O Goberno de España denegou as axudas a familiares de presos de ETA falecidos como consecuencia da guerra sucia do Estado español. Pero os falecidos nunca foron xulgados nin condenados como terroristas por presuntos delitos cometidos. Así, os familiares das dez vítimas do GAL e BVE desprazáronse a Estrasburgo, xa que esta decisión puña en dúbida o seu principio de inocencia.

O Tribunal Europeo de Dereitos Humanos rexeitou a denuncia de que España non vulnera o Convenio Europeo coa denegación das indemnizacións. Con todo, Estrasburgo non se pronunciou á hora de decidir si estas vítimas teñen dereito a ser indemnizadas ou non polo dano moral sufrido.

España recorreu á lei de vítimas de 2011 para denegar as axudas, que obriga ao Estado a non indemnizar aos membros ou familiares que participaron na organización terrorista. Con todo, entre as vítimas que interpuxeron unha denuncia en Estrasburgo non hai ningunha que sexa xulgada por pertenza a ETA.

Antes de acudir a Europa, o caso debateuse no Tribunal Constitucional e dous dos xuíces do tribunal emitiron un voto particular, xa que na súa opinión tampouco estaba probado que as vítimas fosen membros de ETA ou non.