"Izan beharko nukenetik ihesi noa geroa eraikitzeko baitaukat oraindik". Taldea berrinterpretatzeko beldurrik ez?
Zer esana badugu hitzetan eta musikalki ere. Askotan esan digute zer musika egin behar dugun arrakasta izateko, edo zer esan gure hitzetan, eta guk horri ihes egiten diogu. Jendeari ere horixe egiteko aholkatzen diogu gure musikaren bidez.
Taldea dezente pausatuagoa eta poperoagoa da orain, helduagoa, esango nuke.
Disko hau lasaiagoa da. Bost taldekide izatera pasa gara, teklatua gehitu dugu, eta agian horrek ere estilo desberdinagoak ekarri ditu. Teklatuak aukera asko ematen du. Hurrengo diskoa gogorragoa egingo dugu, honen baretasuna konpentsatzeko.
Igaro dira pop-ak gazteekin konexio eskasa zuten garaiak? Balio du Euskal Herrian konektatzeko?
Ez da erraza oraindik Euskal Herrian pop musika egitea, ez dago ondo ikusia askotan. Badirudi musika guztiak gogorra eta aldarrikatzailea izan behar duela, bestela ez du baliorik askorentzat. Euskal Herriko musika jaialdietako karteletan ikusten da.
"Aurrean, gaurko egiak labainkor, arrain biluziak, biharko bela hutsetan loturik atzoko esperantzak". "Are zuriz egindako denbora, ur azpian ihes...". Hitz ederrak Itziar Ituñorenak.
Itziarrek asko lagundu zigun hasieran eta inoz grabatu ez ditugun abesti askoren letrak ere egin dizkigu, tartean Odisea. Horregatik grabatu dugu, berari eskerrak emateko nolabait. Harkaitz Canok bi letra egitea ere izugarrizkoa izan da, baita Beñat Gaztelumendik edo Rafa Cabezak egitea ere.
Kantuak borobiltzeko ahalegin handia egin duzue, instrumentazio eta moldaketa asko. Pozik?
Oso pozik, disko berritzailea eta autentikoa lortzen saiatu gara. Instrumentu denak benetakoak dira, hammonda, isats-pianoa, haizeak, sokak, perkusioak... eta emaitzan antzematen dela uste dugu.
Euskal Herriko Laborantza Ganberak hogei urte bete ditu. 2005ean sorturik, bataila anitzetatik pasa da Ainiza-Monjoloseko erakundea. Epaiketak, sustengu kanpainak edota Lurramaren sortzea, gorabehera ainitz izan ditu hogei urtez. Asteburu honetan, urteroko besta antolatuko dute... [+]
A few weeks ago, on Diputación Street, in the centre of Vitoria-Gasteiz, two men threw a homeless person off the small landing outside the place where he slept. In addition to being thrown away, a metal railing was immediately placed in front of the lonja. Although the place... [+]