Parisko Komunaren liderretako bat zen Louise Michelen aurkako gerra kontseilua hasi zen
16 December 1871,
Parisko Komunaren liderretako bat zen Louise Michelen aurkako gerra kontseilua hasi zen. Komuna zapaldu ostean atxilotu zuten ekintzaile iraultzailea, eta baldintza oso txarretan espetxeratu. Epaiketan ez zuen, beste gehienek bezala, bere ekintzak gutxiagotzeko ahaleginik egin. Komunaren zilegitasuna eta utopiara hurbilduko zen proiektua gogor defendatu zituen, eta epaileei desafio egin zien: “Ez bazarete koldarrak, hil nazazue”. Frantzian oso ospetsu egin zen.
Kaledonia Berrira deportatu zuten, Parisetik 20.000 kilometrora eta harresiz inguratutako barruti batean bizi osorako bizitzera zigortu zuten. Hango herritarren borrokan engaiatu zen eta 1880an itzuli zenean Frantziara, iraultza anarkistaren alde aritu zen.
Source:
Louise Michel, Erbesteko gutunak Victor Hugori (Katakrak).
This year in history:
<
>
From newest
From oldest
This month's anniversaries:
|
From newest
From oldest
