O último informe de FACUA conclúe que coa eliminación do IVE, en lugar de abaratar os prezos, a cesta da compra aumenta e as cadeas de supermercados enriquécense. O Goberno español retirou o pasado 30 de decembro o IVE dos alimentos básicos co obxectivo de reducir o incremento do custo da cesta da compra no primeiro semestre de 2023. Na actualidade, o imposto era do 4% no caso dos alimentos básicos como ovos, verduras, froitas, legumes, pan, queixos e lácteos, o IVE reduciuse do 10% ao 5% no caso do aceite e a pasta.

A Asociación FACUA analizou os prezos antes e despois de cada mes de baixa do IVE. Velaquí algúns exemplos de encarecemento.

É evidente que os maiores incrementos de prezos producíronse no sector das froitas e hortalizas:

-Mercadona eleva a cesta de cebola de dous quilos de 2,30 a 3,99;

-En Eroski, a bolsita de catro cebolas pasou de 1,49 a 2,47 euros de febreiro a marzo.

-En Dia, a bolsa de patacas de tres quilos pasa de pagar 2,88 euros en xaneiro a 4,22 euros en febreiro, prezo que se mantén en marzo.

-En Hipercor, por exemplo, a marca branca de arroz redondo pasou de 1,82 a 2,79 euros desde que se eliminou o IVE.

-e por último, o quilo de granada en Carrefour: 1,91 euros o quilo cando se suprimiu o IVE; 3,99 euros o quilo en febreiro; e 4,99 euros o quilo en marzo.

FACUA publica unha táboa detallada do estudo.

"Ilegal"

No Decreto polo que se elimina o IVE dos alimentos básicos, concretamente no artigo 72 do Decreto 20/2022, de 27 de decembro, sinálase que "a redución ou eliminación de impostos só beneficiará ao consumidor e en ningún caso aos axentes empresariais, produtores, distribuidores ou vendedores".

A asociación de consumidores FACUA volveu a acudir á Comisión Española da Competencia e o Mercado para denunciar a "ilegalidade" da actividade das grandes cadeas de supermercados.