Greba eguna izan da Ipar Euskal Herrian, Macronen politiken aurka eta greba eskubidearen alde
Soldaten emendioa eskatzeko eta Frantziako Gobernuak petrolio findegietako grebalariak errekisizionatu izana salatzeko greba orokorra egiten ari dira Ipar Euskal Herrian. Baionan izan da mobilizazio nagusia, 2.000 lagun inguru batu dira.
Portuko langileak, irakasleak, tren gidariak, erizainak, idazkariak, Dassault-ekoak, ikasleak, langabeak... Sektore pribatuko zein publikoko langileek erantzun diote greba deialdiari. CGT, LAB, FO, FSU eta Solidaires sindikatuek manifestazioa egin dute Baionan, guztira 2.000 lagun batuz. CFDTko hainbat kide ere mobilizatu dira –deialdi intersindikalean ez egon arren, hainbat sektoreetan zuen grebarako deia egina–.
Irailaren 21ean petrolio-findegietako grebalariek hasitako mugimenduari elkartasuna adierazteko unea izan da gaurkoa. Izan ere, Frantziako Estatuko petrolio findegietan abiatutako grebak eragindako erregai eskasia dela eta, langileak errekisizionatzeko manua eman zuen aitzineko astean gobernuak. "Prozedura hori gaitzetsi izan du OIT Lanaren Nazioarteko Erakundeak, Konstituzioak bermaturiko greba eskubidea eta oinarrizko eskubideak zangopilatzen dituelako. Gehiengoa ez duen gobernuak bere aurrekontua onartuko du 49.3 artikulua erabiliz [Parlamentuak bozkatu gabe]. Ezin du hainbestetaraino enpresa handien zerbitzuko egon", entzun zitekeen bukaerako hitzaldian.
Astelehen honetan gasolindegien %28ak du erregaia eskas, eta gaur jakinen da grebarekin segitzen duten Total Energies enpresetako langileek.
Gaur egun dagoen inflazioa dela eta, soldaten emendioa ezinbestekotzat jotzen dute sindikatuek. Lansarien emendio orokortua bultzatu beharrean, Emmanuel Macron aberatsenen alde kokatu izana salatu dute Baionatik: "Ideologia neoliberalari segi, kapitalaren etekinak sakralizatzen ditu. Brikolaje batzuk nahikoak zaizkio, tartean, erregaientzako 30 zentimoko beherapena, azkenean, petrolio talde handien poltsikoetara doana, eta kotisazio sozialen dispentsa, hots, gure lorpen sozialen murrizketa".
Hemen Baionako mobilizazioaren berri:
Osasun Legea aldatzea beharrezkoa dela adierazi du Nafarroako Osasun kontseilariak, hala nola Osasunbidea enpresa-erakunde publiko bihurtzea, bestela “luze gabe sistemak porrot” egingo duela argudiatuta. Sindikatuak ez daude formula horrekin ados.
Gaurko egunez, duela 50 urte, Euskal Herriko langile mugimenduak bere historiako kapitulu garrantzitsua idatzi zuen. Hegoaldean 200.000 langilek greba orokorra egin zuten erregimen frankistaren aurka. Mobilizazio hark argi utzi zuen Euskal Herriko mugimendu antifrankista... [+]
Bezperako zentsura mozioa dela medio, Frantziako Gobernua erori izanak ez ditu herritarrak etxean geldiarazi eta jarraitua izan da CGT, CFDT, Unsa, FSU, Solidaires, CFE-CGC eta FA-FP sindikatuek, baita LABek ere deituriko greba eguna.
2018 eta 2020 arteko langileen kotizazioak eskatzen dizkio Glovori Gizarte Segurantzak, 2020an Rider Legea onartu aurrekoak. Auzipetuak langileak ere badiren arren, ordaina enpresari soilik eskatzen dio.
Frantziako Gobernuaren aurrekontu proiektuan Gizarte Segurantzan egitekoak dituzten murrizketak salatzeko mobilizazio eguna dute ostegunean. Manifestazioa abiatuko dute 10:00etan Baionako geltoki aitzinetik. Bezperan, zentsura mozioaren alde eman dute botoa Frantziako... [+]
Sei urteko espetxe zigorra ezar diezaiokete Oscar Pierreri langileen eskubideen aurkako hainbat delituengatik. Epaiketa asteartean izan da Bartzelonan, eta astelehenean iragarri du legearen pean kontratatuko dituela 15.000 rider. CGT sindikatuak “fiskaltzaren aurrean... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Enpresa jo dute egoeraren erantzuletzat, baita erakunde publikoak ere. Langile batzuek bost hilabete baino gehiago daramatzate kobratu gabe, eta ostiral honetan egingo dute manifestazio bat, ontziolatik abiatuta: ez dezatela itxi aldarrikatzeko.
Ostegun eta ostiral honetan 40 hizlari baino gehiago ariko dira EHUko Leioako campusean Lana eta sindikalismoa XXI. mendean Nazioarteko Lehen Biltzarrean. Lan munduaren eta sindikalismo eraldatzailearen erronkez eta estrategiez eztabaidatuko dute.
Lanbidek Diru-sarrera Bermatzeko Errentetako iruzurraren aurkako kanpaina jarri du martxan, eta salaketetarako buzoi anonimoa sortu du. Jaso dituen kritikei erantzunez, adierazi du buzoi hau salaketak eta jakinarazpenak ordenatzeko tresna huts bat dela. Ez du ez klase... [+]
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Nekazarien eta abeltzainen erreferentziazko sindikatua da Euskal Herriko Nekazarien Elkartasuna. 1976tik lanean daraman elkarte horrek 3.000 afiliatu baino gehiago ditu, eta lehen sektoreak dituen erronkak ez dira nolanahikoak. Egoera horretaz eta etorkizunari buruz sindikatuak... [+]
Azaroaren 19a komunaren munduko eguna da. Gaur oraindik ere, XXI. mendean, langile askok, hemen, Euskal Herrian bertan, ez daukate haien lanaldietan komuna erabiltzeko eskubidea. Horren adibide dira garraioko langile asko.
Komunak osasun publikoaren giltzarria dira, eta... [+]
Libertimenduzko Jardunaldiak antolatu ditu Gipuzkoako CNT sindikatu anarkistak bere egoitzan (Amara Berriko Olaeta plazan), martxora bitarte. Lehenengo jarduera abenduaren 14an izango da, eta Felix Likiniano anarkista historikoa izango dute hizpide.