Christine Lagarde, líder do Banco Central Europeo, anunciou o xoves pola tarde un aumento do 0,5% dos tipos de interese, a pesar do risco de crise interbancaria.

Lagard di que están atentos e que a situación económica vai dicir si a partir de agora subirán máis os tipos de interese. Desde o pasado mes de xullo subiron un 3,5% os tipos de interese, o que fixo subir directamente o índice Euribor e encarecer as hipotecas a millóns de cidadáns.

Había dúbidas sobre o que ía facer o banco central, tras o terremoto que a quebra do banco norteamericano Silicon Valley provocou no sector financeiro, pero Frankfurt segue co seu plan de deixar aos cidadáns o custo do incremento dos prezos da enerxía e os alimentos.

O obxectivo da medida é reducir a demanda de consumo para contribuír á diminución da inflación, reducindo o nivel de poder adquisitivo dos cidadáns, especialmente a través das hipotecas e o aumento do paro.

O xoves pola mañá o banco suízo Credit Suisse pediu ao banco central suízo unha liquidez de 50.000 millóns de euros debido á caída nas bolsas provocada polo desastre de Silicon Valley e á "inquietude dos mercados". Isto reforzou as dúbidas sobre a "saúde" dos bancos europeos.

Con todo, o vicepresidente do BCE, Luís de Guindos, sinalou que Credit Suiss ten un nivel de contaminación "limitado" e é "a industria bancaria resiliente de Europa".

Por tanto , o principal motor da economía financeira europea continúa coa súa: encarecer o diñeiro e empobrecer á cidadanía, como fixo coa crise de 2008.