Hitler eta Wittgenstein, ikaskide
Viena (Austrohungariar Inperioa), 1889ko apirilaren 26a. Ludwig Wittgenstein filosofoa jaio zen. Adolf Hitlerrek sei eguneko tartea atera zion jaiotzean, apirilaren 20an sortu baitzen, Braunauen, Linzetik hurbil dagoen herrixka batean. Baina abantaila hori erraz jango zion filosofoak ikasle urteetan: biek Linzeko Realschulen ikasi zuten, baina Hitlerrek ikasturte bat errepikatu behar izan zuen, eta Wittgenstein, aldiz, ikasturte bat aurreratu zuten, emaitza bikainak medio. Horrenbestez, Ludwigekiko bi urteko atzerapenez amaitu zuen Adolfek bigarren hezkuntza.
Gainera, Wittgenstein familia inperioko aberatsenetakoa zen. Hitlerren aitak, aldiz, gaizki kudeatu zituen bere lurrak eta familiak arazo ekonomikoak izan zituen. Erabat dokumentatu gabeko hipotesi batek dio Hitlerren aitak Alois seme zaharrena Wittgensteintarrenera bidali zuela lanera.
Eta karanbola biribiltzeko, Hitlerrek zera idatzi zuen bere Mein Kampf ezagunaren 11. orrialdean: “Realschulen judutar gazte bat ezagutu nuen. Denak erne geunden harekin harremana izaterakoa, baina haren uzkurtasunak eta jarrera bitxiek soilik bultzatu gintuzten zuhur izatera”. Gero, 1938an, Austria anexionatu ondoren Linzen bertan emandako hitzaldi jendetsuan, Hitlerrek verräter (traidore) esan zien bertako juduei. Ludwig Wittgensteinen aitona-amonetatik hiru judutarrak ziren.
Hori guztia kontuan hartuta, hainbat historialarik Wittgenstein ikusi dute Hitlerren antisemitismoaren jatorrian, Kimberley Cornish australiarrak The Jew of Linz (1998) liburuan jaso bezala.
Logikoa dirudi ikaskide aberatsago eta adimentsuagoak Hitlerren inbidia piztu izanak. Baina goiko argazkia eta eskolako datuak dira biek elkar ezagutzen zutenaren froga bakarrak. Hitlerrek, Mein Kampf-en, ez du ikaskide judutarraren izenik aipatzen. Gainera, Wittgenstein aitona-amona judutarrak protestantismora bihurtu ziren, eta Ludwig katolizismoan hezi zuten, Hitler bera bezala. Hala, Hitlerrek ez zuen zertan Wittgensteinen jatorri judutarraren berri izan.
Hala gertatu bazen, Wittgenstein Hitlerren antisemitismoa eragin zuten arrazoi ugarietako bat izan zela esatea zilegi litzateke. Baina Holokaustoak Hitler haurraren ezinikusia baino sorburu sakon eta zabalagoa du.
Japan, 6 and 9 August 1945, the United States launched an atomic bomb causing tens of thousands of deaths in Hiroshima and Nagasaki; although there are no precise figures, the most cautious estimates indicate that at least 210,000 people died at the end of that year. But in... [+]
Born 27 June 1944. The German soldiers carried out a raid on a small town of about 80 inhabitants of Zuberoa. Eight people died on the spot and nineteen were arrested, all civilians, nine of whom would be deported and only two would survive from the concentration camps in which... [+]
Normandy. 6 June 1944. They started operation Overlord: Thousands of British, American and Canadian soldiers landed on the beaches of Normandy to drastically change the course of the Second World War and, therefore, history. Or at least that's what we've been told a few days ago,... [+]
Genocide is unfortunately a fashionable word. According to Rafael Lemkin’s definition in 1946, genocide is defined as “actions aimed at the total or partial destruction of a national, ethnic, racial or religious group.” These actions may include “killing the members of... [+]
Karl Adolf Eichmann (Solingen, Imperio alemán, 1906 - Ramdel, Israel, 1962) foi o oficial superior das SS da Alemaña nazi, especialmente coñecido polo seu nomeamento como “responsable loxístico” da chamada Última Solución ou Última Solución. A planificación do... [+]
