Bi homofobok sudurra apurtu diote Asierri Bilbon: “Kikilduta nahi gaituzte, erantzun egin behar zaie”
Mutil-lagunari eskua emanda zihoan Asier; atzetik bi gizon gazte agertu eta muturreko bat eman zioten, hain bortitz, ezen sudurra apurtu zioten eta lurrera bota zuten. Sudurreko ebakuntza egin berritan hitz egin du ARGIAk berarekin: "Diskurtso faxista indartzen eta legitimatzen ari da inguru batzuetan".
Santomasak ziren, abenduaren 21 gaueko 1:45ak inguru, eta Bilboko Indautxu auzoan jasan zuten 23 urteko Asierrek eta bere mutilak eraso homofoboa. Atzetik agertu zitzaizkien eta "dena oso azkar pasa zen", muturrekoa jaso eta lurretik altxa zenerako korrika alde egin zuten erasotzaileek. "Nire mutilak pasa zuen okerren, bera ez zuten jo, baina txuri geratu zen, zer erantzun edo nola erreakzionatu ez zekiela, eta inpotentziaz bizi izan zuen ikustea ni nola jo ninduten". Sudurretik odol jarioa zuela, gertuko diskotekan artatu zuten Asier (nahiago du abizenik ez eman). Udaltzaingoari deitu eta salaketa jarri zuten. Anbulantzia etorri zen ondoren eta ospitalera eraman zuten gazte bilbotarra. Sudurra apurtua zuela berretsi zioten, eta joan den astean izan du ebakuntza.
Erasoaren berri Itaiak eman zuen Gedar-en, baina gainerakoan, oharkabean pasa da.
"Erasoa jasan edo ez, pilotu automatikoa beti aktibatuta dugu heteroak ez garenok, badakizu non ez diozun mutil-lagunari eskua emango, non ez diozun musu bat emango"
Komentario homofoboetara ohituta bai, baina lehen aldia da Asierrek eraso fisiko homofoboa jasan duena; aurrerantzean, eskutik helduta joateko edo bestelako keinu afektiboak publikoki adierazteko beldurrik ote duen galdetu diogu. "Erasoa jasan edo ez, pilotu automatikoa beti aktibatuta dugu heteroak ez garenok, lekuaren arabera, inguruan duzun jende eta giroaren arabera… badakizu zer egin dezakezun eta zer ez, non ez diozun mutil-lagunari eskua emango, non ez diozun musu bat emango".
Homofobia handia dago oraindik gizartean? "Jakina, batez ere egunerokoan eta gutxi-gehiago eremu guztietan, baita LGTB mugimenduaren barruan ere, denok gurutzatzen gaituen zerbait baita". Dena den, ingurune bat jarrera erreakzionarioak normalizatzen eta legitimatzen ari dela dio, streamerrak eta politikariak tarteko. "Lehen ziurrenik ezkutuagoan geratzen ziren halako erasoak; orain badago sektore bat jarrera horiei aurre egiten diena eta horren aurrean elkar elikatzen eta indartzen ari dira, gorroto diskurtsoak normalizatzen".
"Lehen ziurrenik ezkutuagoan geratzen ziren halako erasoak; orain badago sektore bat jarrera horiei aurre egiten diena eta horren aurrean elkar elikatzen eta indartzen ari dira"
Salaketaz gain, pertsona eta eraso hauek ezin dira erantzunik gabe geratu, uste du Asierrek, "erantzun fisikoa edo ahozkoa, baina erantzuna, zeren zure burua kikildu dezaten uzten baduzu, kikilduta emango duzu bizitza osoa". Defentsa pertsonaleko ikastaroak hartzea gomendatu du.
Jose Ignacio Munilla gotzainak enegarren aldiz erakutsi du bere homofobia, homosexualitatea “sendatzeko” terapiak defendatuz. Valentzian irakasle bat harrapatu dute ikasleekin birmoldaketa homosexualeko terapiak egiten, eta Donostiako apezpiku ohia bere alde atera... [+]
Errezilgo Udalak jakinarazi duenez, aurpegia estalirik eta jarrera “oso bortitza” zuen gizon talde batek bikote baten etxeari eraso egin eta bikotea iraindu zuen. Udalak erasoa gaitzetsi du.
Alemaniako gizonezkoen futbol profesionalean ari diren hainbat futbolari armairutik ateratzekoak ziren maiatzaren 17an. Sekretuan eta kluben bizkar biltzen ari ziren jokalariak, baina espektatiba altuak ezerezean geratu dira, ez da inor armairutik atera. Futbol maskulinoaren... [+]
Soraluzen Señora Bertso egunean eta Tolosako Inauterietako Zaldunita gauean bi eraso homofobo izan direla salatu dute.
Bermeoko Udalak Elantxoben larunbatean gertatutako erasoa gaitzetsi du, eta Anitzak Bilbao LGTBIQ+ elkarteak asteartean Bilbon gertatutakoa.
Asteartean deklaratu dute joan den asteko eraso homofoboarekin lotutako ustezko erasotzaileek eta biktimek. Ekainaren 21ean izango da hurrengo saioa.
Gazte talde batek jipoitu eta irain homofobo zein arrazistak egin zizkietela salatu dute biktimek, larunbat gauean taberna batetik ateratzean Villabonan (Gipuzkoa). Lakuako Segurtasun Saila gertatutakoa ikertzen ari da.
Zumaiako Mugimendu Feministak jakin duenez, txosnagunean bi eraso sexista izan dira, eta taberna batean eraso homofoboa. Elkarretaratzea egingo dute asteartean, 19:00etan.
Larunbatetik iganderako gauean, jende gehiagorekin batera Hondarribiko jatetxe batetik ateratzen zelarik gizon bati beste batek iseka eta irain homofoboak egin zizkion eta jo egin zion aurpegian. Ertzaintzak erasotzailea izan daitekeena identifikatu du. Astearte arratsalde... [+]
Lucasek 13 urte baino ez zituen, urtarril honetan bere buruaz beste egitea erabaki zuenean. Homosexuala zelako auzoan eta batez ere eskolan jasaten zuen jazarpenak eraman du heriotzara, gurasoek salatu dutenez. Bullyingaren eta homofobiaren aurkako borroka eztabaidagai jarri du... [+]
50 apaiz gay italiarrek sinaturiko gutun irekiak hautsak harrotu ditu Eliza Katolikoan: ezin dutela beren sexualitateaz hitz egin, trabak jartzen zaizkiela eta seminarioetatik homosexualitatearen aurkako gorrotoa bultzatzen dela salatu dute.
2021ean salatutako edo ezagututako gorroto delituen berri eman du Espainiako Barne ministroak. Hego Euskal Herrian, 309 kasu zenbatu dituzte denera, baina askoz gordinagoa da errealitatea: gorroto delituren bat jasan dutenen %80ak ez du salatzen, hainbat ikerketaren arabera.
Peppa Pig haurrentzako telesailean bi ama dituen hartzatxoa ageri da kapitulu berrietako batean, eta berau debekatzeko eskatu dio RAI telebista publikoari Fratelli D’Italia alderdi politikoak. Eskuin muturraren beste ateraldi bat da, bai, baina italiarrek gainean dituzten... [+]
Gorka Urtaran hiriko alkateak adierazi duenez bultzadak eta irain homofoboak salatu dituzte. Pertsona batek salaketa jarri du.