Zentzumena
Hori beharko luke abezedarioa jarraituz, joan den irailetik idazten ari naizen glosarioaren azken hitza. Aurreko batean Amets Arzallusek zaborren gaiaren harira intimitatea zer den galdetu zuen baina. Amua guztiz irentsi, bere galdera jarraitu eta salto egitera noa. Denok dakigu ikusmena, entzumena, dastamena, ukimena eta usaimena direla zentzumen nagusiak. Sinestesiaren eremuetan murgilduz gero konbinaketak askotarikoak dira: dastamen ukigarria, usaimen entzungarria, ikusmen usaindua eta abar. Hegoaldean, Oteizaren zero metafisikotik zero zaborrera igaro garela zioen elkarrizketa batean Joseba Zulaikak, zaborraren kudeaketaren soberania dela lortutakoa. Eta haren ikusgarritasuna, espektakularizazioa, erantsiko nuke. Intimitatea, ordea, beste zerbait da: pertsonekin intimitatu, naturarekin, gauzekin. Sentsualitatea eta entzumena behar dira intimitatzeko, gorputza. Nire gorputzak ezin du zurrun dagoen beste gorputz batekin intimatu, are gutxiago buru eta pentsamendu zurrun batekin. Zaborrekin ere z-entzumena beharko genuke. Ez bakarrik gauzei zentzua emateko edo zentzudunak izateko. Gauzak, natura eta besteei entzuteko, halabeharrez.
L'Ajuntament de Donostia-Sant Sebastià va anunciar en el ple del passat dijous que augmentarà la taxa d'escombraries un 26,5% a partir de gener de 2025, al·legant que la Llei 7/2022 de Residus obliga a això. Eguzki, per part seva, ha denunciat que la llei només s'aplica en... [+]
