Hori guztia gertatu da egungo EBBko lehendakari Andoni Ortuzarrek Aitor Estebani bidea libre utzi ondoren, eta horretarako Ortuzarrek mahaiaren gainean jarritako argudio nagusia “alderdiaren zatiketa arriskua” izan da. Eta batek ez du halako desberdintasun handirik ikusten bata eta bestearen artean, baina aditu batzuek baietz diote... eta beste batzuek ezetz, dena ongi taularatutako prozesua besterik ez dela.
Hasteko, Enric Juliana La Vanguardia-ko zuzendariaren albokoak dio Jesús María Aznarrek esku bat bota diola Aitor Estebani. Behin haren analisia irakurrita, laster ikus daitezke ñabardurak, baina laguntzaren ideiak zutik dirau. Batetik, azaltzen du bagenekiena, Iñigo Urkullu ez zela batere gustura gelditu EAJko zuzendaritzak Eusko Jaurlaritzako lehendakaritzarako laugarren agintaldirako ateak itxi zizkionean, eta Bizkaiko beste hainbat pertsona esanguratsu ere ez.
Julianak dioenez, Alberto Nuñez Feijóo PPko buruzagiari kosta egiten zaio EAJrekin elkar ulertzea, Juntsekin baino gehiago, eta gogaikarri egiten zaio EAJk PSOErekin daraman bidea, zeina Ortuzarrek bideratu eta sostengatu duen, eta Estebanek egunerokoan Espainiako Kongresutik gauzatu.
Joan den astean José Mariá Aznarrek esku bat bota nahi izan zion Feijóori eta PPko buruzagi ohia Bilbon egon zen, Jualianaren aburuz testuinguru horri oso lotuta, eta PPren izaera foralista aldarrikatzeaz gain, EH Bilduren gorakada EAJri leporatu zion: “Zatiketa usaindu zuten –dio Julianak–. Espazio bat ikusi zuten (...) eta bost egun geroago Ortuzarrek atzera egin zuen Estebanen alde”.
Gara-ko Iñaki Iriondo ere aspaldi ari da jeltzaleen zuzendaritzarako lasterketa hau jarraitzen eta lehia hobeto kokatzeko datu interesgarriak eskaintzen ditu. Adibidez, Ortuzarrek irabazi zuen lehen itzulian, bai, baina militantzia jeltzalearen %20ak bakarrik eman zuen botoa. Bizkaiko sektore batek mugitu du Estebanen aldeko botoa, eta jokaldi horren atzean Estebanen emaztea den Itxaso Atutxaren –BBBko lehendakari ohia– eskua ikusten da, besteak beste. Iriondoren tesia: bi hautagaiek antzera pentsatzen dute, eta botere borroka bat da, orain ikusi beharko da zer ondorio dituen horrek barrura zein kanpora begira.
Baina bada beste ikuspegirik ere, adibidez jeltzaleen bizitza oso barrutik jarraitzen duen El Rincón del protestón blogetik Iñigo Landak ematen duena. Honek zehaztasun handiz jarraitzen du EAJren barne bizitza, eta baita hauteskunde prozesua ere, eta Ortuzar oztopo handi moduan ikusten du alderdiaren biziberritzerako, eta berdin Esteban ere. Zer da Ortuzar bere ikuspegian? Endogamia, nepotismoa, besteen gainetik egotea, harrokeria, Deia-ren kontrol erabatekoa... Bere ustez, bien artean ondo kozinatuta zuten prozesua: “Ez gaitezen engaina, Ortuzar eta Esteban txanpon bereko aldeak dira”.
Martxoak 8an egindako pintaketak gainetik margotu dituzte ikur faxistekin Zuberoako hiriburuan. Horren aurrean elkarretaratzera deitu dute, astelehenean.
Behe bandako zutabea bezain erlojuaren aurka prestatzen ditut mozorroak, korrika, aztoratuta, zalantzaz, erretxin, estropezuka eta sarri arrakasta ez erabatekoarekin; adibidez, zutabe hau eta biharko mozorroa. Oraindik ez dakit bietako zein bukatuko dudan lehenago. Baina... [+]
Martxoaren 8a Getxo bere bizitokian igaro du: kumbia dekolonial eta antiarrazista topaketa antolatu du Algortako Herriko Tabernan, Abianen, Hija del Nopal DJrekin batera.
