Lekeitioko Udalak etxebizitza turistikoen lizentziak geldiarazi ditu
HAPOn etxebizitza turistikoak arautu eta mugatzeko aldaketa puntual bat egin arte eten egingo da herrian gisa horretako etxe gehiago irekitzeko aukera. Alokabiderekin hitzarmen bat egin duela ere iragarri du udalak, etxe hutsak alokairuan jartzeko.
"Mundu guztian hedatuta dagoen fenomenoa da etxebizitza turistikoena, eta zoritxarrez Lekeition fenomeno hori arazo bihurtu da", horrela abiatu du asteartean kaleratutako oharra Lekeitioko Udalak, etxebizitza turistikoen lizentziak geldiarazi dituela berri emateko. Etxebizitzaren gaia lekeitiarren arazo nagusienetako bat dela "argi" dagoela adierazi du udalak. Izan ere, Araba, Bizkaia eta Gipuzkoan etxebizitza turistikoen ratio altuenetako bat duen herria da: 92 etxe turistiko daude erregulatuta herrian, eta udalak adierazi du askoz gehiago egongo direnaren susmoa duela.
Arazo horri konponbideak bilatzen iazko maiatzean hasi zen Lekeitioko Udala, HAPOn etxebizitza turistikoak arautu eta mugatzeko aldaketa puntual bat egiten hasi zenean. Prozesu horrek bi urte iraungo dituela aurreikusten dute, eta, beraz, asteartetik aurrera etxebizitza turistikoen lizentziak geldiaraziko dituztela erabaki dute.
Martxoan argitaratu zuen udalak Lekeitioko metabolismo demografikoaren eta beharraren azterketa diagnostikoaren txostena, eta ondorioztatu zuen herrian etxe huts pila bat dagoela: txostenaren arabera, herriko etxebizitzen %17,2 –909– hutsik daude. Gainontzkoe etxebizitzei dagokionez %57,4 dira lehenengo etxebizitza, eta %25,4 bigarrena.
Alokabiderekin hitzarmena
"Turistifikazioa" murrizteko neurriaz gain, Lekeitioko Udalak iragarri du Alokabiderekin hitzarmen bat egin duela etxe bat eskuratu ezinda dauden herritarrei begira: hutsik dauden etxebizitzak urte osorako "alokairu duinean" jartzeko gonbita egingo die enpresa publikoak jabeei. Alokairuak sei urterako izango dira, eta Alokabidek jabeekin konpromisoa hartuko due euren etxeak "zaintzeko".
Frantziako Estatuko diputatuak eta senatariak ados jarri dira. Orain arte, alokairu turistiko bat alokatzen zutenek etekinen %50 zergapetik kentzeko aukera zuten, urte osoko alokatzaileek, berriz, %30. Lege proposamenak biak hein berdinera ekarriko ditu, hots, %30era.
Asteburu luze bat. Ingurutik bueltatxo bat eman eta pikoteoa egiteko probestu dugu. Turistak selfie-ak egiten. Turistentzako bideak, alokairuak, dendak, hotelak, aparkalekuak, menuko platerak, seinaleen kartelak munduko hizkuntza orotan. Turistak ohiko lekuak leku arrotz... [+]
Espainiako Auzitegi Gorenak ebatzi duenez, bizilagunen komunitateek eraikin edo urbanizazio batean etxe turistiko gehiago jartzea debekatzeko ahalmena izango dute, betiere bostetik hiruko gehiengoa lortuz gero. Modu horretan, atzera bota ditu Espainiako Estatuan etxe turistikoen... [+]
Etxebizitzen %20 baino gehiago jadanik bigarren etxebizitzak dira Ipar Euskal Herrian. Larrialdi klimatikoaz sentsibilizatzeko lau hilabetez, Nantesetik abiatu Alternatiba txirrindula itzulia, kostaldean zen aste buruan.
Kataluniako erkidegoko azken hauteskundeetatik eta Europako Parlamenturako bozen emaitzetatik abiatuta, presio turistiko handiena bizi duten Herrialde Katalanetako herrietan eskuin muturraren botoak nola egin duen gora aztertuko dugu artikulu honetan.
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Etxe turistikoek alokairuaren merkatuan duten pisua aztertu dute, eta hainbat datu adierazgarri gelditu dira agerian.
Lau egunez behin hotel berri bat zabaltzen dute Espainiako Estatuan.
Etxebizitza turistiko berriak erregistratzeko baimenik ez ematea erabaki du Mundakako gobernu taldeak, ostegun honetan egin duen ezohiko bileran. Hirigintza Antolamendurako Plan Orokorrean (HAPO) behar diren aldaketak egingo ditu lizentzien etetea burutzeko.