Azken asmakizuna
Zer jatorrak ziren Podemos-ekoak! Oroitzen? Haien buruzagiak Iruñeko Herriko Tabernan mintzaldia emana zuen. Eta sinesten zuten Guardia Zibila Euskal Herriko droga trafikoan nahasirik ibilia zela 80ko hamarkadan. Eta presoen sakabanaketaren aurka zeuden. Eta elkarrizketaren alde. Eta, bere-bereziki, kaka-kaka eginak zeuzkaten Espainiako alderdi nagusiak, PP sugea nahiz PSOE zizarea, inkestetan goraka eta goraka, Trantsizioaren erregimen zirtzila kolokan jartzeraino. Hainbertze urtez solaskiderik aurkitu ezinean ibili ondoan, azkenean, lagun bat-edo, non eta etsaiaren habian.
Nafarroarako ere, Pablo Iglesiasen neska-mutilen agerpena ez zen begi txarrez ikusi. 30 urte UPNren eta PSNren uztarpean egon ondoan, aldaketa urte zen hurrengoa. Nabarrismo antieuskalduna agintetik eraistekoa. Aro berriari hasiera ematekoa. Hori guztia, noren eskutik? Gehien sufritutakoenetik. Antolatuenetik. Abertzaleenetik. Nagusiki, bederen. Tira, bidelagun gehiagoren eskua beharko zen, kontuak ongi atera zitezen. Gatz espainol pixka bat, entsalada gehienbat euskaldunean. Madrili begirako lau txoro horiek ongi etorriak izanen ziren, PSN ahultzeko izanen bazen.
Navarrometroa etorri zen, ordea. UPNkoen artean ez ezik bertze batzuengan ere eragin zuen bihotzekoa. Podemos Nafarroako lehen indarra! Posible ote? Bigarren jotzen zirenak, hirugarren. Eta liderraren itzalaz baliaturik, beren burua egiteko erabakigarrietan ikusten zutenak, bazterrera. Nolatan halakorik? Politikariek, agerian, ez zioten sinesgarritasun handirik eskaini delako inkestari. Sarean, bizkitartean, airez aire zebiltzan auhenak eta deitoreak, abertzaletasuna herrialde honetan baraturik ikustean.
Nafarroatik kanpoko hego euskal herrietan ez zen hainbertzeko kezkarik agertu. Azken batez, gauzak Navarrometroak iragarri bezala gertatuta ere, hain harritzekoa ote zen? Hain dira xelebreak nafar horiek!
Azken Euskobarometroak zapart egin du. Hari sinestera, Podemos zer eta bigarren indarra gerta liteke Euskadin, hurrengo hauteskundeetan. Lehenbizikotik gertu-gertu eta orain arteko bigarrena gehien sufritutakoak. Antolatuenak. Abertzaleenak hirugarren postura bidalita. Araban gailen. Eta Gipuzkoan –non eta Gipuzkoan– orain arteko irabazleen parez pare.
Goizetik arrats, Podemosekoak ez dira hain jatorrak. Podemosekoak, orain, Madrilen azken asmakizuna dira, abertzaletasuna ahultzeko.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
“Kasu, ez gitxu lo!”. Gure denbora eta manerekin baina heldu gira.
Azaroaren 25ean Baionako elgarretaratzera joan ez joan eta autoak nola partekatu pentsatzetik (joan-jina bi oren), bat-batean Lartzabalen elgarretaratze bat antolatu genuen, eta 47 emazte bildu!... [+]
Nahiz eta Nazio Batuen Erakundeak (NBE) 1977an nazioarteko egun bat bezala deklaratu zuen eta haren jatorriaren hipotesi ezberdinak diren, Martxoaren 8aren iturria berez emazte langileen mugimenduari lotua da.
