebrou o pasado domingo un Consello de Ministros extraordinario e posteriormente foi o ministro de Defensa, Jaroslav Nad, o encargado de anunciar a decisión, segundo informa Efe. O Goberno convocou a toda a cidadanía a realizar o test rápidos de antígenos da COVID-19 durante o fin de semana do 31 de outubro e 1 de novembro. Antes realizarase unha proba piloto, o próximo fin de semana, en catro das rexións nas que o virus está máis afectado. Nas últimas dúas semanas produciuse un aumento da poboación contaxiada no país.

A operación, que estará liderada polas Forzas Armadas, mobilizará a máis de 8.000 soldados nas próximas semanas. Os cidadáns serán convocados aos lugares onde se vota nas urnas, cun total de 6.000 colexios electorais. En cada colexio electoral haberá un equipo de militares, profesionais sanitarios e civís.

A proba, con carácter forzoso ou baixo ameaza

O Goberno non precisou si a realización da proba terá carácter voluntario ou obrigatorio. No caso de que se decida a súa obrigatoriedade, o Goberno deberá reformar a lei antes da súa aprobación. De ser voluntario, o Goberno suxeriu que os cidadáns que non se someten á proba poden verse en risco de perder axudas sociais ou exencións fiscais. Só están exentos os nenos menores de dez anos.