“Bateragune” auziaren epaiketa berriz egitea ebatzi du Auzitegi Gorenak
Auzitegi Goreneko bigarren aretoko hamasei epaileen artean erabaki dute, abenduaren 14an, "Bateragune" auzia berriz irekiko dutela. Aho batez hartu dute erabakia eta Espainiako Auzitegi Nazionalean egingo litzateke. Beraz, berriz epaituko dituzte Arnaldo Otegi, Rafa Díez, Sonia Jacinto, Miren Zabaleta eta Arkaitz Rodríguez, nahiz eta denen artean 31 urteko kartzela zigor osoa bete zuten. Lehen aldia da Giza Eskubideen Europako Auzitegiak baliogabetutako epai bat berriz zabaltzen dena. Manuel Marchena epaileak zabaldu zuen zirrikitua egoera honetara iristeko.
Naiz hedabideak jaso duenez, epaileek epaiketa errepikatzea erabaki dute Europako Giza Eskubideen Hitzarmenaren 7 protokoloaren 4.2 artikulua kontuan hartuta, zeinak salbuesten baitu epaiketa birritan egiteko debekua auzi honen modukoetan. Erabakia hartzeko aretoaren beraren jurisprudentziaren aurrekarietan ere oinarritu direla adierazi dute epaileek.
Erabakia jakin aurretik Naiz hedabidean Ramon Solak eta Berrian Maddi Ane Txoperenak landutako aurrekariak ekarri ditugu ARGIAra. Hauetatik jasotakoa laburtuko dugu jarraian:
2009an atxilotu eta 2011n epaitu zituzten "Bateragune" auzian bost kide hauek eta guztira 31 urteko kartzela zigorra ezarri zieten. Giza Eskubideen Europako Auzitegiak, berriz, 2018an ebatzi zuen inpartzialtasunik gabe epaitu eta kondenatu zituztela. Eta Europako Auzitegiari men eginez, uztaila honen bukaeran iritsi zen ustez azkena behar zuen Auzitegi Gorenaren sententzia: bost auzipetuek jaso eta bete zituzten zigorrak baliorik gabe utzi zituen Gorenak berak.
Azpimarratzekoa da kasua itxi zen garai hartan inortxok ez zuela eskatu berriz zabaltzerik, ezta Illana Navia-Osorio fiskalak ere. Eta justu fiskal honek berak orain galdegin du kasua berriz zabaltzea, baliatuz Kataluniako independentistak kondenatzeagatik ezagun egin den Manuel Marchena epaileak irailean birebaluaketa bat planteatu ziela aldeei, oso modu zabalean.
Estrasburgoko epaiak dio auzipetuek eskatu behar luketela kasua berriz zabaltzea
Estrasburgoko epaiak dioena horrela itzuli du Maddi Ane Txoperena Berriako kazetariak: "Erreparazio modurik egokiena, printzipioz, auzia berregitea edo kasua berriz irekitzea litzateke, pertsona interesdunak hala eskatuta". Eta auzipetuek ez dute halakorik galdegin. Horixe argudiatuko du auzipetuen defentsak.
Koalizio abertzaleko hiru ordezkariek ohar baten bidez euren "frustrazioa" adierazi dute proiektu fotovoltaikoa ezin gelditzeagatik: "Egoera horren aurrean, ez gara legegintzaldia amaitzeko indarrez sentitzen". Proiektu honi ez! plataformak salatu du EH Bilduren... [+]
Arratzua-Ubarrundiako "Proiektu honi ez!" plataformak adierazpen hau kaleratu du, udalerri horretako EH Bilduko hiru zinegotziek dimisioa aurkeztu berritan. Izenburu hau darama testuak: "EH Bilduren moketako politika edo Iparra nola galdu".
Arratzua-Ubarrundia (Araba) herriko EH Bilduko hiru zinegotziek dimisioa eman dute Solariaren zentral fotovoltaikoagatik. Hau da hiru zinegotziek, Txetxu Zengotitabengoak, Laura Sanchok eta Javier Ruiz de Arkautek, herritarrei zuzendu dieten agur mezua.
EH Bildu agintean dagoen udalak gaztetxearen etorkizuna ziurtatzeko aterabide bat adosteari "uko" egin diola salatu du Burlatako Gazte Asanbladak. Beste hainbat gaztek udaletxe kanpoan kanpatu dute, eta goizean zehar bertara hurbiltzeko dei egin dute.
Mundua "oso azkar" aldatzen ari dela azaldu du Arnaldo Otegik, militarismorantz eta autoritarismorantz doala, eta norabide horren aurkako jarrera duela koalizio subiranistak.
Satorralaia plataformak Donostiako Metroaren Mirakontxa-Easo zatiko lanek “%164ko gainkostua” izan dutela salatu zuen joan den astean, eta, horren harira, EH Bilduk gainkostu hori argitzeko eskatu du, Eusko Legebiltzarrean erregistratutako galdera sorta baten bidez.
Euskorpora elkartearen eta Euskorpus proiektuaren abiatzeak hautsak harrotu ditu. Pello Otxandiano EH Bilduko Eusko Legebiltzarreko oposizio buruak Euskorpusena akatsa dela uste du, "ezjakintasuna edo estrategia klientelarra". EH Bilduk galdera sorta egin du... [+]
Hilabetearen hasieran egin zuen EH Bilduk III. Kongresua, Iruñean. “Ez ohiko ondorioak” ateratzeko balio duen “ohiko kongresua” omen da, edo horrela jaso dute behintzat Zutunik ponentzian, zuzendaritzak proposatu eta militantziak aho batez onartu... [+]
"Adostasun zabaleko gutxieneko programa amankomun bat" oinarrian izatea posible da, EH Bilduren esanetan. Zerrenda bateratuak osatzea lehenetsiko du Espainiako eta Europako hauteskundeetan, Frantziako Estatuko Fronte Herritar Berriaren tankera hartuta.
EH Bilduk astelehen honetan abian ipini du mahai politikoa berritzeko barne prozesua. Zuzendaritzak zerrenda proposatu du. Arnaldo Otegik buruzagi izaten segituko du.
PSNk, EH Bilduk, Geroa Baik eta Zurekin Nafarroak bat egin dute Borboiak Nafarroako kultura sari nagusitik at gera daitezen. Espainiako erregeak 2015etik, Uxue Barkos lehendakari zenetik, ez daude ekitaldi handi honetara gonbidaturik.
"Erorien Monumentuaz sozialistekin akordioa lortu izan ez balitz, eraikinak bere horretan jarraituko luke aurrerantzean ere eta hori zen guk onartzen ez genuen aukera bakarra”. Hala dio Joseba Asironek. Entzun elkarrizketa osorik hemen sakatuta.
Berangoko euskal preso politikoa Zaballako espetxean dago gaur egun eta bertatik helarazitako idazkian Euskal Preso Politikoen Kolektiboa utzi duela iragarri du.
Jendetza elkartu da Bilboko Casillatik abiatu den manifestazioan, Nazioa gara aldarrikatzeko. Buruan, EH Bilduko Mahai Politikoko kideak joan dira, eta atzeraxeagotik jarraitu diote ERC, BNG, CUP, Compromis eta Mes Per Mallorca alderdietako kideek. Ikurrinak, Nafarroako ikurrak... [+]