A Fiscalía da Audiencia Nacional ha presentado xa o escrito de acusación contra o nove cataláns detidos na "operación Judas" levada a cabo pola Garda Civil o pasado 23 de setembro de 2019 en Madrid. Os membros dos CDR, investigados pola Audiencia Nacional baixo a acusación de "terrorismo", quedaron en liberdade baixo fianza en poucos meses das detencións.

Os avogados da defensa denunciaran desde o momento en que accederon ao sumario do xulgado a existencia de contradicións entre a acusación e as probas recollidas, e tamén as familias dos detidos denunciaron irregularidades que vulneraban o dereito de defensa.

Segundo informou este venres a prensa, a Fiscalía española acusa os nove membros dos CDR de pertenza a organización terrorista, fabricación e depósito de explosivos. Nun escrito entregado ao xulgado, sinálase que a intención era cometer atentados e sabotaxes en resposta á sentenza ditada contra dirixentes independentistas, así como agredir ao Parlamento.

Para o fiscal, queda demostrado que a organización terrorista paralela aos CDR “pretendía lograr a independencia de Cataluña facendo uso da violencia na súa máxima expresión”.

A organización antirrepresiva Alerta Solidària, encargada da defensa dos imputados, afirmou nas redes sociais que a acusación da Fiscalía non chegou con sorpresa, senón que é "a continuación do relato que nos queren impor".