Ia 300.000 euro eskatu dizkio Ernairi isunetan Jaurlaritzak: “Orain arte jasandako erasorik larriena da”
"Ernai ekonomikoki itotzen eta politikoki deuseztatzen" saiatzea leporatu dio gazte antolakundeak Jaurlaritzari ostegun goizean Bilbon egindako agerraldi jendetsuan. Jakinarazi dutenez, Aitor Zelaia eta Galder Barbadoren espetxeratze agindua salatzeko Bilbon eta Gasteizen egin zituzten bi ekimenetan identifikatutako 133 kideei bakoitzari 1.500 eta 2.500 euro arteko isunak bidali dizkie Jaurlaritzak Mozal Legea baliatuta. Guztiak batuta, orotara 290.500 euro dira. Isunei helegiteak jartzeaz gain, diru-bilketa kanpaina abiatuko dutela adierazi dute.
2023ko irailaren 22an, Ernaiko kide Aitor Zelaia eta Galder Barbadoren espetxeratze agindua salatzeko dinamikan, Gasteizen eta Bilbon kateaketak eta errepide mozketak egin zituzten. Gasteizen, Ertzaintzaren komisaldegian eta Bilbon, Espainiako Gobernuak duen ordezkaritzaren eraikinean. Ertzaintza gazteen aurka oldartu zen eta Gasteizen bost pertsona atxilotu zituen.
Orain, protesta haietan identifikatutako 133 kideei isunak bidali dizkiete, guztira ia 300.000 euro. "Ernairen aurkako eraso argia da", adierazi dute Bilbon egindako agerraldian, eta Jaurlaritzaren erantzuna desproportzionatua dela salatu dute. "Hau ez da ausaz gertatu, urteetan Ernairen aurka izan duten obsesio etengabean beste urrats bat da", salatu dute.
Isunen aurkako helegiteak jarriko dituztela jakinarazi dute eta beraz, prozesu judiziala abiaraziko dutela. "Ez da erabaki erraza izan, prozesu judizial batek antolakundearen egunerokotasunean zama handia eragiten duelako: baina sinetsita gaude hori dela egoera bidegabe honen aurrean har dezakegun erabakirik egokiena". Erabakia kolektiboa izan dela balioan jarri dute eta zigortutako 133 pertsona horien prestutasuna eskertu dute.
"Mozal legea baliatu dute gure aurka, hori baita 2015etik hona mugimendu sozialak itotzeko darabilten mekanismo errepresibo nagusia. Era sistematikoan edozein protesta sozial eta demokratikoren aurka baliatzen duten tresna. Ikusi izan dugu mugimendu feministaren aurka, lan gatazken aurka, kolektibo arrazializatuen aurka eta beste hainbestetan. Finean, herri honetan indarrean eta martxan dagoen herri mugimendua apaltzeko beste saiakera baten aurrean gaude", kritikatu dute.
"Gure proiektua deserosoa zaie. Hori guztia ezkerreko independentismoa hegemonia politiko eta ideologikoa irabazten ari den unean dator, instituzioetan, masa mobilizazioan zein mugimendu sozialetan. Aldaketak eragiteko gaitasuna dugu, gazteon bizitzak hobetzeko eta herri honen etorkizuna marrazteko. Aurrera goaz, gehiago gara eta haiek beldur dira", azpimarratu dute.
Diru bilketarako kanpaina jarri dute abian da kontu korronte bat jakinarazi dute, ekarpenak jasotzeko: ES14 3035 0108 01 1080050918. Lagundu nahi dutenei, "Dohaintza" kontzeptuarekin egiteko eskatu diete. Horrez gain, elkartasun zozketa eta crowdfunding bat abiaraziko dutela ere jakinarazi dute.
