Euskal Herria Europako trenaren atzealdeko bagoietan
Ikerketa eta Garapenean Euskal Herrian egindako inbertsioa gutxitu egin da azken urteetan. Gaindegia behategiak bere blogean argitaraturiko artikulu batek dio, arlo horretan Europako abangoardia diren Alemaniako länder-etatik gero eta urrunago gaudela.
Barne Produktu gordinaren %1,95 inbertitzen da Euskal Herrian ikerketa eta garapenean. Kalkulu hori egin du Gaindegiak, Eustat-eko 2011ko datuak erabiliz –Lapurdi, Nafarroa Beherea eta Zuberoako datuak euren estimazioen arabera atera dituzte–. Hala, 2009 urtearekin konparatuta, %1,72 jaitsi da I+G-n egindako gastua.
Zehazki, Gipuzkoan BPGaren %2,57 inbertitzen da, Nafarroan %1,91, Bizkaian %1,87, Araban %1,61 eta Ipar Euskal Herrian –bertako herrialdeetako datuak ezin izan ditu desglosatu– %1,03. Gaindegiaren arabera, gastuaren beherakada Nafarroan 2010ean eta Araba eta Bizkaian 2011n izandako murrizketek eragin dute. Gipuzkoan eta Iparraldean, aldiz, ez da murrizketarik izan.
Euskal Herriko inbertsio tasa Europako bataz bestekotik behera dago (%2,03) eta hainbat eskualdetan inbertitzen denetik oso urrun. Alemaniako Banden-Württemberg länder-ean, adibidez, BPGaren %4,37 inbertitzen dute eta Steiermark-en %3,74. Finlandian,
Danimarkan, Belgikan, Frantzian edota Holandan, gurean baino diru gehiago erabiltzen dute –baita ehunekotan ere– ikerketa eta garapenerako.
Lanpostuetan ez hain gaizki
Ikerketa eta garapena neurtzeko beste modu bat lanpostuak dira. Euskal Herrian lana duen biztanleriaren %1,76 ari da I+G arloan. Tasa hori Europako bataz bestekoaren gainetik dago, baita Alemania, Holanda eta Frantzia gisako herrialdeen aurretik ere.
Bestalde, bertako inbertsioaren %73,6 eremu enpresarial pribatuan egiten da, %19,7 goi hezkuntzari loturik dago eta %6,5 baino ez da egiten administrazio publikoan. Portzentaje horiek, gehiago hurbiltzen gaituzte Banden-Württemberg-en eredura –inbertsioa ekimen pribatuak egiten du hein handienean–, Brandemburgoko eredura baino –kasu honetan erakunde publikoek daramate ikerketa eta garapenaren zama handiena–.
Gaindegiaren ustez, oinarrizkoa da I+G-n inbertitzea, ez bakarrik “etorkizunera begiratuko duen amaraun ekonomikoa garatzeko”, baita zerbitzu sozialen garapenerako ere. Horrelako inbertsioak gutxitzeak, “gure gaitasunak biziberritzeko baliabide eskasagoak edukitzea dakar”, behategiko arduradunen ustez. “Hau ezin da eztabaida administratibo edo parlamentariora mugatu, jendartearen inplikazio osoa behar da”.
Apirila hasieran jakin genuen berak koordinatutako ikerlari taldeak COVID-19 atzemateko PCR proba bat garatu zuela, eskas ziren test komertzialik behar ez duena. Munduko Osasun Erakundeak test masiboak egitea gomendatzen du koronabirusaren hedapena saihesteko eta hala egin dute... [+]
All public administrations in the Basque Country, and of course the Basque Government, use digitalisation as the axis of their industrial strategy. The research on which it is based is also geared towards digitalisation as advanced as possible.
Basque cultural and cultural... [+]
Harvard unibertsitateko ikertzaile talde batek Azukrearen Elkarteko kideekin izandako harremanak aztertuz ondorioztatu dute 60ko hamarkadan ordainketak egin zituztela.
By 2020, the Basque Government has aligned the Basque R & D strategy with EU legislation. In the past few weeks we have made known the nervousness of our research centres, now it is up to companies. In two words: The call of Gaitek 2015 has meant a hardening of... [+]
The Basque Science, Technology and Innovation Network (Saretek) was opened in 1997. Saret consists of about 200 associations and entities grouped into a dozen groups. What began as a challenge 17 years ago has managed to take root in the Basque industry, and if the latter has... [+]
The Basque Government wants to update by 2020 the infrastructure of research centres created in the last century. In order for research results to reach companies more efficiently, the aim is to redefine the objectives of the research work and the structuring of the centres.
In... [+]
Ekai Center taldeak analisi bat egin du Eustatek kaleratutako Ikerketa eta Garapeneko azken datuekin. %2aren azpitik dago EAEk I+G-ra bideratutako inbertsioa, eta emaitza horiek “ekonomia politika arduragabearen isla” direla adierazi dute Garan argitaratutako... [+]
