Hamahiru urteko espetxe zigorra ezarri diote adimen urriko alabaordeari sexu erasoak egin zizkion gizonari
Gasteizko sententzia horrez gain, asteburuan gutxienez beste lau sexu eraso salatu dituzte; hiru Gasteizen eta bat Donostian.
Arabako Probintzia Auzitegiak hamahiru urte eta bederatzi hilabeteko espetxe zigorra ezarri dio Gasteizko gizon bati –ez da ezagutarazi bere adina, 60 urte baino gehiago dituela baino ez–, bikotekidearen adimen urriko alaba bortxatzeagatik. Emakumeak 34 urte zituen gertakariak jazo zirenean, 2021ean, eta "sarri" gertatu ziren erasoak. Ama 05:00etan joaten zen lanera, eta alaba 09:00etan joan ohi zen bere gizarte-zentrora. Bitarte horretan egiten zizkion erasoak.
Zentroko langile batek susmatu zuen egoera, ohartu baitzen emakumeak ez zekiela barruko arropa bere kabuz janzten, eta horri buruz galdetzerakoan argitu zen guztia. Ama abisatu eta salaketa ipintzera joan aurretik, gizonezkoak alde egin zuen etxetik.
Lau sexu eraso asteburuan
Gasteizko Salburua, Zabalgana eta Txagorritxu auzoetan sexu eraso bana salatu dituzte asteburuan: hurrenez hurren, 37, 27 eta 39 hiru gizonezko dira atxilo hartutakoak. Horrez gain, ostiraletik larunbatera gauean Donostiako Gros auzoan sexu erasoa salatu zuten aparkaleku batean.
Astearte eguerdian egin dituzte elkarretaratzeak Gasteizen eta Donostian, erasoak "erabat gaitzesteko" eta elkartasuna adierazteko.
Amb les paraules del poeta Vicent Andrés Estellés, soc un entre tants casos, i no un cas aïllat, rar o extraordinari. Desgraciadament, no. Entre punts, un. En concret, segons el Consell d'Europa, i entre altres institucions de gran trajectòria com Save the Children, jo soc... [+]
El cas de Mazan és esmentat en els mitjans francesos: una dona drogada de somnífer pel seu marit per a posar-la entre les cames d'altres homes perquè la violessin. Això durant deu anys i tres números: 92 violacions (com a mínim), 72 homes i 51 violadors jutjats. Gisèle... [+]
Ehun bat pertsona bildu ziren larunbatean Luhusoko plazan Itaia emazte antolakundeak eta Luhusoko besta komiteak jakinarazi duten bortxaketa salatzeko.