"Egoera oso larria da, eskubide zibil eta politikoetan atzerapauso izugarria dakar, Segurtasun Sailaren jarrera antidemokratikoa argi uzten duena eta Ernai ezeztatzea helburu duena. Baina argi entzun dezatela: oker zabiltzate. Hemen gaude, asko gara eta lanean jarraituko dugu", salatu dute. Hala ere, adierazi dute: auzi honek, beren lanean berresteko baino ez diela balio, "eta are indar eta ilusio handiagoarekin aurrera jarraitzeko nahia" biderkatzen diela. "Konbentzituta gaudelako gazte borrokak, konpromisoa eta antolakuntza ezinbestekoak direla inongo zapalkuntzarik gabeko Euskal Herria irabazteko. Eta horretan jarraituko dugu. Izan ere, hemen bada aurrera egin nahi duen herri bat, eta gu, gazte independentistok, izango gara horren motorra. Horregatik, elkarrekin batuz, bidean aurrera egingo dugu".
Apirilean Jaurlaritzako Segurtasun Sailak gazte antolakundeko 133 kideri jarritako isunen harira manifestua aurkeztu du Ernaik. Euskal Herriko 32 eragile sozial, sindikatu eta alderdi politikok egin dute bat idatziarekin. Isunek antolakundea “itoarazi eta politikoki... [+]
"Espainolismoa goratzen duen sinbolorik" ez dutela nahi adierazi dute antolakundeko kideek. Euskal Herri antifaxista aldarrikatzeko ekintza izan da Nafarroan gelditzen zen azkenengo zezena botatzea, ekintza zuzenaren bideoa zabaltzearekin batera.
“Españolismoaren eta faxismoaren normalizazioan” Hispanitatearen egunak jokatzen duen papera salatzeko urriaren 12an Tafallan mobilizatuko da Ernai. “Gu, Nafarroako etorkizuna gara, haiek, aldiz, iragana. Faxismoak herri honetan lekurik ez duela argi... [+]
Amaiur Egurrola Ernairen bozeramaileak azaldu du Ernairen aurkako operazioari erantzuteko bildu direla, “baina batez ere gazteria independentista kalean dagoela esateko”. Eusko Jaurlaritzak ia 300.000 euroko isuna ezarri die Ernaiko 133 kideri, Aitor Zelaia eta... [+]
Ernai Gazte Antolakundeko 133 kideri isunak jarri dizkiete, Aitor Zelaia eta Galder Barbadoren espetxeratzearen aurka mobilizatzeagatik. 290.500 euro dira guztira, eta diru bilketa bat jarri dute martxan, herriak ere ekarpenen bat egin dezan. Ibone Alonso eta Aizpea Uranga... [+]
Gazte antolakundeak "amorrua anbizio bilakatzeko gaitasuna" azpimarratu du. Atxiloketa prozesuaren atzean dagoena salatzea ez ezik, Ernairen norabidea zehaztu du.
Bilbon, Espainiako Gobernuaren ordezkariordetzan egin dute ekintza; Gasteizen, Ertzaintzaren komisaldegi atarian. Ertzaintza gazteen aurka oldartu da, eta Gasteizen bost pertsona atxilotu ditu.
Sakea egin zuen Olaia Inziartek ostegun iluntzean Elorrioko Gazte Topagunean. Oronozkoak izan zuen antolatutako kontzertuen karpa txikia irekitzeko ardura. Eta are, txiki geratu zen Ezker Pareta abeslariaren harridurarako. Orduek aurrera egin ahala, baina, indarrak gordetzea... [+]
Martxoaren 2an hamarkada bete du Ernai gazte antolakundeak. 2013an abiatu zuen ezker abertzaleko gazte antolakunde berria, Lizarran, errepresio eta ilegalizazio arotik zetorren belaunaldiak. Egun, ez dago sorrerako inor Ernairen gidaritzan, eta testuinguru politikoak zein... [+]
Gaur errazagoa omen da munduaren amaiera irudikatzea patriarkatuaren eta kapitalismoaren amaiera imajinatzea baino. Hori irakurri nien, beste gauza askoren artean, Eraitz Saezi eta Lur Albizuri Gureak ere badira, desira, boterea, epika liburuan, eta egia da. Espektatiben krisi... [+]
Ostegunean Ernai Gazte Antolakundearen urteurren borobila da. Duela hamar urte, 2013an, Lizarran aurkeztu zen. Egunean zehar ekimenak eginen dira hainbat herrietan. Iruñean, egitarau berezia antolatu dute.