Aurrekoan, ustezko ezkertiar bati entzun nion esaten Euskal Herrian dagoeneko populazioaren %20 atzerritarra zela. Eta horrek euskal nortasuna, hizkuntza eta kultura arriskuan jartzen zituela. Azpimarratzen zuen migrazio masifikatua zela arazoa, masifikazioak zailtzen baitu... [+]
Ez dut beti ulertzen nola aritzen ahal diren lur planeta honetako zati okitu, zuri, gizakoi eta kapitalistako aho zabal mediatikoak, beraiena, hots, gurea, zibilizazioa dela espantuka. Berriak irakurtzen baldin baditugu, alta, aise ohartuko gara, jendetasuna baino, barbaria dela... [+]
Administrazioko hainbat gai, LGTBI+ kolektiboko kideen beharrizanak, segurtasun subjektiboa, klima aldaketa, gentrifikazioa, ikus-entzunezkoak erabiltzeko modu berriak, audientzia-datuak jasotzeko moduak, dislexia, ikuspegi pedagogiko aktibo eta irisgarriak, literatur... [+]
Auzitan jar ez daitekeen baieztapen orokor eta eztabaidaezinaren gisan saldu digute hizkuntzak jakitea printzipioz ona dela, baina baditu bere "ñabardurak", edo esanahi ezkutuagokoak. Hemengo ustezko elebitasun kontzeptuaren azpian dagoen baina kamuflatzen den... [+]
Otzandu egin gara, katalanak eta euskaldunok, ekaitzaren ondoren. Saiatu ginen, bai; sendo ekin genion, eta gogor kolpatu gaituzte; ezin izan genien gure helburu zuzen, ezinbesteko, sakratuei eutsi. Eta porrotaren mingostasuna dastatu dugu, eta bigundu egin gara irabazleen... [+]
Iragana ulertzen saiatzen eta etorkizuna bideratzen, oraina joaten zaigu zenbaiti. Nire proiektuetako bat (hasi baina landu ez dudana oraindik) dudan zuhaitz genealogikoa egitea da. Horretan lagunduko didan liburutxo bat ere erosi nuen. Baina, hain da handia lana, liburutxoa... [+]
Desgaitasun fisikoa duen arkitekto baten alabaren etxea bisitatu ondoren idazten dut honako hau.
Desgaitasun fisikoa duten pertsonen taldeek ez dute arkitektoa maite, beraien bizitza zailtzen duen gaizkile bat kontsideratzen baitute. Gorrotoa ulerkorra da: arkitektoaren lanak... [+]
Ortutik itzuli berritan erabaki nuen Twitterretik alde egitea, oraindik Twitter zenean. Auzolan batera joan nintzen, brokoliak eta azaloreak landatzera, eta mindfulness efektua zapuztu zidan algoritmoak, idazle feminista transgorrotatzaile baten txioak jaurtitzearekin... [+]
Martxoaren 8a hurbiltzen ari zaigu, eta urtero bezala, instituzioek haien diskurtsoak berdintasun politika eta feminismoz josten dituzte, eta enpresek borroka egun hau “emazteen egunera” murrizten dute, emakumeei bideratutako merkatu estereotipatu oso bati bidea... [+]
Batzuendako, dirutza izatea ez da nahikoa, eta euren ego hauskorrek diruaren txintxina ez ezik, protagonismoa ere eskatzen dute. Aberats okituak izatea nahikoa izango ez balitz bezala. Beti gehiago behar dute, anbizioa deritzote antsia horri, baina botere gosea eta nabarmendu... [+]
Bi neska komisarian, urduri, hiru urtetik gora luzatu den jazarpen egoera salatzen. Izendatzen. Tipo berbera agertzen zaielako nonahi. Presentzia arraro berbera neskek parte hartzen duten ekitaldi kulturaletako atarietan, bietako baten amaren etxepean, bestea korrika egitera... [+]
Iragan urtarrilaren hondarrean, Bretainiako lurraldeko bi hizkuntza gutxituei buruzko azken inkesta soziolinguistikoaren emaitzak publiko egin zituzten bertako arduradunek. Haiek berek aitortu zuten harriturik gertatu zirela emaitzak ikustean. Hain zuzen ere, egoerak eta... [+]