Apple e Google anunciaron o pasado 10 de abril que están a desenvolver unha infraestrutura de software, dentro das medidas contra a epidemia de Covid-19. Trátase dunha aplicación para que os cidadáns coñezan, manteñan e transmitan aos gobernos con quen nos reunimos no día a día, para así, segundo eles, obter "información que evite mellor a propagación do virus", así como para alertar ás persoas que estiveron en contacto cos enfermos e facilitar as corentenas e os exames selectivos.

Como case todos os proxectos que se están estudando en Europa, funcionaría utilizando a tecnoloxía Bluetooth para determinar si unha persoa estivo en contacto con outra persoa enferma en lugar dun seguimento continuo da geolocalización. Cando dous usuarios están moi preto, esta información sería rexistrada pola aplicación; e si un deles aparecese posteriormente con síntomas de Covid-19, a aplicación enviaría unha mensaxe de alerta.

"Apoio" aos gobernos

A intención é "axudar aos gobernos a que poñan en marcha estas aplicacións de rastrexo de contactos e a que terminen antes os confinamentos". Segundo as multinacionais, permitiría ás autoridades moitas máis opcións de identificar aos novos grupos de infeccións.

Do mesmo xeito que os sistemas implementados por varios países asiáticos, varios países europeos, entre eles Francia e España, están a analizar na actualidade a creación e/ou uso de programas informáticos similares. A República Checa lanzará este mes unha aplicación similar. Gran Bretaña, Alemaña e Italia tamén están a desenvolver os seus propios instrumentos para coñecer os movementos da poboación.