Hainbat kolektibo daude Gasteiz Anitzaren atzean. Egoera larrien aurrean "soilik poliziaren esku hartze gehiago" eskatzen duen eta "eskubideen urraketei entzungor" egiten dion ereduaren aurrean, beste praktika eredu bat egiteko saiakera dela adierazi dute. Abiapuntua "elkarbizitzan" dutela eta "auzokideen arteko elkartasuna" horretarako "tresna" dutela jakinarazi dute. Santiago Etorbideko kasua aipatu eta "baliabide falta" salatu dute.