Polo menos 480 migrantes senegaleses con destino ás Illas Canarias han morto ou desaparecido en poucas semanas cando cruzaban o mar. O naufraxio que deixou as cifras máis crúas é o do 24 de outubro: Atopábase rumbo a Europa e, tras estalar o motor do barco, que transportaba a 200 pasaxeiros, afundiuse, causando a morte de polo menos 140 persoas.

Tras este suceso, a Asociación de Xornalistas especializada en Migración e Seguridade de Senegal (AJMS) denunciou que o goberno non fai nada ante a “falta de perspectiva” dos mozos do país, que lles motiva a cruzar o mar.

Pola súa banda, os ministros Néné Fatouma Tall e Dáme Diop do Goberno de Senegal, en declaracións a PressAfri, afirmaron que as persoas que se embarcan non só inician o proceso migratorio por motivos de emprego. Os representantes do Goberno tamén engadiron que teñen que ver a crenza de que o outro lado do mar está cheo de oportunidades e a presión familiar. A Organización Internacional para as Migracións (OIM) puxo en marcha un proxecto para concienciar sobre os riscos da migración irregular no mundo.

Día de loito

Ante a dramática cifra de mortes e desaparicións, varios cidadáns e asociacións de Senegal están a organizar un día de loito para o próximo 13 de novembro. Aproveitarán as redes sociais para homenaxear aos que perderon a vida e esixir ao Goberno soluciones a través dos hashtags #Whatshappeningenegal e #SènegalEnDeuil.