Gerretako interes ekonomikoak
Frantziako kolonia izandako Mali iparraldean eraso militarra jo du Frantziako Gobernuak, eta Aljerian eragiten ari da jadanik. Frantziako presidente François Hollandek dio erasoa “antiterrorista eta behin behinekoa” dela, Bamako hiriburuan bizi diren frantziar biztanleak babesteko eta Malik bere lurraldea berreskura dezan. Gune hartara 2.500 militar bidali ditu eta Europan nahiz AEBetan babes logistiko bila dabil. Espainiako Estatuak baimena eman dio Frantziako abiazioari bere aire espazioa erabiltzeko eta laguntza gehiago ere emango omen dio. Erasoa hasi zenetik 30.000 lagun euren etxeak utzi eta herrialdetik atera nahian dabiltza, batez ere Mauritania eta Aljeria aldera. Hollandek honakoa esan du: “Ez gaude Malin gure enpresak defendatzeko, gure herritarrak baizik”.
Hain justu, badirudi interes ekonomikoak daudela jokoan misio militar honetan. Beste eraso eta gerretan ere hala gertatu da, AEBek Pertsiar Golkoan edo Afganistanen beren petrolio erreserbak defendatzeko egindakoak kasu. Malin ere interes ekonomiko ugari daude. Zehazki, lehengaiak merke erauzten dituzten enpresak daude han, Frantziako zentral nuklearrak funtzionatzeko beharrezkoa den uranioa ateratzen dute, adibidez. Testuinguru horretan, azkenaldian enpresa horietako langileak bahitu dituzte. Eraso militarra jotzeko, Frantziako Gobernuak arrazoitzen du “demokraziaren defentsan” ari dela, islamiar “terroristek” bortxatua izan delako. Aitzitik, azken urteetan Maliko Gobernuak egindako bortxaketa ugariren eta ustelkeriaren aurrean, ez du ezer egin. Zergatik orain hainbesteko presa erasotzeko? Demokraziaren defentsaz ala uranio merkeaz ari gara?
Frantziako zenbait intelektualek adierazpen baten bidez galdetu dute Parisko atentatuen ostean Frantziako Gobernuak abiatutako “terrorismoaren aurkako gerrak” zer ondorio izango dituen. Frantziak abiatutako bonbardaketen kontra bat egiteko deia luzatu dute.
Maliko gobernuak eta Azawadeko tuaregek presoak trukatu dituzte bake elkarrizketen bezperan, borondate oneko keinu gisa.
Gutxienez zortzi hildako izan dira Maliko armada eta gehienbat tuaregek osatzen duten MNLAren arteko borroketan, Kidal izeneko herrian (ikusi mapan non dagoen). Maliko Lehen Ministroak Azawadera egindako bisita batek lehertu du aurretik ere bero zegoen gatazka. Iturri... [+]
Nazio Batuen Erakundeak (NBE) Afrika mendebaldeko 6.000 kasko urdin bidali ditu Malira. Urtea amaitu baino lehen beste 6.000 soldadu batuko zaizkie. Helburua, "segurtasuna eta egonkortasuna mantentzea", NBEren arabera.
Frantziako Gobernua Malin destinatutako soldaduak etxeratzen hasi da. François Hollande presidenteak esandakoa bete du, tropak apirilean herrialdea uzten hasiko zirela adierazi baitzuen. Ehun batek jada utzi du Mali, eta uztaila bitartean besteak etxeratuko dira. Hala... [+]
Azawad hartzea parterik errazena zen. Orain, Maliko estatuak, gerrillarien erasoei, ‘Tuaregen arazoari’ eta zatitutako gobernua izateak sortzen dituen eragozpenei egin beharko die aurre, Imad Mesdoua analista politikoak The Guardian-en idatzi duen moduan.
Espainiako Kongresuak Malira tropak bidaltzea erabaki zuen atzo egindako batzarrean, aldeko 302 boz, kontrako 18 eta bi abstentziorekin.
Frantziako armadako buruzagiek larunbatean iragarri zuten Azawadeko hiruburua, Gao, kontrolpean hartu dutela. Bamakoren ipar-ekialdera dago, 1.200 kilometrora. Igandean Sud Ouest egunkariak informatu zuenez, Baionako paratxutisten errejimentuak parte hartu du operazioan.