Egin ARGIAkoa

Gizartea Ingurumena Politika Ekonomia Kultura Euskara Feminismoa Hezkuntza Nazioartea Iritzia

ostirala 2024ko azaroaren 22an

Felix Soto: Lan Gehiago Egin Behar Dugu

2021eko uztailaren 23an

Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Felix Soto HBko zinegotziari elkarrizketa
Donostian HB-ko kontzejal izateaz
Felix Soto: Lan Gehiago Egin Behar Dugu
Beroaldian berotu egin ohi da jendea, eta hotzaldietan hoztu. Baita ezkertiarrak ere, baita abertzaleak ere. Felix Soto gaur egun Donostian arerioen artean ere errespetatzen badute, batzuetan bezala besteetan ere gogor lan egin duelako da. Despatxuan sartu, beharrari ekin eta «culovatios/hora». beste hark esango lukeen bezala.
Solasaldia bukatu ondoren, berriz deitzen zigun telefonoz, ea ongi azpimarratzen genuen lan egitea dela garrantzizkoa baina baita pentsatzea ere, nola eta zertarako buruetan garbi eduki dezagun. Lau urte loa galduz pasa ("ez ni bakarrik, e?, ez hadila konfunditu"), jendearen ardura falta ikusiz askotan gainetik hauteskundeetan esker onik hartu ez... eta animoso.
Oinak larrean dituenak badakiela herria-gu engainaerreza dela-garela. Eta bidea errez dutenak baino alferrago izanez jai dugula.
ARGIA.–Urte mordoxka daramazu Donostisko udaletxeko zokoan sartuta. Eta hauteskunde hauen ondoren berriz kontzejal. Merezi al du?. Ze balantze egiten duzu?.
Felix Soto.–Saltsa eta istilu guztien ondoren, balantzea baikorra dela uste dut. Lau urteotan aurreko urte pila batean egin ez dena baino gehiago egin da. Hirigintzaren alorrean batez ere. Beste zenbait alorretan inzidentziarik izan ez badugu neurri haundi batean udalak horietan konpetentziarik ez duelako izan da. Kulturaren alorrean ere egin liteke hainbat gauza, baina gutxiengoan egon gara hor. Hirigintzan gidaritza guk eraman dugunez gero anitz egin ahal izan da.
Donostiako Plan Orokorraren errebisioarekin arazo asko dago jokoan, adibidez, eta ez dugu lortu errebisatzerik partiduen anean sortu diren gorabeherengatik. Interes ekonomiko haundiak bait daude erditik. Gehiago eztabaidatu dena, eta bideratu ere bai neurri batean, azpiegiturarena da.
Auzoak inolako infraestrukturarik gabe hazi dira, ez lokalik, ez berdegunerik, ez ezer. Hutsuneak osatu dira ahal zen neurrian eta etorkizunean berriz holakorik gerta ez dadin oinarriak ezarri dira. Horrek, jakina, kristoak sortu ditu kontzejuan. PNV aurka jartzen zen, «Coordinadora Independiente» (eskuinekoa) interes batzuen mende dago garbi-garbi, PSOE berriz ez da ezkerrekoa, EE laletxe da,... Hala ere, sei bakarrik izan arren, borroka haundien ondoren lortzen duzu zerbait aurrera ateratzea.
A.–Ez al dira oso apal jartzen kotak? Alegia, esaten duzunaren arauera badirudi arazoa udala normaltzea dela, ezta ezkerrekoa izatea ere sikira.
F.S.–Askotan esan izan dut udala egunera jartzea iraultzailea dela. Eta pentsa ezazu hein haundi batean legedia frankista aplikatzen ibili behar duzula...! Legedia beteerazi.
A.–Probintziakoak garelako behar bada, baina oso itxura kontserbadorea hartu diogu beti Donostiari. Zer egiten du hor HBko kontzejal batek?.
