Maiteminak itsututa
Maitez minduta. Cristina Duran eta Miguel Angel Giner Bou (2011). Espainiako Gobernuko Osasun, Gizarte Politika eta Berdintasunerako Ministerioa. 36 orrialde, koloretan. Interneten irakurgai: http://bit.ly/xUpVRC.
Ukabilkadarik ez da ageri Maitez minduta komikian, ezta ostikorik ere. Oihu eta irain nazkagarririk ere ez. Indarkeria zantzuak nonahi daude, ordea. Begirada bat, agindu bat, debekuak, mugak, kontrola, bikotekidearen jabetza... Genero indarkeria ez baitu soilik ubeldura batek markatzen. Tratu txarrek hamaika adiera izan dezakete, eta horiek antzeman, prebenitu eta salatzea ezinbestekoa dela erakutsi nahi du esku artean dugun komikiak. Derrigorrezko Bigarren Hezkuntzako ikasleei zuzendurik dago, eta euskaraz ez ezik, katalanez, galegoz, gaztelaniaz, ingelesez eta frantsesez ere argitaratu du Espainiako Osasun, Gizarte Politika eta Berdintasunerako Ministerioak. Hitzaurrea Miguel Lorente Acosta Genero Indarkeriaren aurkako gobernu ordezkariak idatzi du: “Komikiko protagonistak –Olivia eta Martin– edozein neska-mutiko izan daitezke. (...) Jende ezaguna, hasieran oso jatorrak diren mutilez maitemintzen diren neskak, baina ondoren haien jabe direla pentsatzen duten mutilak, neskak beraienak direla uste dutenak, beraien ondasun balira bezala”. Jabetzari buruzko zeharkako erreferentziak maiz agertzen dira komikian. Martinek, apurka-apurka, Olivia lagun eta senideengandik aldenduko du, bere planen menpe jarriko du... Komikiak indarkeriaren arrastoan jartzen gaitu, eta balio du arriskuez ohartarezteko. “Baina” bakarrak, ilustrazioen kalitatea –inportanteena mezua dela ahazterik ez dagoen arren–, eta “ekarri freskagarri puta horiek” moduko esaldi deserosoen ordez, “freskagarri ****” zentsuratzailea bezalakoak jartzea. Errealitatearen isla izan nahi duen nerabeei zuzendutako komiki batean, alferrikako baliabidea da nire ustez.
Badakizuenok badakizue, beste gauza asko bezala, euskararen aldeko borrokan ere politikoek, eragile batzuek eta hedabideek beraien antzezlana saldu nahi digutela, benetakoa balitz bezala.
Lehen urtean pozik jaso nuen, "Euskaraldi" hau. Zer edo zer zen, ezer ez zegoela... [+]
Euskarak, mendez mende, zapalkuntza sistematikoa jasan du, eta oraindik ere borrokan dabil egunerokoan bere leku duina aldarrikatzeko. Hizkuntza baten desagerpena ez da inoiz berez gertatzen; planifikazio politiko eta sozialak eragiten du zuzenean. Euskaldunoi ukatu egin izan... [+]
Puntueusek eta Cyberzaintzak elkarlanean ikusentzunezko baliabide pedagogiko bat sortu dute gazteentzat eta haiekin lan egiten duten profesionalentzat: irakasle, guraso eta hezitzaileentzat. Ikusentzunezko honen bidez, ziberjazarpena ezohiko ikuspegi batetik... [+]
Kamioiak ez sartu ez atera. Horrela eman dute goiza BSHko Eskirozko lantokian. Parez-pare langileak aurkitu dituzte protestan. Hilkutxa batekin, elkarretaratze formatuan lehenbizi eta Foruzaingoak esku hartu behar zuela jakin dutenean eserialdia egin dute erresistentzia pasiboa... [+]
Dakota Access oliobidearen kontrako protestengatik zigortu du Ipar Dakotako epaimahai batek erakunde ekologista, Energy Transfer Partners enpresak salaketa jarri ostean. Standing Rockeko sioux tribuak protesten erantzukizuna bere gain hartu du.
Sareak nabarmendu du Euskal Herri osoko eragileak daudela bertan eta deialdiak 140tik gora atxikimendu jaso dituela: "Horrek islatzen du zein den gaur egungo errealitatearen urgentzia, lurraren defentsaren beharra eta auziarekiko dagoen konpromezua".
Koalizio abertzaleko hiru ordezkariek ohar baten bidez euren "frustrazioa" adierazi dute proiektu fotovoltaikoa ezin gelditzeagatik: "Egoera horren aurrean, ez gara legegintzaldia amaitzeko indarrez sentitzen". Proiektu honi ez! plataformak salatu du EH Bilduren... [+]
Lau agenteak lesio-delituengatik ikertzen ari dira eta horrek galarazten du 2024ko amnistia aplikatzea. Polizia horietako batek, ustez, gomazko bala batekin begi bat zartatu zion Roger Español kataluniarrari.
Arrazismoaren aurkako nazioarteko eguna kari, larunbat honetan 16 alderdi, kolektibo eta elkartek deia luzatu dute, Baionako Marengo eta Pannecau zubien artean giza kate bat osatzeko. Aniztasuna, elkartasuna eta giza eskubideen errespetua aldarrikatzera deitu dute,... [+]
Ertzaintzak martxoaren 13an Bilbon zauritutako bi pertsonaren testigantza jaso ditugu. Athleticen partidaren ostean larriki zauritu zituzten aita-semeak, borra-kolpeka, eta atxilo eraman zuten haietako bat. Furgonetatik ikusi zuen ertzainek nola egin zuten tiro jendearen kontra,... [+]
Palestinarekin Elkartasuna plataformak osteguna, ostiral eta larunbatean eginen ditu protestak, Israel genozida. Palestinar erresistentzia aurrera! lelopean. Gernika-Palestina-k ere manifestazio nazionala antolatu du larunbaterako Donostian. Euskal Herriko Kontseilu Sozialistak... [+]
Arratzua-Ubarrundiako "Proiektu honi ez!" plataformak adierazpen hau kaleratu du, udalerri horretako EH Bilduko hiru zinegotziek dimisioa aurkeztu berritan. Izenburu hau darama testuak: "EH Bilduren moketako politika edo Iparra nola galdu".
Arratzua-Ubarrundia (Araba) herriko EH Bilduko hiru zinegotziek dimisioa eman dute Solariaren zentral fotovoltaikoagatik. Hau da hiru zinegotziek, Txetxu Zengotitabengoak, Laura Sanchok eta Javier Ruiz de Arkautek, herritarrei zuzendu dieten agur mezua.