EH Bildu garaile Gipuzkoan, eta Donostian 1.000 botora
Ohikoa da Gipuzkoako mapa EH Bilduren koloreekin ikustea, bertan izaten baitu babesik handiena. Baina 2023ko hauteskundeetan saltoa eman du, eta EAJri are gehiago aurreratu zaio: batzar nagusietan Maddalen Iriarte nagusitu da, eta Donostiako Udalean Juan Karlos Izagirre 1.000 boto eskasen aldearekin geratu da Eneko Goiaren atzetik. EAJrenak ziren zenbait udaletako alkatetzak ere EH Bilduren eskuetara pasatu dira.
Gipuzkoan ere azpimarragarriak izan dira abstentzioa (%40,07), boto zuriak eta boto baliogabeak. Baina boto emaileek kolpea eman diote EAJri, eta batzar nagusietan bigarren indar gisa geratu da, 17 diputaturekin (-3), eta ia 25.000 boto gutxiagorekin 2019an baino. EH Bilduk "egin du", eta 120.578 boto eta 22 batzarkiderekin (+5) nagusitu da. Maddalen Iriarte prest agertu da biharamunean bertan gobernu "aurrerakoi eta zabala" eratzeko negoziaketei ekiteko. 26 eserleku behar dira gehiengorako, beraz, PPk erabaki lezake batzarretako agintea: EH Bildu eta Elkarrekin Podemosek batera 24 batzarkide dituzte, EAJ eta PSEk bezainbeste; PPk 3 eskuratu ditu.
Jeltzaleek herritarrei esan diete "mezua ulertuta" atera direla hauteskunde hauetatik, eta lanean jarraituko dutela datozen lau urteetan. Halaxe egin beharko du Eneko Goia Donostiako alkateak, ia 10.000 boto galdu ondoren. Bigarren bozkatuena izan arren, hiriburuko garailetzat jo daiteke ezker koalizioa: EAJgandik 1.000 boto eskasera geratu da Izagirreren zerrenda, inoizko emaitzarik onenarekin. 8 zinegotzi (+2) eskuratu ditu, jeltzaleek baino 1 gutxiago. Hiriburuko erronka handiena izango da turistifikazioaren ondorioei erantzutea, eta horretan proposamen zorrotzagoa du Izagirrek, Goiaren aldean.
Udalak ere kendu dizkio EAJri
Gipuzkoako udal gehienetan ere ezker independentistaren zerrendak nagusitu dira, eta EAJri zenbait alkatetza kendu dizkio. EH Bilduk izango ditu Debagoienako alkatetza guztiak, baita mankomunitatea ere.
Bakarrik gobernatzeko gehiengo absolutua dute, besteak beste, Tolosan, Aretxabaletan eta Eskoriatzan. Tolosan 1.000 boto galdu dituzte jeltzaleek, eta 7 eserlekurekin (-1) izango da oposizioa. 9 zinegotzirekin (+2) aginduko du EH Bilduk. Beste udal batzuetan gobernagarritasuna gertu dute, akordioen arabera betiere. Esaterako, Arrasaten 10 eserlekurekin (+2) irabazi du ezker independentistak, eta nahikoa izango du Elkarrekin Podemosek lortutako zinegotzi bakarra agintzeko. Hondarribian EAJk gehiengoa galdu du eta bigarren indar izatera jaitsi da, Abotsanitzek aurre hartuta. EH Bildurekin elkartuz gero, gehiengoa izango lukete, EAJ-PSEren gainetik. Andoainen ere aldaketa egon liteke, EH Bilduk gora eta EAJk behera egin dutenez, EAJ-PSEk ez duelako gehiengorik, eta EH Bildu-Elkarrekin Podemosek bai.
EAJ beste behin nagusitu da udal hauetan: Elgoibar, Beasain, Lazkao, Urretxu, Azkoitia, Zarautz, Aia eta Urnietan. PSE-EE ere ohiko herri hauetan gailendu da: Irun, Lasarte-Oria, Eibar eta Zumarragan, batzuk aipatzearren.
Azpeitian zalantza zegoen nola eragingo zion EH Bilduri zentral eolikoen inguruko auziak, baina emaitzan ez da aldaketarik izango. EH Bilduko Nagore Alkorta alkatearen agintea berretsi dute bozkatzaileek. 10 zinegotzirekin mantenduko da EH Bildu, EAJk ere 7 zinegotzirekin jarraituko du oposizioa izaten.