F.S.–Kontserbadorea, bai; bueno, teorian 14 gara ezkerrekoak eta 13 eskubikoak, PNV eskubikotzat hartzen baduzu eta PSOE ezkerrekotzat. Teorian, gero errealitatean ez bait da horrela izan sekula. PSOEren taktika zera da, gurekin inoiz ez egotea: kontrako botoa eman, edo abstenitu edo ez azaldu plenora. Aurreko korporazioa gerra bat izan da argi eta garbi, Konstituzioaren alde zeudenak kontra gaudenon aurka. Gu aislatzea zen arazoa.
A. Gogorra ere bada ba hori arazo teknikoetan azaltzea.
F.S.–Hirigintza mailan ere ikusten zen. Bihar konpondu behar zen gauza bat igoal joango zen sei edo hamabi ilabetez atzeratuz. Oztopoak jarri, ahalik eta haundienak. Alde horretatik jotzen baduzu, hemen iraultzarik ezin duzula badakizu, denbora galtzen ari zarela.
Baina ekipamendu defizit ikaragarri bat bazegoen eta ezin zen bere horretan utzi. Beste urte pare bat gehiago eta erremediorik ez zuen izango honek. Eta horretan lana frango egin da.
A.–Enpresa gizonen terrorea zaretela esana da hortik. Hainbat enpresarik pagatuko lukeela zuek hor ez egoteagatik.
F.S.–Ez dakit... bai, seguru baietz. Egia esan, hor egon ez bagina Udalak lehen bezala funtzionatzen jarraituko zuen. Eskubiko jendeak, nahi dutena esango duten arren, ez bait daude hain ongi prestatuak. Gure taldean "profesional" gutxi genuen baina arrokeriarik gabe esango dizut, ekiporik osoena ginen etxe honetan.
Industrialak?. Zera gertatzen da, nahi dutena egiten ohituak daudela. Baina beraiek ziren beren legeak errespetatzen ez zituztenak. Ikusten al dituzu 27 poligonokoak? Nahi zuten tankeran eraiki dute industri-poligono horretan, ez repartzelaziorik, ez urbanizaketarik askotan,... Plan partziala aldatu diegu eta orain haserre bizian daude.
A.–Lehen egin ez direnak egin erazteko krisi ekonomiko polit batean gaude, bada...
F.S. - «Ezin gara iritsi, krisian gaude, enpresek ez dute etekinik ematen» eta holako ergelkeriak esaten ohiturik daude. Eta hala izan da usadioa: Udaletxea etor zedila eta taka!, donostiar guztien diruarekin urbanizatu, bideak egin, eta berek egin behar zuten guztia.
Eta gero konstruziokoena dago. Behin edo behin esan izan diot holako arrairen bati, eraikuntzan ari direnetakoren bati: hain dira azkarrak, hainbeste txapuza egin dute, eta irabazten zuten guztia lurretan inbertitzen zuten. Eta orain gaur Donostian etxeak egiteko gai den lur guztia, hogei tiporen eskutan dago. Eta jakina, astindu bat eman diegu, legea bete erazi, beren aprobetxamentuak mugatu. Hori batetik, eta bestetik berak izan dira hanka sartu dutenak. Merkatu azterketarik ez dute egin eta uste zuten beti hola izango zela, etxeak egin eta etxeak egin, jendea txurroak bezala ugarituz joango zela. "Krak" haundi hau heldu den arte.
A.–Eraikuntzaren sektorea geldirik, edo krisian behintzat bai. Eta jende asko halere etxe bat eskuratu ezinik.
F.S.–Bueno, Donostian etxeak egiten dira, baina garesti horietakoak, interesatzen ez direnak. Mota batzuk galeraziak egon beharko lukete. Momentu honetan eraikuntza geldirik dagoela esaten da, ezin dela eraiki. Baina benetako konstruktorea eraiki ezinik dago, lurrik ez duelako. Ikusten duzu, ezta? Lurjabeak daude batetik, "biboak", udaletxean erabakitzen diren baimenen bidez etekinak ateratzen dituztenak. Udalak planen bati baiezkoa ematen dionean jende bati milioiak ematen dizkio. Jende horrek jartzen dio prezioa lurrari, eta lur bakoitzean egingo denaren arauerako prezioa jartzen diote. Horregatik alferrik da esatea etxeei altura gehiago ematean dagoela konponbidea eta abar. Lurra munizipalizatzean dago gakoa.
