Aluminiozko adarra
Tururu!
Aitor Ruiz de Eginorenerakusketa
Non: Bastero Kulturgunea, Andoain.
Noiz: Otsailaren 28a arte.
Aitor Ruiz de Eginok (Hernani, 1971) marrazkietatik abiatu zuen bere arte jarduna. Bi dimentsiotako lan horiek zeramikaren bidez iritsi ziren hiru dimentsioetara. Eskulturan, burdina, brontzea eta harria ere landu ditu, baina euskal artisten artean ezohikoa den aluminioa du material kuttuna. Metal distiratsua da, herdoildu gabe luzaroan bizi dena, bizitza irudikatzeko egokia. Eta aluminioaren eskutik bi dimentsiotara itzuli da. Tururu! erakusketan aluminiozko 40 marrazki bildu ditu.
Kolore biziak erabiltzen ditu koadro horietan, oinarrizko koloreak, horiak, gorriak, urdinak... bere horretan, nahastu gabe. Ez ditu koloreak gehiegi landu nahi garrantzia duena forma delako, metalezko lerro garbiz osatutako forma.
Erakusketa aretoko horma zuri, garbi eta zutetan daude jarrita marrazki gehienak, ilaran eta zuzen, tamaina bereko multzoak horma banatan. Baina Ruiz de Eginoren aluminiozko marrazkiak ez dira lauak, zimurtuta daude, hormatik irteten dira, euskarriaren garbitasuna hautsiz, eta Basteroko edukiontzi asimetrikoarekin bat eginez.
Erakusketa aretoko zementuzko forma kurbatsuak atze-oihal egokia dira eskultura lanetarako ere. Erakusketa 18 eskulturak osatzen dute, guztiak aluminio galdatuzkoak. Ikusleak parean zer duen galdetzen dio bere buruari. Zer egitura da hau? Animalia bat? Gizakia? Biak batera? Zer dira hauek, gizakiaren besoak ala zenenaren adarrak? Kutsu surrealista dute, egileak bilatzen duen misterioa.
Tururu! osatzen duten lanak berriak dira, gehienak azken urtean egindakoak, baina ez dute hernaniarraren obraren jarraitutasuna hausten. Ruiz de Eginok Antropozooformak izenburuko erakusketa egin zuen 2011n, eta izen horrek ederki definitzen ditu parean ditugun formak. Edo antropozoofitoformak ere esan geniezaieke, animalia-gizaki horien gorputz-adar luzatuek zuhaitzen sustraietatik eta adarretatik asko baitute. Eta, oro har, Aitor Ruiz de Eginoren lanak asko du Adarratik. Adarra mendia du inspirazio iturri, eta bere lanak Adarrako izaki bizidunak dira, artistaren burutik iragazita.
Hernanin lan egiten du artistak. Zikuñaga auzoan duen Zikuzulo tailerrean. Hernanik harreman estua izan du Antzinarotik metalgintzarekin eta Aitor Ruiz de Egino ere txikitatik egon da metalari lotuta, aitak galdategi batean egiten baitzuen lan. Artelanak osatzeko behar duen guztia bertan du eskura (www.aitor-ruiz-de-eguino.com gunean eskulturak egiteko prozesu osoa biltzen duen bideo ederra dago ikusgai), eskura du materiala biltzeko txatartegia, eskura aluminioa galdatzeko lantegia eta metala margotzeko pintura. Dena, Adarraren magalean.
El dilluns a la tarda ja tenia planificats dos documentals realitzats a Euskal Herria. No soc especialment aficionat als documentals, però el Zinemaldia sol ser una bona oportunitat per a deixar de costat els hàbits i les tradicions. Em vaig decidir per la Rèplica de Pello... [+]
La cerca, la cerca contínua d'un camí, implica descobrir el que no volem ni esperem. Un artista ha d'alimentar aquesta apetitosa cerca si vol mantenir viu el seu esperit. La seva carrera també necessitarà una gran caparrudesa. Buscar nous camins, destapar i ampliar la seva... [+]
Em sorgeixen contradiccions davant concursos artístics. D'una banda, situen a artistes i obres d'art dins de la dinàmica de la competitivitat, deixant de costat el caràcter transformador i col·lectiu de l'art i situant-les dins de les lògiques mercantilistes, però no pot... [+]
Eskuin muturreko ekintzaileei leporatu diete eskultura bandalizatu izana: Hau kaka euskalduna da idatzi dute frantsesez, eta Heil pepito agur nazia margotu. Jean-René Etxegarai auzapezak jakinarazi du salaketa jarriko dutela. Gainera, Frantziako Alderdi Komunistaren... [+]
En la Plaça dels Furs de Vitòria-Gasteiz apareix una nova escultura metàl·lica que dona la benvinguda a l'exposició de Nestor Basterretxea (Bermeo, 1924 – Hondarribia, 2014). L'exposició reuneix més de 300 obres creades per artistes de diferents àmbits, com ara cartells,... [+]
