Epai euskarafobo berria, euskaraz funtzionatu nahi duten instituzio publikoen aurka
Arlo publikoan aritzeko Eusko Jaurlaritzak abiatutako lehiaketa batean, aurkezten diren enpresei eskatu zaie langileek euskara maila egokia izatea, administrazioarekin euskaraz aritu ahal izateko. “Inposizioa” dela iritzita, bertan behera utzi du eskakizuna EAEko Justizia Auzitegi Nagusiak.
Hezkuntza Sailak eskola garraioari lotutako kontratazioan jarritako baldintzekin ados ez eta auzitegietara jo du enpresa batek, tartean hizkuntza eskakizunagatik. Lehiaketan ageri diren baldintzen arabera, administrazioak kontratatuko duen enpresak –zeinak zerbitzu publikoa emango duen– bermatu behar du langileek euskara maila egokia dutela, administrazioarekin dituen harremanetan euskaraz aritu ahal izateko. Bada, enpresari arrazoia eman dio otsailean Administrazioarekiko Auzietako Salaren 1. Atalak.
Honela dio ebazpenak, Berriak jaso duenez: “Areto honek aurrez ere esan izan du ezin zaiela inposatu enpresa pribatu bateko langileei, hizkuntza irizpideei dagokienez, langile publikoen errekerimendurik”.
Euskaraz jarduten diren instituzio publikoei zaplaztekoa
Arlo publikoan aritzen diren enpresei eskakizun hori egitea ez da berria, eta auzitara eraman den lehen aldia ere ez da, baina inoiz ez da aurkako ebazpenik eman. Epai honek aurrekaria ezartzen du ordea, administrazioarekiko harremanean enpresek erabili behar duten hizkuntzaren inguruan, eta euskaraz aritu nahi duten udal, aldundi eta oro har erakunde publikoen aurka egiten du. Zer eta epai euskarafoboen bolada betean.
Aurrekaria ezartzen du, berritik ere baduelako ebazpenak, Berrian aztertu dutenez: orain arte, enpresek bezeroekin eta herritarrekin izan behar duten hizkuntza harremanaren inguruan eman dituzte euskara eskakizunaren kontrako epaiak –azkena, Uliazpi kasua–, baina oraingo honetan enpresek administrazioarekin izan behar duten hizkuntza harremanaren inguruan erabaki du Justiziak.
Eusko Jaurlaritza helegitea jarri ala ez aztertzen ari da, Berriak gehitu duenez.
Eusko Jaurlaritzak isunak kendu dizkie ertzainei euskaraz hitz egiteagatik zigortuak izan ziren Donostiako herritarrei. Manex Ralla eta Amaia Abendaño dira herritar horiek, isunak kendu dizkietela baieztatu diote hedabide honi.
Ostegun honetako Udal Osoko Bilkuran eztabaidatu eta bozkatuko dira Amurrioko Udaleko 2025erako aurrekontuak eta, beste behin ere, Udal Gobernuak uko egin dio Aiaraldea Komunikabidearen hitzarmen eta dirulaguntza berrezartzeari.
Arkitektoen elkargoaren helegitea dela eta, Donostiako Udalak atzera bota du kontratazio espedientea.
Euskalgintzaren Kontseiluak eta Bizkaiko Foru Aldundiko langileak elkarretaratzea egin dute langileen egonkortzearen eta euskalduntzearen alde.
Baionako eta Donostiako epaitegiak margotu ostean, ostegun gauean Eibarko epaitegian pintaketa egin dute zenbait ekintzailek. "Oldarraldia gelditu" idatzi dute eta pintura berdea jaurti diote eraikinari. Abenduan, CCOO sindikatuaren egoitza ugari margotu dituzte, baita... [+]
"Euskalduna ez den pertsona bat –Nagore de los Rios– hautatu du EITBko zuzendaritza nagusiak Eitb.eus eta Social Media atalerako zuzendari posturako, eta, ondorioz, euskaraz ez dakien pertsona bat izendatu dute helburuen artean euskararen... [+]
Irungo euskaldunen pazientziak gainezka egin du; haserre daude eta oraingoan ez dira "isilik geratuko". Gabonetako argiak pizteko ekitaldia erdara hutsean egin izanak hiriko 35 elkarte eraman ditu udalaren hizkuntza politika salatzera –aurrekari gutxi izango ditu... [+]
Euskararen kontrako epaien oldarrialdien, azkenengoetako bat izan da Gipuzkoako entitate publiko bat, Kabia, kinkan jarri duena, ezarritako hizkuntza eskakizunen kontrako epai batekin. Bertako langileak egonkortzeko prozesuan ezarritako euskara eskakizunak, euskararen... [+]
ELA, LAB eta Kontseiluak elkarretaratzea egin dute, Administrazioarekiko Auzietarako epaitegi batek Kabia organismoari emandako ebazpenaren aurka protestatzeko. Euskara maila bermatzeko ahalegina “hutsaren hurrengoa” bilakatzeko arriskua dagoela salatu dute.
Donostiako Decathlon saltoki handiak errotulazioak euskaraz ez dauzkalako kexa jarri du kontsumitzaile batek Behatokian. Saltokiaren erantzuna (gaztelaniaz) esanguratsua da: Erkidegoko legeak ez du jasotzen inongo inposiziorik karteldegia euskaraz jartzeari buruz. Alegia, lege... [+]
Kabia organismoaren zaharren egoitzetan 54 plaza egonkortzeko 2022an onartutako lan-eskaintza bertan behera utzi du Donostiako epaile Gonzalo Pérez Sanzek. Gipuzkoako Aldundiaren erakundeak jarritako hizkuntza eskakizuna gehiegizkoa eta baztertzailea dela dio epaileak.
Donostiako auzitegiak Gipuzkoako Foru Aldundiko aterpetxeetako garbitzaileen lanpostuen prozesuaren harira sententzia eman du: lanpostu guztietarako hizkuntza eskakizuna ezartzea “proportzioz kanpokoa eta diskriminatzailea” dela dio. CCOO sindikatuak eman du... [+]