Ikasteko teknika desegokiak erabiltzen dituzte gazteek
Lezioa buruz ikastea, norbere eskemak eta laburpenak egitea, azpimarratzea, beste norbaiti lezioa azaltzea… Ikasteko teknika ugari dago, baina DBHko ikasleek ez dituzte egokienak erabiltzen, ikerketa baten arabera, eta azterketa sistemak badu zerikusirik horretan. Ikasle gehienek diote, gainera, inork ez diela irakatsi nola ikasi behar duten.
Bitxia da, “ikasten ikastea” konpetentziaren garrantzia nabarmentzen da azken urteetan, baina ikasleen %78k dio inork ez diela inoiz ikasten irakatsi, zehazki, inoiz ez dietela azaldu zein teknika eta metodok funtzionatzen duten hobeto jakintzak behar bezala barneratzeko. Hala dio uda honetan kaleraturiko ikerketa batek, Derrigorrezko Bigarren Hezkuntzako Kataluniako 27 ikastetxetako 3.414 ikasleren artean egina. Autodidakta hutsak izan ez daitezen, Lehen Hezkuntzatik pixkanaka ikasketa teknika eta ohitura egokiak erakusten hasi beharko lirateke, ikerketaren egileen arabera.
Azterketa gainditu vs. ikasgaia barneratu
Azterketarako gutxi falta denean, lezioa buruz ikastea, memorizazio hutsa. Horra gazteek gehien erabiltzen duten teknika, inori arrotza egingo ez zaiona. Metodo hau eraginkorra izan daiteke epe motzean, baina ikasketa efimeroa da, aurrera begira jakintza hori ez baita ongi barneratzen, azkar ahazten du buruak inongo zentzurik eman gabe hitzez hitz ikasitakoa. Kurioski, gazteek diote irakurtzen dutena ulertzea ere badutela helburu, baina memorizatu egiten dituzte ikasgaiak. Testu-liburuan azpimarratzea eta birritan irakurtzea ere teknika desegokitzat jotzen ditu ikerketak.
Zergatik erabiltzen dute nagusiki memorizatze teknika ikasleek, desegokia bada? Ikerlariek badute hipotesi bat, egungo ebaluazio sistemari lotua. Sarri, azterketa gainditzeko (are, nota ona ateratzeko) nahikoa da azken egunetan lezioa buruz ikastea, beraz horixe egiten dute ikasleek, beste teknika batzuek lan handiagoa eskatzen dutelakoan. Zenbateko garrantzia ematen diote (diogu) ikasgaia gainditzeari eta zenbatekoa benetan ikasi nahi izateari, jakintza barneratzeari?
Ikasketa teknika hobeak dira: laburpenak eta eskemak egitea, irakurritako lezioaren adibideak pentsatzea, aurretik dakigunarekin loturak egitea, beste norbaitek lezioaren gaineko galderak egitea, norbere buruari galderak prestatzea…
Bigarren horri garrantzia ematen badiogu, alegia ikasketa sakonagoa eta etorkizunean mantenduko dena bilatzen badugu, bestelako teknika batzuk zerrendatzen ditu ikerketak. Hasteko, dio, “praktika tartekatua” egokiagoa da, hots, azken uneko maratoia egin ordez, gai bera behin baino gehiagotan ikastea, denboran tartekatuta.
Ikasteko teknikei dagokionez, ikasten den hori ulertzea funtsezko abiapuntutzat hartuta, aipatzen ditu nork bere apunteak hartzea, laburpenak eta eskemak egitea (baina aurrean lezioa ez duzularik, eta gero ea ongi egin dituzun egiaztatzea), irakurritako lezioaren adibideak eta analogiak pentsatzea, aurretik dakigunarekin loturak egitea (memoriatik berreskuratuz dagoeneko ditugun jakintzak), irakurritakoa gure hitzetan geure buruari eta beste norbaiti azaltzea, beste norbaitek lezioaren gaineko galderak egitea edota norbere buruari galderak prestatzea txarteltxoetan, etorriko den azterketaren simulakroa egitea…
Finean, ikasten duzunari zentzua eta esanahia emateak ekartzen du hobeto barneratzea, gure memoria oinarritzen delako gauzen esanahian.
Azkenik, ikerketak dio lau ikasletik batek (%25,3) musika entzunez ikasten duela, eta lautik ia batek (%24,2) mugikorrari kasu egiteko eten ugari egiten dituela ikasi bitartean. Bi egoerek eragin txarra dute errendimendu akademikoan.