A.–Amets egitea ere bada hori.
F.S.–Horretaraino heldu dira, bada, Ingalaterran, orain dela denbora puska bat. Eta erresuma kapitalista bat da Ingalaterra.
A.–Baina hori hemen ez da ezta planteatu ere egiten.
F.S.–Bai zera! Ezta pentsatu ere. Iritsi da PSOE, eta alderantziz ari dira. Dekretotxo batzuk atera zituen UCDk bere garaian sozialisten laguntzaz; alegia, zerbitzuren bat zegoeneko lurrak urbanotzat jo zitezela. Baina hori izugarrizko txapuzak egiteko aitzakia da, eraikuntzari bultzada eman nahi zaionaren gezurraz.
Non eraiki lezake konstruktore batek gaur egun Donostian? Intxaurrondon adibidez. Baina etekinarentzat nahiko tarte ez dagoela diote. Aldi berean, promozio publikoko etxebizitzatarako 500 eskabidetik gora daude; administraritzak, Eusko Jaurlaritzak, ez ditu erritmo horretan egiten etxeak. Zergatik? Merkatu mugimenduan eskurik sartu nahi ez duelako. Une honetan dabil Eusko Jaurlaritza 200 etxebizitzatarako lizentzia eskatzen. Pentsa: bi urte barru 200 pisu egongo dira, une honetan bertan eskaria 500etakoa denean.
A.–Baina legedi honen barruan hainbesterainoko iniziatibarik hartu ahal izango ote luke?
F.S.–Francoren legeekin ere espropia ditzakezu lur edo etxeak. Justifikatuz gero. Horretan legoke holako udal baten eta HBko baten arteko aldea. Lurra espropiatzen hasiko zinateke, etxeak egiteko dela, kiroldegiak... Orain agintzen dutenek ordea bestela egin nahi dituzte gauzak. haiekin tratua eginez. konponketak..
Beste hau ere hor dago: orain errentagarri suertatzen ez zaizkien plan asko egin zituztela garai batean. Ondarretan pentsaturik zeuzkatenak adibidez, 12 plantatako dorreak. elkarren gainean zihoazen bideak eta holako lelokeriak. Holako 20 etxebizitzatik gora ez lukete salduko urtean, 15 milioitako etxeak izango bait lirateke. eta, noski, ez dira urbanizatzen hasten igoal 1000 milioi beharko bait lituzkete.
A.–Jendeak beti Donostiaz mintzo garelarik zentroa ezagutzen du, eta auzoak oso bestelako errealitateak dira.
F.S.–Aldea izugarria da. Bixitan datorren jendeak ez du Altza ezagutzen. Ezta bertako askok ere. Esan diezazuket aurreko alkateak, Alkainek, ez zuela ezta Intxaurrondo ere ezagutzen. UCDkock ez zituzten auzoak ezagutzen, Altza adibidez, ezta beste gehienak ere. Hala egin dira auzoak, plangintzarik gabe, lizentziaz lizentzia.
Orain, azken lau urteotan aldatu dira gauzak nahikoa. Altzari, adibidez, astindu ederra eman zaio, eta konstruktoreen bizkarretik gainera. Urbanizazioaren faktura beraiei pasa zaie, eta orain pleitoetan dabiltza, ordaindu nahi ezik. Jendeak ordain dezala nahi dute batere lotsarik gabe.
A.–Baina hirietako auzoak beldurgarriak izaten dira. Esan nahi dut: aldaketa eta hobekunta batzuk posible direla neurri batean baina beste astakeria asko konponezinak direla.
