Donostia, Hitzen Hiri
Bernardo Atxaga eta Anari elkarrekin, Nagore Legarretaren argazki proiekzioa musikaz eta poesiaz lagunduta, Imanol Epelderen Euskal Rap-a, Jose Inazio Ansorenarekin ibilbide literarioa Donostian barrena, Dolores Redondoren hitzaldia, Petros Márkaris eta nobela beltzaren inguruko solasaldia, Ana Malagonen mikroipuinak Urumea bazterrean... Hango eta hemengo idazleak batu dituzte beste behin ere, baina aurtengoan, inoizko parte-hartze handiena izango dute euskal sortzaileek. Idazlea eta irakurlea gerturatu asmoz, kafe topaketak antolatu dituzte lehen aldiz. Sustatzaileak, argazkian, Jasone Osoro (EIE), Iñaki Gabarain (Donostia Kultura), Nerea Txapartegi (Donostiako Udala) eta Garazi Lopez de Etxezarreta (Foru Aldundia, Koldo Mitxelena).
Maiatzaren 8an hasi eta 17ra arte luzatuko da Literaktum 2014. Donostia Kulturak antolatu ohi du zikloa, baina aurten laguntzaile askoren babesa izango dute. Egitaraua osatzeko garaian, Euskal Idazleen Elkartea, Musika Parkean eta Koldo Mitxelena Kulturunearekin batera aritu dira elkarlanean.
Sarean egitea helburu
“Hausnarketarako eta eztabaidarako espazioa da Literaktum”. Irakurlearen pentsaera kritikoa sustatzen duela dio Nerea Txapartegi Donostiako Udaleko Kultura arduradunak. Horrez gain, “zenbait diziplinari ateak irekitzen dizkio eta eskenatoki ugaritan gauzatzen da”. Badu beste bereizgarririk literaturaren inguruko topaleku honek. “Donostia Kulturak antolatu arren, sarean egitea du helburu; beste hainbat talde, erakunde eta eragileekin elkarlean”. Donostiako Udaleko ordezkariaren hitzetan, “horiek dira ekimen honen ikur nagusiak”.
“Teknologia berriek aurkezten duten presa, bat-batekotasuna eta gainerakoen aurrean, literaturak lasaitasuna eta jarrera aktiboa eskatzen du, eta horiek guztiak gure gazteei transmititzen jakin behar dugu. Zentzu horretan, Literaktum-ek ere balio dezala gazteak modu erakargarri batean literaturara gerturatzeko”. Desio hori du Garazi Lopez Etxezarreta Gipuzkoako Foru Aldundiko Kultura sailaren arduradunak.
Liburua, “etxetik kalera”
“Liburua etxetik kalera ateratzeko aukera eskaintzen du jaialdi honek”, halaxe uste du Jasone Osorok, Euskal Idazleen Elkarteko lehendakariak. “Azoketatik aparte, literatura zentzumen ezberdinekin dastatzeko aukera eskaintzen duelako, belarriekin adibidez”. Izan ere, edizio honetan Anari, Mursego edota G. Bassmatti kantariek hartuko dute parte.
Kafea eta literatura
Donostia Kulturako bazkide direnek abantaila ederra izango dute aurten. Bernardo Atxaga, Dolores Redondo, Clara Sánchez eta Petros Márkaris idazleekin kafe bat hartzeko aukera izango dute. Donostia Kulturaren web orrian izena eman beharko dute lehenbizi. Onuradunak, ordubeteko solasaldiaz gozatzeko moduan izango dira.
Maiatzak 8, osteguna. Desertuko biztanleei buruz. Bernardo Atxaga & Anari. Non: Ernest Lluch KE. Noiz: 19:30.
Maiatzak 9, ostirala. Ibilbide literarioa hirian zehar: Pepe Artola Paxientxien banatzailea. Gidatzailea: Jose Inazio Ansorena. Non: Usandizaga plaza. Noiz: 18:00.
l Invención de la piel liburuaren inguruko irakurketa. Poesia, musika, perfomancea. J. Obeso & Mursego & I. Zabaleta & E. Pérez. Non: KM. Noiz: 19:30.
Maiatzak 10, larunbata. Tik Tak, Ipuin musikala. Araoz Gaztetxo Abesbatza. Non: Aiete KE. Noiz: 17:30. Edipotoa, Argazkien proiekzioa + poesia errezitaldia + musika. Nagore Legarreta & Gorka Setién & Haizea Arregi & Mariano Hurtado. Non: Lugaritz KE. Noiz: 20:00. Erakusketa ere izango da: maiatzaren 5etik 23ra.
Maiatzak 12, astelehena. Clara Sánchez. Aurkezlea: Teresa Calo. Non: Okendo KE. Noiz: 19:30.
Maiatzak 13, asteartea. Euskal Rap. Imanol Epelde. Non: Liburutegi Nagusia, San Jeronimo. Noiz: 19:30.
Maiatzak 14, asteazkena. Dolores Redondo. Aurkezlea: Enrique Martín. Non: Tomasene KE. Noiz: 19:30.
