O cineasta Eneko Olasagasti é un dos creadores que se sumou á folga dixital. Mostrouse moi crítico coa axuda económica anunciada polo Goberno Vasco o pasado mércores, día da convocatoria da folga dixital en Euskadi.

Lembrou que as peticións de axuda por parte dos traballadores do sector son moi superiores aos 2,5 millóns xa anunciados e que a axuda anunciada polo Goberno Vasco non é unha nova partida, senón unha partida destinada a Lanbide. “Non se están activando máis partidas que as que xa existían, quitárono dun sitio e puxérono en outro”.

Nas súas declaracións, Olasagasti pediu "medidas urxentes" porque a situación no sector cultural xa era precaria e engadiu que si non se dá a volta á situación moitos traballadores do sector quedarán "na pobreza social".

Olasagasti sinalou que é difícil cuantificar o número de persoas que se sumaron á folga dixital, xa que, ademais da lista de máis de 1.000 persoas que asinaron a convocatoria, outras moitas, sexan ou non empregadas de cultura, negáronse estes días a compartir contidos culturais e colgaron un cartel da convocatoria de folga nas súas redes.