Azazeta: haizea lagun Arabako mendietan
Arabako toki ezezagun bezain ederrean kokaturik, Azazeta errepideko bortu baten izena delako etorriko zaio askori burura, irratian neguan kateak behar direlako bakarrik entzuten dugun toki bakarti horietakoa. Baina Azazeta hori baino gehiago da. Eta orain ezagun egin zaigu makro-zentral eoliko bat eraiki nahi dutelako mendikatean.
Arraia-Maeztuko udalerri barruan dagoen herri txikitxoa, Arabako Mendien babesean gordetzen den bailara polita osatzen du, basoz eta zelaiez inguratua. Eta fokua zabalduz gero, Arabako Mendialdeko Kuadrillan sartzeko atea ere bada; albistegietatik kanpo geratu ohi den Euskal Herri horretara pasabidea.
Hain justu, albiste batek ekarri du hedabideen agendetara Azazeta. Aixeindarrek bultzatuta –Iberdrola multinazionalak eta Eusko Jaurlaritzak osaturiko sozietatea– makrozentral eoliko bat egin nahi baitute mendilerroan –herritik kilometro ingurura–, 200 metroko garaierako zortzi aerosorgailu erraldoirekin. Proiektuari ingurumen baimena emana dio jadanik Jaurlaritzak eta 2025ean jarri nahi dute martxan. Gainera, bada eolikoen beste egitasmo bat ondoan, Laminoriako harrobiaren ingurumarian.
Azpiegitura horren kontra makina bat mobilizazio egin dituzte herritarrek eta talde ekologistek. Arabako Mendiak Askeren esanetan baso autoktonoen erreserba garrantzitsu bati eragingo dio proiektuak: “Iberdrolak Euskal Herriko birikez jabetu nahi du”, diote plataforma horretako kideek. Gainera, salatu dute haize-errota gehienak desagertzeko arriskuan dauden hegazti espezien eremu kritikoan jarri nahi dituztela –miru gorria, arrano beltza, sai arrea eta ugatza kasu–, eta hegazti migratzaile askoren igarobide ere badela mendizerra.
Aerosorgailuak jarri nahi dituzten tokitik hegoaldera Izkiko Parke Naturala dago, Europako ameztirik handiena gordetzen duena –eta ornitologia-turismoa egiteko ideala, Eusko Jaurlaritzaren turismo webguneak dioskun bezala–. Kapilduiko meteorologia radarrak mugatzen du parke naturala. Radarra tokiz kenduko omen dute, aerosorgailuen besoen indarra haraino iritsiko den beldurrez…
Inguru horretaz guztiaz (oraindik) gozatu ahal izateko badaude hainbat aukera. Okinara joan gaitezke hango sima ikusgarrian espeleologia egitera, edo Vasco-Navarro trenbidearen bide berdean bizikletan ibil gaitezke. Guk Arabako Mendien oinezko ibilbide zirkularra aukeratu dugu, PR A-61 deiturikoa. 33 kilometro eta 1.275 metroko desnibelarekin, egun batean edo bitan egin daitekeena. Zortzi herri zeharkatzen ditu, Antoñanako kasko harresitu ederra barne, eta ibilbidean Santa Teodosia bezalako ermita erromaniko zoragarriak aurkituko ditugu. Hori guztia Izki eta Iturrietako natur guneen artean, eta haizea lagun.
Fitxa teknikoa
Non
Arraia-Maeztu (Araba)
Nola iritsi
Gasteizko Salburuatik abiatzen den A-132 errepideak zuzenean eramango zaitu Azazetako gaineraino. Lizarratik, N-132-A errepidea hartu eta Santakurutze Kanpezura igarota, Arraia-Maeztun bidegurutzea dago aukeran, Azazetara edo Iturrietara joateko.
Informazioa
www.arabakomendialdea.eus webgunean, Arabako Mendialdeko Kuadrillako turismo atalean mapak, gidak eta informazio ugari aurkitu daiteke.
