Konstituzionalaren epaiak euskararen ofizialtasuna zalantzan jartzen duela salatu dute herritarrek
Arrasaten, Mutrikun eta Zarautzen, tokiko eragileek deituta, protestara irten dira dozenaka lagun Espainiako Konstituzio Auzitegiak udalek euskara hutsean jarduteko eskubidearen aurka egin eta gero. Hautetsiek eta euskalgintzako eragileek elkarretaratzea deitu dute ostegunerako Bilbon, auzitegien atarian.
Tokiko eragile eta euskara elkarteek deituta, Arrasaten, Mutrikun eta Zarautzen elkarretaratzeak egin dituzte astelehen arratsaldean Espainiako Konstituzio Auzitegiaren azken ebazpenaren aurka, hizkuntza eskubideen defentsan pausoak emateko asmoz.
Erabakia "oso larritzat" jo dute euskara eragileek, euskara erabiltzeko eskubidea ez ezik, ofizialtasuna ere auzitan jartzen duelako beren ustez. Euskararen egoera "oso zaurgarria" dela argudiatu dute, besteak beste, hizkuntz eskubideen kontrako epaiak normalizatzen ari direlako, eta, beraz, euskara babestu beharra aldarrikatu dute. "Badirudi babestuta dagoen hizkuntza bakarra gaztelania dela", adierazi dute Zarauzko Zirika kultur elkarte sortu berriko kideek protestaren amaierako hitzartzean, Berria egunkariak jaso duenez.
Ostegunean, Bilbon
Udal hautetsiek eta euskalgintzako ordezkariek agerraldi bateratua egingo dute datorren ostegunean, hilaren 13an, Bilbon, EAEko Auzitegi Nagusiaren egoitzaren aurrean, 11:00etan. Euskalgintzaren Kontseiluaren iritziz salatu beharrekoa da azken epaia, euskararen normalizazioari eta biziberritze prozesuari "oztopoak" jartzen dizkiolako.
Udalerri Euskaldunen Mankomunitateko kideek agerraldia egin zuten, bestalde, joan den ostiralean, Usurbilen, Konstituzionalaren epaiak "ezinegon handia" sortu duelako. Euskalduntzean "atzera egiteko arrisku bizia" dagoela azpimarratu zuten, eta "oldarraldi honek erantzun juridiko sendoa" behar duela nabarmendu, lege-esparrua "eraberrituta". Horregatik, euskarak "estatus juridiko berria" behar duela esan zuten.
"Euskara hutsean funtzionatzeak eskubide linguistikoak urratzen ditu"
Hori dio Espainiako Auzitegi Konstituzionalaren osteguneko ebazpenak (hona hemen epaia, gaztelaniaz). EAEko Udal Legearekin ahalbidetzen zen euskara hizkuntza nagusia zen herrietan, hau da, herritarren gehiengo handiak euskaraz dakiten UEMAko herrietan, administrazioak zenbait dokumentazio euskaraz sortzea, gaztelaniazko itzulpenik gabe. Hori bai, betiere eskubidea emanez inork propio eskatzen bazuen, gaztelaniaz ere guztia jasotzeko.
2016an, gehiengo zabalarekin onartu zuen Eusko Legebiltzarrak Udalen Legea, eta epe motzean auzitan jarri zituen hainbat artikulu Espainiako Estatuaren Abokatutzak. Aurrerago, akordioa erdietsi zuten Jaurlaritzak eta Espainiako Gobernuak, legea behar bezala interpretatzeko. Bazirudien hor itxi zela auzia, baina Vox eskuin muturreko alderdiak, udal ordezkaririk eduki gabe, salaketa jarri zuen EAEko Auzitegian. Espainiako Konstituzionalera heldu zen gero, EAEko epaileek zalantzak zituztelako. Madrildik etorri den ebazpenak dio "desorekak" sortzen direla bi hizkuntza ofizialen artean, eta euskara hutsean funtzionatzeak eskubide linguistikoak urratzen dituela.
Eusko Jaurlaritzak isunak kendu dizkie ertzainei euskaraz hitz egiteagatik zigortuak izan ziren Donostiako herritarrei. Manex Ralla eta Amaia Abendaño dira herritar horiek, isunak kendu dizkietela baieztatu diote hedabide honi.
Ostegun honetako Udal Osoko Bilkuran eztabaidatu eta bozkatuko dira Amurrioko Udaleko 2025erako aurrekontuak eta, beste behin ere, Udal Gobernuak uko egin dio Aiaraldea Komunikabidearen hitzarmen eta dirulaguntza berrezartzeari.
Arkitektoen elkargoaren helegitea dela eta, Donostiako Udalak atzera bota du kontratazio espedientea.
Euskalgintzaren Kontseiluak eta Bizkaiko Foru Aldundiko langileak elkarretaratzea egin dute langileen egonkortzearen eta euskalduntzearen alde.
Baionako eta Donostiako epaitegiak margotu ostean, ostegun gauean Eibarko epaitegian pintaketa egin dute zenbait ekintzailek. "Oldarraldia gelditu" idatzi dute eta pintura berdea jaurti diote eraikinari. Abenduan, CCOO sindikatuaren egoitza ugari margotu dituzte, baita... [+]
"Euskalduna ez den pertsona bat –Nagore de los Rios– hautatu du EITBko zuzendaritza nagusiak Eitb.eus eta Social Media atalerako zuzendari posturako, eta, ondorioz, euskaraz ez dakien pertsona bat izendatu dute helburuen artean euskararen... [+]
Irungo euskaldunen pazientziak gainezka egin du; haserre daude eta oraingoan ez dira "isilik geratuko". Gabonetako argiak pizteko ekitaldia erdara hutsean egin izanak hiriko 35 elkarte eraman ditu udalaren hizkuntza politika salatzera –aurrekari gutxi izango ditu... [+]
Euskararen kontrako epaien oldarrialdien, azkenengoetako bat izan da Gipuzkoako entitate publiko bat, Kabia, kinkan jarri duena, ezarritako hizkuntza eskakizunen kontrako epai batekin. Bertako langileak egonkortzeko prozesuan ezarritako euskara eskakizunak, euskararen... [+]
ELA, LAB eta Kontseiluak elkarretaratzea egin dute, Administrazioarekiko Auzietarako epaitegi batek Kabia organismoari emandako ebazpenaren aurka protestatzeko. Euskara maila bermatzeko ahalegina “hutsaren hurrengoa” bilakatzeko arriskua dagoela salatu dute.
Donostiako Decathlon saltoki handiak errotulazioak euskaraz ez dauzkalako kexa jarri du kontsumitzaile batek Behatokian. Saltokiaren erantzuna (gaztelaniaz) esanguratsua da: Erkidegoko legeak ez du jasotzen inongo inposiziorik karteldegia euskaraz jartzeari buruz. Alegia, lege... [+]
Kabia organismoaren zaharren egoitzetan 54 plaza egonkortzeko 2022an onartutako lan-eskaintza bertan behera utzi du Donostiako epaile Gonzalo Pérez Sanzek. Gipuzkoako Aldundiaren erakundeak jarritako hizkuntza eskakizuna gehiegizkoa eta baztertzailea dela dio epaileak.
Donostiako auzitegiak Gipuzkoako Foru Aldundiko aterpetxeetako garbitzaileen lanpostuen prozesuaren harira sententzia eman du: lanpostu guztietarako hizkuntza eskakizuna ezartzea “proportzioz kanpokoa eta diskriminatzailea” dela dio. CCOO sindikatuak eman du... [+]