Aurtengo hiru disko on eta gomendagarri
ARGIAko erredakzioak aurtengo zortzi hilabeteotan kaleratu diren diskoen artean hiru hautatu ditu, gomendatzeko.
Giza zarata
Anari
Tristuraren industria, 2024
38 minutu
Anariren lan berria irensteko gose zena erabat asebeteta uzteko moduko diskoa atera du azkoitiarrak. Troiako zaldia-rekin hasita, ekosistema sentsorial batean sartu gaitu, eta Giza zarata-ren azken notak apurka isildutakoan ere atmosfera horretan harrapatuta utzi. “Garaiaren sentsazio bat” transmititu nahi izan du Anarik, tesirik esplikatu gabe; ederki asmatu du hitz konplexu askorik gabe aro arraro hau zorrotz kontatzen. Beldurraren narrazio konpartituak eskaini dizkigu, beste behin, eta zaratatik gutxi duten eta espazio osoa betetzen duten instrumentuak bikain josi dizkio parekorik ez duen ahotsari. Leire Artola Arin
* * * * * * * * * *
Negu Gorri
J Martina
Balaunka, 2024
24 minutu
Paktua abestiarekin aurkeztu zuten diskoa, eta hala esan zidan lagun batek kanta entzun zuenean: “Uf, ederki sartuko da hau udan!”. Halaxe da; kizomba erritmoak eta autotunea nahastuta, infernuan deabruarekin dantzan ibiltzeko moduan. Baina Negu Gorri du izena diskoak, eta abesti dantzagarriak bai, baina neguko hotza bezala barrura sartzen direnak ere baditu J Martina taldearen azken lanak. Letra zorrotzak lagun, ohi duten bezala. Uda eta negu, buklean entzuteko horietakoa, zalantzarik gabe. Eneritz Arzallus Alustiza
* * * * * * * * * *
Ubera
TikTara
Autoekoizpena, 2024
28 minutu
Gaur ere bihotzean al dun tarrata? Begiak berriz hasi zaizkin ttanttaka... Hitz horiekin hasten da diskoko lehen abestia, Axuri preto, eta bis dotorea koroekin gero. Letra leitzeak tristura eragin badezake ere, ez du horrelakorik talde honek... Eutsi apustuari: entzuten jartzen dena ezetz geldirik geratu. Ze, joño, a zer salsa datorren kostaldetik. Kantauriko kresalaren eta hego haizeak dakartzan soinuen konbinazioa omen, munduko musiken eragina ere, marimba, klarinetea, saxo tenorra, charangoa... eta denetarik. Mugitu gerriak!. Gorka Peñagarikano Goikoetxea
* * * * * * * * * *
Muturreko lehorteak eta euriteak dira beroketa globalak Pakistanen duen inpaktuaren alde agerikoena. Ez dira hain ezagunak, ordea, hondamendiek piztu eta bizkortzen dituzten gaitz sozialak, eta zenbat eta nola oztopatzen duten azken horiek Asiako herrialdearen garapen oso eta... [+]
Aragoiko Asabón errekak zeharkatzen duen lurraldeak hainbat ustekabe eder gordetzen ditu. Ez naiz historialaria, eta, hortaz, ez dut halako kronika historiko bat eginen. Bereziki mendizale gisa mintzatuko naiz, aspaldi honetan nire gogoak –nire senak– halako... [+]
Herrialde berri batera moldatzeak dakarren astindu identitarioaz gain, migrazio-bidaietan eta berton aurre egin behar dieten indarkeriek oztopatzen dituzte etorkinen bizipenak. Psikoterapia da ondoeza sendatzeko bide bat, baina ez bakarra.
Hamasen erasoaren ezohiko muntak, eta Israelgo gerra-kabineteak hari emandako erantzunaren desmasiak zerikusi zuzena dute ondorio geopolitikoen sakonerarekin. Ekialde Ertainean eta nazioarteko aliantzetan aldaketak eragin ditu genozidioak: Israelek zer irabazi eta galdu du?... [+]
Zirrara eta pasioaren eroale da Arantxa Orbegozo Txitxi (Tolosa, 1962). Bizitza darama eskuetan eta hura eskaintzen dio zuzentzen zaion edonori. Atleta izan da, txirrindularia, eta bere buruari proposatu dizkion beste hainbat diziplinatan aritua. Hala eta guztiz ere, benetan... [+]
Aspaldidanik Saran bizi den arren, goiza Bidasoaren ibarrean pasa behar zuenez gero, Hondarribiko parte zaharrean zitatu gaitu Ruper Ordorikak (Oñati, 1958). Goiz eguzkitsuan, puntual eta irribarretsu agertu da maldan gora, konsistorioaren parera, turista gazte kuadrilla... [+]
ARGIAko erredakzioaren eskutik, sei irakurgai proposamen.
ARGIAko erredakzioaren eskutik, sei ikus-entzunezko proposamen.
Familiaz, azalpenak eman beharraz, topikoez, askatasunaz, kontziliazioaz, sareaz eta komunitateaz, erru sentimenduaz, ekonomiaz, traba legal eta administratiboez, haurraren eskubide urraketez... solastatu gara, hautuz gurasobakar diren Argider, Junkal, Koldo eta Maitanerekin... [+]
Odei Etxeberri Bimboire, Gorka Roca Torre eta beraien seme Oihan eta Miru buruaskiak dira elikaduran. Horretarako, aztertu behar izan dute gorputzak zer elikagai eta zein kopurutan behar dituen; horiek zein janaritan dauden; urtaro bakoitzean horiek denak eskuratzeko zer landu... [+]