F.S.–Konpondu ezinezkoak ere badaude, baina begira Intxaurrondon: inork esperoko ez zuen leku batean paseo eder bat, auzo osoari bizia emango diona, lortu ahal izan da. Altzan ere erdietsiko dela uste dut. La Pazen 23.000 metro koadrotako parke bat erantsiko dugu eta ekipatu. Bueno, egia esan, hor etxe asko botatzea bera errentagarriago litzateke. Bidebietako dorreetan eta, esate baterako: 43 metro koadratutako etxeak daudela, barruan familia «numerosak» ere badirelarik! Bi bizitzarekin bat eginaz eta horrela beharko litzateke.
Eusko Jaurlaritzak balezake hori, nahi balu, eta baita Udalak berak ere epe luze batera. Nahiz eta hemen arazo bat dirua izango litzatekeen. Baina azkenean biztanleak berak ere arazo bihurtzen dira: neurri radikal bat proposatzen duzu, urtero urak harrapatzen dituen etxe batzuk bota eta beste batzutara eramateko adibidez. baina jendea ohitu da beren erara eta ez dute nahi: asko gainera edo langabeak edo jubilatuak-eta dira...
A.–Baina seguru orain ere diruaren gora beherara heldu garela.
F.S.–Dudarik gabe. Presupostua da arazoa. PSOE azkarrarena egiten ari da. progrearena, baina presupostuak egiterakoan ez dizute laguntzarik ematen. Tasak erabakitzerakoan, abstenitu egin dira. Pentsa ezazu, EErekin hiruron artean menderatuko genituzkeela. Baina ez dira denak etortzen eta plenoetara! Ura, zabor-bilketa eta holakoak igo dituzte, PNV, AP eta EEkoen botoekin. Aldiz, merkatuak, radikazioa eta holakoak jasotzea eskatzen genuen guk, batzuk 50, 70 ere bai; asko dirudi, baina industriek pagatzen dituzten kopuru horiek txikiak dira benetan. Baina ezin atera PSOEren fundamentu faltaz eta azkenean 33ko igoera erabaki genuen PNVkoekin.
A.–Aldaketa haundia nabaritu al duzu, dena dela, aurreko Udaletik oraingora?
F.S.–Aurreko udala pasatu egiten zela erizten diot. Txarrerako. Euskal Herriko fatxenetako bat izango zen portatzeko moduan. Alkateagandik hasita, berejarrera haiekin. Sortu zuen erreglamentua "Ley de Régimen Local" bera baino ere estuagoa zena, bere kontra zihoana.
Oraingoan pittin bat gehiago inguratzen zaizkigu PNVkoak. Hirigintzan behintzat tragatuz doaz. Esan nahi dut, lehen ateratzen ez zirenak orain atera egiten dira, eta lehen ere ateratzen zirenak orain errexago. Alkatea bera normalagoa da. Eta normala izatea da gizon bati eska dakiokeen gutxiena.
A.–Zuk aipatu dituzun planteamentu gehienak sozialdemokrata batek ere lasai onartu ahal izango lituzke ziurrenik. Nola lotzen duzu orduan Udaletxean egunero egin behar duzun lana hainbeste aldiz aipatzen den rupturarekin?
F.S.–Politika mailan hausturaz hitz egiten da. Baina egia esango dizut: hiru bat urtean jendea ibili da baina gero gauzak berplanteatu egin dituela iruditzen zait, eta atzera egin duela.
Nahi duenak nahi duena esango du baina jendea rupturarekin ez dagoela ikusten dut. Rupturak lan gehiago eskatzen du, gehiago saiatzea. Gauzak aldatzeko horretara jarri behar da.
A.–Mugimendu herrikoiak hor daude. Ze balantze egiten duzu beren dinamika ikusita?
F.S.–Jetxi egin dira. Edo gutxienez lehen borroka gogo gehiago ikusten zen, bere gutxian. Hala ere jasan den apal aldi horren baruan berriro gorakada bat ematen ari dela uste dut. Hauteskundeen ondoren batez ere. Hauteskunde ondorengo beroaldiagatik izango da agian baina badirudi oraingoan jendea ez dela sakabanatu. Udako atsedenaldiaren ondoren gauza estabilizatzea lortuko dugula uste dut.
A.–Desanimatu antzean ikusten zaitut. Jendea zergatik apaldu da, nekeagatik ala egoera politikoa bera ere halakoa delako ala...?
