A ministra española de Industria, Reyes Maroto, deu a coñecer a data do 22 de xuño ante diversos medios de comunicación internacionais. Dúas horas despois, Moncloa rectifica as súas palabras e retoma a data prevista, a do 1 de xullo.

Desde marzo segue pechada a fronteira entre Ipar e Hego Euskal Herria, e desde entón, os habitantes de ambos os lados só puideron cruzar a fronteira con motivos de excepción. A ministra de Industria, Comercio e Turismo, Reyes Maroto, sinalou nunha comparecencia realizada este xoves a data do 22 de xuño, a petición dos entes territoriais de ambas as partes. Co anuncio de que non se vai a pór en corentena aos habitantes do norte que cruzan a fronteira, a pesar de que nun principio o Goberno de España manifestou esa intención. En calquera caso, a día de hoxe e tras a emenda da Moncloa, non se poderá cruzar a fronteira de forma libre até o 1 de xullo.

O Goberno pretende desde o 1 de xullo abrir novas fronteiras aos cidadáns da Unión Europea para dar saída ao turismo en España. Antes de dar este paso, Maroto considerou oportuno ampliar as fronteiras de Francia e Portugal, e nese contexto aludiu a adiantar a data.