Nafarroako gobernadore zibilaren euskararen aurkako zirkularra
02 September 1901,
Benito Francia Nafarroako gobernadore zibilak euskararen aurkako zirkular bat argitaratu zuen Aldizkari Ofizialean. Bertan, Nafarroako mendialdeko irakasleei zuzentzen zitzaien, hainbat ikasgai euskaraz ematen zituztela eta. Eskola eremuan espainiera ez den hizkuntza oro debekatua zegoela oroitarazteaz gain, espainiar aberriaren interesak hala agintzen zuela adierazi zuen. Irakasleek jaramon egin ezean erantzukizunak eskatzera jotzearekin mehatxatu zuen. Prentsan sortu zituen erreakzioak, oro har, euskararen aldekoak izan ziren, eta espainiar botere zentralak Nafarroaren burujabetza zapaltzen zuela salatu zuen Estanislao Aranzadi politikari foruzale eta euskaltzaleak.
Source:
Juan Pedro Urabayen Mihura, Nafarroako gobernadore zibilak 1901ean egindako euskararen aurkako zirkularra (Príncipe de Viana, 1993).
This year in history:
<
>
From newest
From oldest
This month's anniversaries:
|
From newest
From oldest
