Haize bolada bortitzak
IZEBERG :: Azalera
Autoekoizpena, 2014
Izeberg taldearen kantuetan rock and rolla da nagusi, rock bortitza. Erritmo azkarrak eta denbora erdikoak jotzen dituzte, bizitasunez. Gitarra riff eta punteo basatiak nonahi ageri dira. Taldekideek indar handiz jotzen dute eta Ixak abeslariak ere indartsu kantatzen du. Ekaitza nagusi izan arren, barealdia tarteka ageri da, eta melodia polit batzuk ere entzun daitezke.
Oro har, haien sentipenen, gogoeten eta zalantza existentzialen gainean kantatzen dute, baina hainbat kantutan protesta ere egiten dute. Hainbat kantutako hitzak Beñat Gaztelumendi, Jon Martin eta Xamoa bertsolariek idatzi dizkiete.
Azalera haien lehen diskoan doinu trinkoa eta potoloa gauzatu dute. Ixak Arruti (gitarra eta ahotsa), Jokin Irastorza (bateria), Beñat Urteaga (baxua) eta Antton Aranburu (gitarra) taldekideek beren musika tresnak erabiltzen oso ondo dakite, eta grabazioa egiteko garaian Arkaitz Carrasco eta Haritz Harreguy teknikarien laguntza estimagarria izan dute. Masterizazioa Juan Hidalgok egin die eta Erika Renedo arduratu da diskoaren diseinuaz. Denen artean ekoizpen lana ederki egin dute.
Izeberg taldea Usurbilgoa (Gipuzkoa) da. Taldekideek beraiek honela aurkeztu dute taldea: “Norberaren taldeko iparrorratza aldatu eta estilo berri bati ekinda, Mendeku Itxua, Hotzikara eta Odolaren Mintzoa taldeetako izotz zatietatik osatu zen Izeberg 2013ko martxoan. Izeberga bultzatzen zuten korronteak elkartu eta eskukada bat kantu ditugun honetan dator Izebergen lehen lana, Azalera. Doinu gaziak eta melodia gozoak nahastuz, ea zer topatzen dugun musikaren itsaso zabalean”.
Jendaurreko emanaldi piloa eta txalo ugari. “Maiatzean hasi eta hogei kontzertu bata bestearen atzetik egin ditugu; abuztuan etentxo bat egin, baina, hala ere, batez beste astean kontzertu bat egin dugu”, Antton Aranbururen hitzetan. Gelditu gabe ari dira. “Alde horretatik oso gustura gaude”.
Esan bezala, Mendeku Itxua, Hotzikara eta Odolaren Mintzoa taldeetako hainbat kidek sortu dute Izeberg, bide berri bati ekiteko asmoz. “Egia esan, guretzat oso gauza berria da. Ixak Mendeku Itxua heavy metal taldetik dator, Beñat eta ni Hotzikara taldekoak gara eta trashcore bezala sailkatu izan gaituzte, eta Jokinen Odolaren Mintzoa taldeak jotzen duena da agian Izerberg taldearen estilora gehien hurbiltzen dena. Zerbait desberdina egiteko elkartu ginen, eta diskoan entzuten dena atera zaigu”.
Rock indartsua. Egur latza. “Ez dakit nola deitu guk egiten dugunari. Argi dago gure aurreko taldeen eraginak ditugula. Egia da gure kantuetan zati batzuk indartsuak direla, eta beste batzuk melodikoagoak edo leunxeagoak, baina argi dago gurea ez dela pop-rocka”.
Doinua ondo landu dute. Grabazioa txukun eta ganoraz egitea zen beren asmoa. “Apustu nahiko serioa egin genuen. Hasteko maketatxo bat egin baino gehiago, disko biribil bat osatu nahi genuen. Urte batzuk badaramatzagu honetan, eta, nolabait esateko, ez gaude denbora galtzeko. Estudioan ondo grabatzea erabaki genuen, eta alde horretatik oso pozik gaude”.
Izeberg taldeak indartsu ekin dio bere bideari, eta horrela jarraitzeko asmoa du, jadanik bigarren diskoa prestatzen ari baita. Eutsi horri!
Japoniako multinazionalak egin nahi duen erregulazio txostenak plantako langileen herenari baino gehiagori eragingo die. Enpresa batzordeko kide Luis Escalonak adierazi du "langileen aurkako eraso bat" dela, eta lanuzteak egingo dituztela iragarri du.
