Amplíase o prazo para o pago da hipoteca ás persoas que se atopen en situación de vulnerabilidade económica.

Os traballadores despedidos como consecuencia da crise do coronavirus (ou aos que se lles suspendeu o contrato temporal) poderán cobrar o paro, aínda que non coticen con anterioridade suficiente. E unha vez finalizada a crise, o contador ponse a cero, é dicir, ese período de desemprego non se terá en conta para o futuro.

Simplificarase e abaratará a posibilidade de que as empresas poidan suspender os contratos temporais (por exemplo, as empresas non terán que pagar a seguridade social destes traballadores). O presidente pediu aos empresarios que non despidan aos traballadores da empresa.

Doutra banda, garantirase que se poida reducir ao 100% a xornada laboral para favorecer o coidado de fillos, netos e avós.

Xunto ás medidas económicas, Sánchez engadiu que reducirán aínda máis as posibilidades de mobilidade no espazo público.