[Artikulu hau ARGIAren Aktualitatearen Gakoak 2023 100 orrialdeko aldizkari berezian argitaratu da. ARGIA Jendeak paperean edo PDFan jasoko du, bakoitzak hautatu duen gisan. Oraindik ez baduzu pausoa eman, egin zaitez ARGIAkoa eta plazer handiz bidaliko dizugu! Gainerakoek, Azokan eros dezakezue]
Euskal Herria zeharkatzen dutenen artean ibairik handiena da Ebro. Haren ertzean mintzatu gara, Ollero bizi den Zaragozako sarreran, lertxunaren ibili geldoa, txorien kanta zoroa eta ibaiaren emari barea lagun, udaberria 33 gradura lehertu den arratsaldean, zorionez arbolen... [+]
Hala Pedro Ruiz de Eginoren hilketa nola hemen agertzen diren beste lekukotza batzuk dokumentuetan jasotako gertaera historikoak dira. Izen bat bera ere ez da asmatua.
ARGIAko erredakzioko kideok podcast, film, serie eta dokumental hauek gomendatzen dizkizuegu.
Klima larrialdiarekin eta energia krisiarekin gure bizi ohiturei buruzko galderak sortu zaizkigu: Zenbat bidaiatu eta nola? Josu Iztueta bidaiari ezagunak kontraesanen ispiluaren aurrean jartzera gonbidatu gaitu, tonu goxoan eta irribarre xamur batekin: “Ikusi beharra dago... [+]
Zehazten gaitza den 2023ko egunen batean gogora ekarri beharrekoa izango litzateke; baina, itxura guztien arabera, oharkabean geratuko da. Baina gogoan izanda edo izan gabe, aurtengo urriaren 1ean 74 urte beteko ditu Txinako Alderdi Komunistak Herri Errepublikaren erabateko... [+]
ARGIAko lantaldearen eskutik, hiru disko proposatzen ditugu uda honetarako.
Euskarafobia legalaren historia legez lege eta arauez arau aztertu du Iñigo Urrutiak (1966, Jatabe-Maruri), Xabier Irujorekin batera. Horren emaitza da Historia Jurídica de la Lengua Vasca (1789-2023) liburu mardula. Irujo atzerrian zegoenez, Urrutiarekin mintzatu... [+]
Norberaren barne-barnetik agerturiko sentimendu sakon eta sanoa omen da maitasunarena. Esfera pribatuan eta intimoan zokoratu ohi ditugu maitasun-harremanak. Ordena hori aztertzeko, galdekatzeko, bestelakotzeko eta iraultzeko saiakeretan dabiltza aspaldian feminismotik. Sistemak... [+]
Zer da droga eta zer ez? Zer-nolako eragina dauka drogak inguruan? Horren bueltan mintzatu dira Oihana Arana (Eskoriatza, Gipuzkoa, 2001), Maialen Alvarez (Ermua, Bizkaia, 1994) eta Ander Sagardoi (Iruñea, 1994). Drogarik kontsumitu ez arren, drogak inguratzen ditu; batez... [+]
Ekainaren 3an Euskal Liburu eta Disko Azoka egin zen Ziburun. 2020ko hauteskundeetan aldaketa handia izan zen Lapurdiko kostaldeko herrian: abertzaleak nagusi dituen Ziburu Bizi zerrenda irekiak hogei urteetako gehiengoa irauli zuen. “Erakutsi behar dugu gai garela herriko... [+]
Zumarragan badugu eraikin-multzo bat herriguneak besteko zabalera duena ia, Arcelor Mittal-en fabrika zaharra, industriak gurean izan duen garrantzia geroz eta urriagoaren erakusgarri. Hura itxi eta gutxira, 2021eko urrian, Eusko Jaurlaritzako Ekonomiaren Garapen,... [+]
Erdiz edo Erdizaga. Bertara eramaten dute azienda abeltzainek, Baztango bazkaleku hoberenak baitira hango larreak. 476 hektareako bazkalekua. Erregerena mendigunearen baitan kokatua, Baztan eta Esteribar haranen mugan. Herri lurrak dira, baztandar guztiek erabiltzen ahal... [+]