F.S.–Askotan esan dut: jendea heltzen denean eta ezkontzen, badirudi lan hauek ume-lanak direla. Elgorria bezalako zerbait. Jakina, denborarekin geratzen dena hori da ume-kontua ez zena. Nik ikusten ez dudana zera da, jendeak ez duela harreman beharrik sentitzen, pasota dagoela. Eta ez dakit zergatik. Lehen elkartzeko lekurik ez zegoen baina zeuk inbentatzen zenituen, ia ezkutuan. Orain, aldiz, eduki ditzakezunean, jendeari animo hori falta zaio. Jendea piska bat propagandak- eta nekaturik daukatela uste dut. Eta gero inpasse batean gaudela, bai berak eta bai gu, ez aurrera ez atzera, eta horrek nekatu egiten du.
A.–Bueno, eta hemen urte batzuetan ezagutu den dinamismoa salbuespen bat izan dela, edo baldintza oso berezietakoa behinik behin. Hurrengo ilabeteetako bidea nondik izan liteke, nondik dago irtenbide bat?.
F.S.–Hurrengo ilabeteetakoa eta hurrengo urteetakoa. Baseetara itzuli behar dugu, jendea mugi eraztera. Propaganda gehiago egin behar dela, ezin garela ibili txalapartarekin 1984an jendearekin komunikatzeko. Telebistak hor daude, irrati guztiak,... eta guztiak zure kontra, poliziaz aparte jakina. Horri beste moduren batean buelta eman behar diozula. Eta modu bakarra dago hori konpontzeko: berak baino hogei aldiz lan gehiago egitea. Bestela ez dago zer eginik. Irratiaren bidez, egunkarien bidez eta abar inziditu nahi izatea, jokua hasi baino lehen galtzea da. Hori esan nahi nuen «txalaparta» esan dizudanean: telebistaren, irratien, egunkarien bidez zerbait egin nahi izatea, ditugun medioekin, noizean ateratzen garela eta horrela. Ez, ez. Inprentari heldu behar diogu, gogor ekin eta jo ta ke egunero auzoetan.
A.–Holako zerbait beharko du. Zeren, eta hori zuen arerioek ere aitortuko dute, Donostisko udal hauteskundeetan ondorioak eta fruituak ez dira egindako lanaren arauerakoak izan.
F.S.–Horixe ezetz. Errentabilitate arazoa da. Eta hori prentsaren esku dago. Lau urtetan hemen PSOEk ez du golpe zorririk jo. Lan egin dugun bakarrak PNV eta gu izan gara eta guk gehiago, zalantzarik gabe. PSOE potro jorran egon da baina gero aurreko hauteskundeak direla eta Felipe dela eta... jendeak lau urtetik behin ematen du botoa, ez da ezertaz oroitzen eta dena irentsi.
Eta hori errez ulertzen da. Zeren Francori ere norbaitek ematen zion botoa, ezta?. Erreferendumetan jende askok ematen zion botoa. Orain horiek Feliperi ematen diote telebistan ateratzen delako. Lehen Suarezi eman zioten bezala. Lau urtetan hor daude, behatz bat mugitu gabe, betiko lotsagabeak eta lau urteren buruan berriro aukeratzen dituzte.
A.–Bada, dena kontra denean lana gogor egitea beste biderik ez da, dudarik gabe.
F.S.–Bai, zenbaitek haustura esaten du baina tortilari buelta ematea ez da egun bateko gauza. Lehen rekanbioak aurkitu badituzte hurrengoan ere aurkituko dituzte, eta haiek baino lan gehiago eta hobeto egin behar da.
Eta beste lan bat ere badago behar-beharrezkoa: pentsatzea. Egoera aztertu, bide posibleak ikusi, estrategia garbi bat markatu. Hori deskuidatzeko tentaldia ere badago eta ez, pentsatzen eta ongi pentsatzen duenjendea behar dugu. Pentsatu eta lana gogor egin.
Iñaki ZUBIONDO
Argazkiak: Kristina BERRA
4-7