Maiatzak 15, osteguna. Petros Márkaris, Europaren disekzioa nobela beltzetik abiatuta. Aurkezlea: Teresa Flaño. Non: San Telmo Museoa. Noiz: 19:30. Gonbidapenak banatuko dira San Telmo Museoan astebete lehenago.
Maiatzak 17, larunbata. Mikro ipuinak Urumea Bazterrean + Musika Parkean. Ana Malagon & Xerezade & G. Basmatti. The Icer Company & Tristan Crowley. Non: Benartegi baserria (Loiola - Martutene). Noiz: 14:00 + 18:00.
Olatz Salvador
Noiz: martxoaren 15ean.
Non: Deustuko jaietan.
------------------------------------------------
Martxoak beti du deustuarrontzat kolore berezia; urtero ospatzen ditugu jaiak, San Jose egunaren bueltan. Bi asteburu bete festa, eta urtetik urtera Deustuko... [+]
Euskal Herrian Euskarazek manifestazioa deitu du apirilaren 6rako, 11n EHEko bi kide epaituko dituztelako. Hiriburuetatik autobusak antolatzen ari dira. Bi helburu bete nahi dituzte, batetik, epaituak izango diren bi kideei babesa erakustea, eta bestetik, euskararentzat justizia... [+]
Pazienteek Donostiara joan behar dute arreta jasotzeko. Osasun Bidasoa plataforma herritarrak salatu du itxierak “are gehiago hondatuko” duela eskualdeko osasun publikoa.
EH Bilduk galdera sorta bat erregistratu zuen Eusko Legebiltzarrean Donostiako Metroaren igarobideko lanen gainkostua argitzeko. Informazio hori atzo jakinarazi zuen Susana Garcia Chueca Mugikortasun sailburu sozialistak.
Kirola eta oroimena uztartuko dituzte, bigarrenez, mendi-martxa baten bitartez. Ez da lehiakorra izanen, helburua beste bat delako. La Fuga izeneko mendi martxak 1938ko sarraskia gogorarazi nahi du. Ezkabako gotorlekuan hasi eta Urepelen amaituko da. Maiatzaren 17an eginen dute.
Martxoaren 19an amaitu zen proiektua aurkezteko epea, baina Errioxako PSOEk adierazi du Forestalia enpresak "interesa baztertu" duela. Enpresak bi parke eoliko eraiki nahi zituen Aragoiko lurretan, baina oraindik ez ditu lortu baimenak eta hori dute egitasmoa... [+]
Seaska Sarean inklusio egoeran dauden 165 ikasleei laguntza bermatzeko hasi dute kanpaina, antolaketa propioa eratuta. Frantziako Hezkuntza Ministerioaren jarrera salatu dute kanpaina aurkezteko prentsaurrekoan, behar bereziak dituzten haurren inklusiorako baliabide... [+]
Muga-zergak apirilaren 2tik aurrera ezarriko dira eta altzairuari eta aluminioari ezarritakoei batuko zaizkie. "Gurekin negozioa egiten duten eta gure aberastasuna eskuratzen duten herrialdeei ezarriko dizkiegu", AEBetako presidenteak adierazi duenez.
%90eko jarraipen "ia erabatekoa" izan du grebak, sindikatuen arabera. Gasteizko parkeak, lorategiak eta eraztun berdea mantentzen dituzte Enviser azpikontratako 90 langileek.
Aurten "Israel Premier Tech" txirrindularitza talde israeldarra ez da Lizarraldeko Miguel Indurain Sari Nagusia lasterketara etorriko. Berri ona da hori Palestinaren askapenaren alde gaudenontzat eta munstro sionistarekin harreman oro etetea nahi dugunontzat, izan... [+]
Ikerketa parte-hartzailea eta gogoetatsua bultzatzen du Biharamunen Lantegia kooperatibak, eta zientzia eta ikerketa herriarengana hurbiltzeko lan egiten du. Duela urte eta erditik egoitza Bidarten dauka, eta Institut Curie-rekin elkarlanean Iker Herria ikerketa zentroa sortzeko... [+]
Txotx denboraldian eredu ekologikoan ekoiztutako Euskal Sagardoaren eskaintza izango da hainbat sagardotegitan, eta hura bistaratzeko, Jatorri Deiturak eta ENEEK-Ekolurrak kupeletan paratzeko euskarria aurkeztu dute.
Intsumituek denbora luzez egindako borroka gogorra eta mingarria izan zen, baina irabazi zuten, eta garaipen hura behin betikoa izango zela uste genuen, atzera bueltarik gabea. Baina badirudi, politikari batzuen ahotik aterata, eskalada militaristari gorazarre egin eta berriz... [+]
Amenabar enpresak Bilboko Udalaren eskutik apirilaren 4rako agindu duten desalojoaren kontra azaldu dira bilkuran. Poliziak indarrez kanporatu ditu. Ostiral honetan18.30ean, Errekaldeko Plazatik hasiko den manifestaziora batzeko deia luzatu dute gazteek, baita desalojoaren... [+]
Europako Batzordeak aurkeztu duen plana ustezko gerra edo hondamendi baten aurrean “bizirauteko” kit batetik harago doa: hogeita hamar neurri proposatu ditu eskoletan, enpresetan eta herritarren artean militarismoa eta beldurra sustatuko dutenak.