Foam balak erabili ditu Ertzaintzak Tubacexeko grebalarien aurka
Amurrioko Tubacexen lantegiaren aurrean elkartu dira ostegun honetan langileak; enpresako sarrera itxi dute hainbat orduz suzko barrikadekin. Ertzaintza foam balekin oldartu da haien kontra, Aiaraldea.eus-ek jakinarazi duenez, eta hainbat pertsona zauritu dituzte poliziek eraso horren ondorioz.
43 egunez greban ari diren Tubacex enpresako langileak Laudioko lantegiko ataritik Amurriokora joan dira ostegun honetan eta horko sarrera ere ixtea lortu dute hainbat orduz, horretarako suzko barrikadak eraikiz. Saratxoko errepidea ere ordubetez gutxienez moztuta egon da, eta kamioiak ezin igaro geratu dira.
Suhiltzaileak agertu direnean, langileek txalo zaparrada batez hartu dituzte. Aldiz, Ertzaintzarekin tentsio une nabarmenak izan dira. Ondoren, greban ari ez diren langileen eta zuzendaritzaren autobusa enpresan sartu eta gero kargatu egin du poliziak eta hainbat langile zauritu ditu.
Autobusa sartu da eta ondoren langileen aurka kargatu dute zipaioek.
Nazkagarriak zarete!
Ez duzue lortu eta ez duzue lortuko. Bihar gaur baino gehiago izango gara!#TubacexBorrokan pic.twitter.com/IsephOU3Dg
— Maddi Isasi Azkarraga (@maddisasi) March 25, 2021
Airaldea.eus hedabideak jakinarazi duenez, foam balak ere erabili ditu poliziak grebalarien kontra.
Foam balak baliatu ditu Ertzaintzak Tubacex enpresako grebalarien kontra. pic.twitter.com/y6l3w8om2R
— Aiaraldea.eus (@aiaraldea) March 25, 2021
Tubacexeko zuzendaritzak 95 lagun kaleratzeko prozesua abian jarri du, beste 22k diru ordainekin utziko dute enpresa euren kabuz eta 13 aurre-erretiro ere egongo dira. denera 600 lagunek egiten dute lan talde osoan, baina Arabako plantak izango dira kaleratzeekin kaltetuenak.
Hodiak egiten dituen Tubacex-ek, salmenten gutxitzeari egotzi dio taldea %20 murrizteko beharra. Sindikatuak baina, kaleratze horien kontra agertu dira argi eta garbi, eta langileek tinko eutsi die mobilizazioei.
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Asteazkenean ekin zion Laudioko enpresak labea hozteko prozesuari, Eusko Jaurlaritzako teknikarien bermearekin. Langileak haserre eta "engainatuta" azaldu dira erakundeen jarrerarekin: "Gu babestera joan eta langileen ondoan egon behar zuena, ez da egon"... [+]
ELAk eta LABek EREa baztertu eta berau erretiratzea galdegin dute. Sindikatu biek gogoratu dute 2023an antzeko neurriak geldiaraztea lortu zutela mobilizazioen bitartez
Greba ataritan jaso nuen zuen e-maila, posta pertsonalean. Hasieran, beste askok bezala, grebaren aurrean ze aukera ditugun jakinarazteko zela pentsatu nuen. Baina ez, grebaren aurkako mugimendu politiko eta komunikatiboa zen jasotako e-maila.
Aitortuko dizuet ahozabalik utzi... [+]
Asteazken goizean goizetik Guardianeko dozenaka langile elkarretaratu dira Laudioko lantegiaren aurrean, eta inguruko enpresatako beharginak ere batu zaizkie elkartasunez. Guardianek asteazkenean labea itzaliko duela adierazi du eta hori oztopatzeko asmoz bildu dira. Enpresa... [+]
.jpg)
Laudioko lantegiko zuzendaritzak astelehen honetan jakinarazi dio enpresa batzordeari behin betiko itxiko duela enpresa. Urtarrilaren 29an abiatuko dute ixteko prozesua. Egun berean egingo dute elkarretaratzea langileek eta ostegunean hasiko dute greba.
Datorren astean Departamenduko Laborantza Ganbarako hauteskundeak ospatuko dira Ipar Euskal Herrian. Frantzia mailako FDSEA eta CR sindikatuez gain, ELB Euskal Herriko Laborarien Batasuna aurkezten da, "euskal laborarien defentsa" bermatzeko.
Eta beste urte batez, sindikatuek prefabrikatutako grebak antolatu dizkigute. Eta guk, indibidualki, erabakia hartuko dugu grebarekin bat egin ala ez, ikastetxean inongo asanbladaren beharrik gabe.
Niri irakatsi zidaten greba eredua jada ez dago modan, antza. Nire... [+]
Lehen aldia da Hego Euskal Herriko euskal gehiengo sindikalak armagintza industriaren moldaketaz taldean eta modu publikoan hitz egiten duena. Aurreko hilabeteotan mugimendu antimilitaristak bilera bana egin du lau sindikatuokin, produkzio militarra “sozialki... [+]
Hezkuntza publikoko lehen bi greba egunei ekin diete EAEn. Asteazken eta ostegun honetan irakasleen txanda da, eta lehenengo egunaren jarraipena %75etik gorakoa dela adierazi dute sindikatuek: "Grebak jarraipen zabala izan du". Eusko Jaurlaritzak berriz, jarraipena... [+]
Gaur, urtarrilak 21, gure oraintsuko historiaren efemeride interesgarri bat gogora ekartzeko eta hari buruz hausnartzeko eguna dugu. 50 urte bete dira Potasas de Navarra enpresako 47 langilek itxialdia amaitu zutenetik. Hamabost egun iraun zuen itxialdi horrek eta greba orokorra... [+]
Departamenduko Laborantza Ganbarako hauteskundeen kanpaina abiatu da. Urtarrilaren 14an bozetara aurkezten diren hiru sindikatuen ordezkariekin bi oreneko eztabaida sakona antolatu zuten Euskal Hedabideek, osoki euskaraz.
Sindikatu abertzaleko 100 bat kidek Portuko sarrera blokeatu dute Santurtzin, eserialdi baten bitartez. Ekimen horren bitartez Palestinari elkartasuna erakutsi eta genozidioa salatu dute.
PAIk sortutako biktimak ez dira bakarrik PAIren Legeak eragindako egonkortze prozesuari esker funtzionarizatutako irakasleak, baizik askoz gehiago. Batzuei nolabaiteko ikusgarritasun mediatikoa eman zaie Steilasek jarritako errekurtsoaren ondorioz; gehienak, alabaina, ikusezinak... [+]
ELA, LAB, ESK, Steilas, Etxalde eta Hiruk herri ekimen legegilea aurkeztu dute Eusko Legebiltzarrean eta Nafarroako Parlamentuan, gutxieneko soldata propio baten alde. Lanbide arteko akordio bat lortzeko ekimen bateratuak ere iragarri dituzte. Eusko Jaurlaritzak begi onez ikusi... [+]