Gipuzkoan eremua irabazten jarraitzen du EH Bilduk, EAJri gailenduta.
Ekialdeko Barrutiko batzarraren eraketan antzeman du irregulartasuna, lau hautesmahai kontaketatik kanpo utzi baitira.
EH Bildu lehen indarra izan den herrietan, eta PPk edo PSNk alkatetza kentzeko aukerarik zuten kasuetan, alderdi espainolistek haien bitartekoak jarri dituzte hori egiteko. PSNk erraztu egin du UPNren alkatetza, esaterako Iruñean, boto zuria emanda. PPk, berriz, EAJ... [+]
Sopela, Bermeo, Mundaka, Lekeitio, Pasaia edo Hondarribia bezalako kostako herrietan EAJ alkatetzatik kanpo geratu da, turismo masifikatuaren aurkako programekin aurkeztu diren ezkerreko alderdi eta herri plataformen emaitzei esker.
Ostiral honetan eratu da Nafarroako Legebiltzarra eta Geroa Baiko Unai Hualde izendatu dute Legebiltzarreko Mahaiko presidente PSN, EH Bildu eta Zurekin-eko botoekin. Aurreko legealdian ere bera izan da legebiltzarreko lehendakaria.
Eduardo Barinagak uko egin dio zinegotzi akta jasotzeari, ABBk emandako aginduarekin bat ez datorrelako. EAJk hautagaitza aurkeztu ezean, PPk lortuko du alkatetza Arabar Errioxako herrian. Hori da PPk jarritako baldintzetako bat Gasteizen EH Bildu alboratu eta PSE-EAJ gobernu... [+]
Larunbat honetan Hego Euskal Herriko udalak osatuko dira, maiatzaren 28ko hauteskundeen ondoren. Udalerri batzuetan ez dago zalantzarik zeinek hartuko duen aginte makila, baina beste batzuetan indar orekak ez daude garbi eta alderdiek mugimenduak hasi dituzte hautagaiak... [+]
EH Bilduk irabazi ditu Kuartangoko Udalerako hauteskundeak, baina EAJrentzat izango da alkatetza, PPrekin hitzartua baitu. PPtik hautatu zuten zinegotziak, baina, postuari uko egin dio arrazoi pertsonalengatik, eta bere ordezkoa –PPko zerrendan bigarrena– Juan Pablo... [+]
Udal hauteskundeak pasa eta astebetera, badirudi prest gaudela aztertzeko hauteskunde berri hauek utzi dituzten emaitzak, datozen lau urteetan udalerrien politika instituzionala markatuko dutenak. Azterketa posible guztietatik kezkagarriena, zalantzarik gabe, Herrialde... [+]
Hauteskundeetara deituak izan dira azken egunotan espainiar hiritarrak, juntetxe, parlamentu edota udaletxeetako partaideak hautatzera, erakunde horiek berriztatzera, eta hor ari dira orain guztiak, analisietan, kalkuluetan, noren esku eroriko boterea, norekin lortuko aliantzak,... [+]
EAJ eta PSE-EE alderdiek gobernagarritasun ituna berretsi dute. Horrela, akordioari esker EH Bildu lehen indar geratu den leku ugaritan elkarrekin gobernatzeko aukera izango dute. Gasteizko Udalean, Gipuzkoako Batzar Nagusietan eta beste hainbat udaletan, beraz, egoera argitzen... [+]
Gobernagarritasunerako hainbat aukera utzi dute iragan igandeko hauteskundeek Nafarroan, baina haien osaketarako bidea korapilatsua da, eta Espainiako hauteskunde orokorrak uztailaren 23ra aurreratzeak are eta gehiago korapilatu du prozesua.
Hautesleen % 27 ordezkatzen dute eta “hiriko lehen indar aurrerakoia” izanik ordezkaritza printzipio demokratikoari helduko diotela adierazi du Iruñeko EH Bilduko alkategai Joseba Asironek.
Sua eta mina piztu dizkigu PSNren hauteskunde kartel eleaniztunak. "Barrenak behar dira Nafarroan 2023. urtean botoa zortzi hizkuntzatan eskatzeko, euskara baztertuta. Putakumeak. Urdeak. Ezta itxura egiteko ere".
Halako purrustadak irakurri dira egun hauetan Euskal... [+]