Arratsaldeko lehen orduetan, 14:30ak aldera, Nafarroako ikastetxe publikoetako 30en bat langile sartu dira Iruñeko Nafarroako Hezkuntza Departamentuaren egoitzan eta sarreran eserialdia egin dute. Lehen ekintza gisa planteatu dute eta, adierazi dutenez, honen bidez... [+]
II. kongresuan aurkeztu duen berritasun esanguratsuenetako bat da. Orain arte Bigarren Hezkuntzara zuen bideratua bere jardun politikoa eta hemendik aurrera unibertsitateetan eta Lanbide Heziketan ere arituko dira. Euskal Hezkuntza Sistema Publiko Komunitarioa aldarrikatu du... [+]
1994an EHUko Arte Ederretako ikasleek protestak abiatu zituzten. Bost irakasle euskaldun lortzeko hiru hilabeteko greba egin zuten, eta bitarte horretan Leioako fakultatea okupatu. Euskal jendartearen babes handia izan zuten, baina Poliziaren errepresioa ere jasan zuten; Bilboko... [+]
Andoaingo institutuan izan da Pape Niang, bere migrazio-esperientzia kontatzen. 16-18 urteko gazteek, aurrez Pape Niang, hasiera berri bat liburua irakurria zuten ikasleek, jakin-minez, gogoetez eta galderez bete dute aretoa. Bejondeiela, pertsona kritikoak heztea baita... [+]
Ongi ezagutzen ditu eskola partikularretara doazen ikasleak Aitziber Ibarbiak. 25 urte inguru daramatza matematika, fisika eta kimikako partikularrak ematen, batez ere Batxilerrekoei. Irakasle on eta txarrez, ikasgelan sortzen diren erritmo ezberdinez, azterketak zuzentzeko... [+]
Gogoratzen al duzue? Legebiltzarreko %90ak onartu zuen Hezkuntza Akordioa duela bi mende –barkatu, bi urte–. Ezkerraren biltzarkideen erreakzioa euforiaren eta neurriko gogobetetasunaren artean mugitu zen. Onarturiko dokumentuaren arabera, zentro pribatuek diru... [+]
Altxa Burua taldeak eskatu du bigarren hezkuntzako EAEko ikastetxeetan kendu ditzatela mugikorrak, debeku bat ezarrita arauz. Aste honetan eskaera eraman dute Eusko Legebiltzarrera, Hezkuntza Sailak ikastetxeak telefono mugikorrik gabeko esparru gisa izendatu ditzan.
Ostegun eta ostiral honetan 40 hizlari baino gehiago ariko dira EHUko Leioako campusean Lana eta sindikalismoa XXI. mendean Nazioarteko Lehen Biltzarrean. Lan munduaren eta sindikalismo eraldatzailearen erronkez eta estrategiez eztabaidatuko dute.
Eguneroko abiadura itogarritik atera eta eskola-proiektua amesteko, gogoetatzeko denbora hartzea aldarrikatu dute solaskideek, Superbotereak liburua aurkezteko mahai-inguruan. Patxadatsu aritu dira, hain justu, eraldatzeaz, inpotentziaz, ilusioaz, eskola bakoitzak egin beharreko... [+]
EHUko errektoretzarako hauteskundeak irabazi ditu Bengoetxearen hautagaitzak, botoen %63,6 lortuta. Beste taldeak berriz, Eva Ferreirarenak, botoen %36,3 jaso du. Parte hartzea %21,9koa izan da eta gora egin du aurreko hauteaskundeekin alderatuta
Hainbat ikaslek egin dituzte salaketak. Irakasleetako bat sare sozialen bidez ikasleei egindako jazarpenagatik eta sexu proposamenengatik salatu dute. Bigarrena, berriz, ikasgelan izandako jarrera desegokiengatik eta iruzkin sexistengatik. Hirugarrenari dagokionez, ikasleen... [+]
Palestinan genozidio bat burutzen ari den Israelgo estatu eta berarekin batera diharduten enpresa eta erakunde guztiekin eteteko asmoz sortu zen EHU Palestina. Israelen inpunitatea Europan eta Estatu Batuetan dituen harreman politiko, militar, ekonomiko, zientifiko zein... [+]
Esloveniako eskoletan izan duen arrakastari tiraka, Alberdania argitaletxeak Euskal Herriko ikastetxeetara ekarri du Joko Ona Denontzat irakurketa-lehiaketa: DBHko ikasleek “kalitate handiko liburuak” irakurriko dituzte taldeka, eta avatarra aukeratuta, horiei... [+]
Larraulgo eskolan da hitzordua, azaroaren 27an, 17:30ean. 'Superbotereak' liburuaren egile Koldo Rabadan ez ezik, hitzaurrea idatzi duen Nora Salbotx eta hainbat kide izango dira mahaiaren bueltan: Ainhoa Azpirotz (Hik Hasi-ko koordinatzailea), Irati Manzisidor... [+]
Asteartean, hilak 26, egingo dira EHUko errektoretzarako hauteskundeak. Kanpaina nahasia izaten ari da, eta, horren erakusgarri, Joxerramon Bengoetxearen taldeak eskatu izana "ustez Eva Ferreiraren hautagaitzako pertsonek edo ingurukoek egindako ekintzak eta kanpainako... [+]