Gaur banatuko dituzte Rikardo Arregi Sariak
Kazetaritza arloko zortzi finalisten artean dago June Fernández, ARGIAn argitaratutako Nerabeak eta sexu-heziketa: pornoa ote da arazoa? erreportajeagatik. Sari banaketa ekitaldia Andoainen egingo dute.
Azaro hasieran eman zuten Rikardo Arregi Kazetaritza eta Komunikazio Sarien finalisten berri eta asteazken honetan iragarriko dute zein diren irabazleak, Andoaingo Bastero Kulturgunean, sari banaketa ekitaldian.
Kazetaritza arloko finalisten artean dago June Fernández, ARGIAn idatzitako erreportaje batengatik: Nerabeak eta sexu-heziketa: pornoa ote da arazoa?. Epai-mahaiak azaldu duenez, eztabaida publikoan "deserosotasuna" eragiten duen gaia izanik ere, kazetariak analisirako argumentu bilakatu du, artikulu "gordin" batean, aditu eta arituak interlokutore dituela. Horrez gain, erreportajea osatzeko erabilitako irudi grafikoek ere "aipamen berezia" merezi dutela iritzi du.
Kazetaritza arloko beste hautagaiak dira Jon Artano Izetaren Juana liburua; Berria egunkarian Maite Asensiok, Amaia Igartuak eta Isabel Jaurenak idatzitako “Feminizketak” elkarrizketa sorta; eta Ipar Euskal Herriko Bada gazte hedabidea.
Bestetik, Komunikazio sariak ere banaktuko dituzte Andoainen. Hauek dira hautagaiak: “Ikusgela” Euskal Wikilarien Kultura Elkartearen proiektua; Berriaren “Ezer ez eta festa” podcasta; EITBko “Ez hain ondo” bideopodkasta; eta Euskalerria Irratiaren “Flop kultura” podkasta.
Saritu bakoitzak 9.000 euro jasoko ditu. Bestalde, Ana Galarraga Aiestaran kazetariari Ohorezko Mugarria saria emango diote ekitaldiaren hasieran.
France 3 Euskal Herri telebista katea apalduz doa. Kate horretako kazetari eta langileek jakin berri dute berriz ere programazio eta finantzaketa apaltze bat pairatuko dutela. Egun oroz, zazpi minutuko berriak eman izan dituzte, baina iragan udatik bi minutuz murriztu zieten... [+]
La presència d'Elon Musk en els mitjans de comunicació avança com un coet després d'aterrar al jardí de la Casa Blanca. Altres poders, pel que sembla, s'han vist alterats pel poder i la influència que està adquirint, i per a reduir la seva influència, han carregat contra la... [+]
La política del Govern Basc per a criminalitzar als empobrits ha tornat a ser notícia el mes de novembre. Lanbide ha creat una bústia de denúncia anònima perquè la ciutadania honesta denunciï “qualsevol sospita d'actuacions irregulars” de ciutadans potencialment... [+]