Duela hamar urteko martxoaren 31an Espainiako Estatuko Aldizkari Ofizialean argitaratu zuten denok Mozal Legea gisa ezagutzen dugun araudia. Espainiako Estatuan ez ezik, nazioartean parekorik gabeko aurkakotasuna eragin zuen lege makurra. Hamarkada pasa da eta jaio zenean bezain... [+]
Ez atera zalapartarik, ez konfrontatu, ez biktimizatu... eta obeditu. Subjektu zapaldu gisa, kasu honetan euskaldun gisa, mintzo gara, zenbatetan entzun behar izan ditugu halakoak? Ironiaz, honelaxe esan zuen, duela bi urte, Euskaltzale Independentiston Topaketan, Amets... [+]
Directa hedabideak ikertu eta argitaratu du poliziaren infiltrazioa. 2019ko irailean hurbildu zen lehen aldiz Lleidako Ateneu Cooperatiu taldera, Joan Llobet García izenpean, eta 2021eko azaroan utzi zuen militantzia, Bartzelonan lana aurkitu zuela eta amonaren... [+]
350 poliziako "Force Frontière" dispositiboa baliatu dute Gipuzkoako eta Lapurdiko mugetan migratzaileen kontra egiteko martxoaren 26 eta 27an. Aurrez "terrorismo islamistaren" aurka egiteko aitzakiaz erabiltzen zituzten dispositiboak, orain "migrazio... [+]
ARGIAri jakinarazi diotenez, 40-50 irakasle inguruk Eusko Jaurlaritzaren Lakuako egoitzaren pareko belardian igaro dute gaua. Dozena bat kide identifikatu ditu gauerdian Udaltzaingoak.
Gaurko greba deialdiak %75eko jarraipena izan du sindikatu deitzaileen arabera... [+]
'Espetxeak libre' manifestuan adierazi dute Eusko Jaurlaritzak "ataka txarrean" jarri dituela kulturgileak, espetxeetara kultur emanaldiak egitera sartu nahi dutenei dokumentu bat sinatzea eskatzen baitie, eta salatu dute ezin dutela sartu ez sinatuz gero. Kultur... [+]
Kriztian Borda hautetsi ohia eta Lurzaindia elkarteko kideak sare sozialetan zabaldu duen bideo baten harira piztu da ika-mika. Arbonan laborantza lurrak "arriskuan" daudela salatu du Bordak, eta jakinarazi du Arbonako Herriko Etxeak bere kirol zelaia Baionako promotore... [+]
Triskantzaren balantze humano eta ekonomiko ilunaren esperoan, galdera berehala bururatzen zaigu urrutiko begirale baino asko gehiago ezin izan garenoi: zer gertatuko da orain gerra zibil horretan? Nolako eragina izango du lurrikararen suntsiketak? “Nargis efektu”... [+]
Iruñeko artzapezpiku Florencio Rosello eta Tuterako gotzain Joseba Segura Nafarroako Elizak immatrikulatutako ondasunak itzultzeko prest azaldu dira epaitegiek hala aginduz gero, baina inmatrikulazioak legezkoak izan direla defendatu dute.
Bai ikastetxeek antolaturiko eskolaz kanpoko jarduerek, bai aisialdiari loturiko ekintzek eta udalekuek desgaitasunen bat duten haurrak kanpoan uzten dituzte maiz, eta hain justu, jarduera horiek bereziki onuragarriak dira premia bereziak dituzten haurrentzat. Hala dio... [+]
Antidepresiboen kontsumoa aztertuta, Euskal Autonomia Erkidegoan COVID-19aren pandemiak sintoma depresiboen intzidentzia handitu zuela ondorioztatu du ikerketa batek. Halaber, azterlanak nabarmendu du herritarren osasun mentala arazo fisikoekin batera artatzearen garrantzia, bai... [+]
Aitzindariak elkartea Aitzina Biga ikuskizuna prestatzen ari da. Ehun parte-hartzailetik gora izango dira dantzan, musikan, antzerkian, kantuan eta bertsotan apirilaren 19an Maulen aurkeztuko den ikuskizunean. Uztaila bitarte, beste lau emanaldi izango dira: Miarritze, Arrasate,... [+]
"Gerra inperialistaren eta Europako estatuen berrarmatzearen aurka" mobilizatuko da Langileon Nazioarteko Egunean.