Argentinatik Getxora migratu zen Celeste Agüero, kantutegi herrikoi batekin eta poesia xuxurlatzeko... [+]
33/2013 Foru Legeari Xedapen gehigarri bat gehitu zaio datozen aldaketak gauzatu ahal izateko, eta horren bidez ahalbidetzen da “erregimen frankistaren garaipenaren gorespenezkoak gertatzen diren zati sinbolikoak erretiratzea eta kupularen barnealdeko margolanak... [+]
2025 amaitu baino lehen Gernikako Estatutuan jasotzen diren eskumen guztiak izatea espero du Jaurlaritzak. Oraindik 25 eskumen falta dira. Transferentzia Batzordea aurreko astean biltzekoa zen baina "agenda arazoak" zirela eta atzeratu zuten.
Alemaniako Poliziak asteleheneko gertakariaren arrazoiak "politikoak" zirela baztertu duen arren, 35 urteko Alexander Scheuermann Ring Bund talde neonaziko kide zen. Bi hildako eta hamar zauritu utzi dituen atentatuaren egileak sare sozialetan "gorroto mezuak"... [+]
Geroa Baiko lehendakari eta Nafarroako lehendakariorde izandakoa enpresa bati 2,6 milioi euroko diru-laguntzak ustez modu irregularrean emateagatik zegoen auzipetuta, Davalor auzia deiturikoan. Nafarroako Probintzia Auzitegiak erabaki du auzia behin betiko artxibatzea, legalki... [+]
Euskal Herriko Bilgune Feministak deituta elkarretaratzea egin dute Hernanin Iratxe Sorzabali elkartasuna adierazi eta "babes osoa" emateko. Inkomunikatuta egon zen uneak berriz ere epailearen aurrean kontatu behar izatea, "bizi izandakoak utzitako ondorioen... [+]
Leporaturikoa ez onarturik, eta sare sozialetako kontuak "lapurtu" zizkiotela erranik, salaketa jarri zuen Arabako campuseko Farmazia Fakultateko irakasleak. Gernikako auzitegiak ondorioztatu du ez dagoela modurik frogatzeko mezu horiek berak idatzitakoak diren ala ez.
Gezurra badirudi ere, irudia ez dago Tolosako inauterietan eginda. Munduko herrialderik jendetsuenen artean, laugarrenean da, pasa den astean. Kameraz inguratuta, bi gizoni 80 eta 85 zigorrada eman dizkiote bizkarrean. Haien bekatua: gorputzaz elkarrekin gozatzea. Aceh... [+]
Euskal Herriko bi muturretatik datoz Itziar (Bilbo, 1982) eta Ekaitz (Erriberri, 2002), sortzen ari den Burujabetzaren Aldeko Mugimenduaren berri ematera. Euskal Herrian diren burujabetza prozesu ugariak arloz arlo bultzatu eta indartu nahi ditu BAMek. Lan horretan hasteko,... [+]
Otzandu egin gara, katalanak eta euskaldunok, ekaitzaren ondoren. Saiatu ginen, bai; sendo ekin genion, eta gogor kolpatu gaituzte; ezin izan genien gure helburu zuzen, ezinbesteko, sakratuei eutsi. Eta porrotaren mingostasuna dastatu dugu, eta bigundu egin gara irabazleen... [+]
Directa hedabidearen ikerketa batek ondorioztatu du 2018. eta 2020. urteen artean murgildu zela Kataluniako Palestinaren aldeko eta ezker independentistaren mugimenduetan, "Belén Hammad" izenaren pean. Nortasun agiri faltsu batekin Kataluniako Gobernuak... [+]
Frantziako Poliziak 2002an atxilotu zuen zumarragarra, eta 30 urteko zigorra betetzen ari da. Sare Herritarrak mobilizazioa deitu du datorren ostiralerako, Urretxuko Potros Plazan.