GaiezPolitikaEuskal HerrErakundeakUdalak
GaiezPolitikaEuskal HerrTaldeakAlderdiakHB
PertsonaiazSOTO1
EgileezUBIONDO1Politika

Irakurrienak

Matomo erabiliz

“Aldatzeak eta mugitzeak pizten dit grina”

Lander Arbelaitz Mitxelena

X-etik irten nahi? Nor dago Mastodonen eta Blueskyren atzean? Nola finantzatzen da bakoitza?

iametza

Maravillas Lambertoren izena ez erabiltzeko eskatu dute fusilatuen senideek

Urko Apaolaza Avila

“Hitzak harriak dira Ernauxentzat, eta idazketa labana”

Larraitz Fagundez Osa

Injustizia epistemikoa eskoletan?

Iker Iraola Arretxe

Voxen aurka Bilbon protesta egiteagatik auzipetutako zortzik ituna egin dute Fiskaltzarekin eta bat epaiketara joango da

Julene Flamarique

Azkenak

2024-11-22 | Julene Flamarique

Voxen aurka Bilbon protesta egiteagatik auzipetutako zortzik ituna egin dute Fiskaltzarekin eta bat epaiketara joango da

Atxuriko irakasle eta ekintzaile batek uko egin dio akordioari kontzientzia arrazoiak direla eta. Voxek bost urteko kartzela-zigorra eskatzen du auzokidearentzat, Fiskaltzak aldiz zazpi hilabeteko espetxe-zigorra hauteskunde-delituagatik eta hiru hilabeteko isuna mehatxu... [+]

2024-11-22 | Ahotsa.info

Saskien bidez Nafarroako euskalgintzari inoizko ekarpenik handiena egingo dio Errigorak: 230.000 euro

Euskarari Puzka azken kanpainan 16.000 saski saldu dituzte, eta euskararen alde lan egiten duten elkarteentzat bideratuko zaie lortutako etekina.

2024-11-22 | Sustatu

Euskarazko esamoldeak baloratzen lagundu online galdetegi honetan

Bi irakasle eta ikerlarik inkesta jarri dute sarean, euskarazko esamolde batzuen inguruko datuak biltzeko. Bost minutu hartuko dizu betetzeak baina adi, bi galdetegi daude, egun bakoitian jaio bazara 1A betetzeko eskatzen dizute, eta egun bikoitian jaioa bazara 1B delakoa.

2024-11-21 | Jenofa Berhokoirigoin

Nazioarteko Zigor Auzitegiak Netanyahu eta Israelgo Defentsa ministro ohi Gallant atxilotzeko agindu du

Gizateriaren aurkako krimenak eta gerra krimenak egotzi dizkie Hagako auzitegiak bi sionistei. Erabakia "antisemitismotzat" jo du Netanyahuk, eta Hamasek, aldiz, "Justiziarako urrats garrantzitsutzat".

2024-11-21 | Iñaki Jauregialtzo Beitia “Jaltzo”

Umandi izena eta izana

Andoni Urrestarazu Landazabal Araiako herrian 1902ko uztailaren 16an jaio zen eta 1993ko azaroaren 21ean hil zen Gasteizen. 31 urte bete dira jadanik eta bere izena eta izana aitortzeko une aproposa dela deritzot, ez baita ongi ezagutzen utzitako ondarea. Umandi, bere herriko... [+]

2024-11-21 | Iñaki Idigoras Igartua

Memoriadun euskara

Autobiografia idaztea omen da garapen pertsonalerako tresnarik eraginkorrena, askatzaileena. Iraganeko kontuei tira egin eta gogora ekartzeak, orainaldiko korapiloak askatzen laguntzen omen du. Bai, laguntzen du orainaldia ulertzen eta komeni zaigun etorkizun bat marrazten... [+]

2024-11-21 | Iulen Lizaso Aldalur

Etorkizuneko apustua

Pandemiaren iragarpenetik Valentziako tragediarainoko errepasoa egin eta ondorioztatu dut gezurra eta forupea suhesi gisa dituen kudeaketa instituzional negargarria klase gobernariaren konstantea dela.

Ez dugu gobernari ordezko baliogarririk sistema pendular hau aldatzen ez... [+]

2024-11-21 | Zigor Olabarria Oleaga

Gelditu dute emakume baten eta bere alaba adingabearen etxegabetzea Gasteizen

Polizia etxegabetzea geratu nahi zituzten herritarren aurka oldartu da eta hainbat lagun zauritu ditu. Azkenean, etxegabetzea atzeratu duela jakinarazi du epaitegiak.

2024-11-21 | Asier Iturralde Sarasola | iametza

X-etik irten nahi? Nor dago Mastodonen eta Blueskyren atzean? Nola finantzatzen da bakoitza?

Gaur, azaroak 21, Mastodon.eus komunitateak sei urte bete ditu. Urteurrena ospatzeko Gure aukera, sare libreak kanpaina abiarazi dute, atxikimenduak biltzeko. Izan ere, azken asteetan “eXodoa” ematen ari da: erabiltzaile asko X-tik ihes egiten ari dira, sare... [+]

2024-11-21 | Urko Apaolaza Avila

Iruñeko Erorien Monumentua

Maravillas Lambertoren izena ez erabiltzeko eskatu dute fusilatuen senideek

Nafarroako Fusilatuen Senitartekoen Elkarteak gogor kritikatu du Iruñeko Erorien Monumentuaren inguruan EH Bilduk, Geroa Baik eta PSNek egindako akordioa. "Pedagogia" egiteko toki hobeagoak daudela dio eta interpretazio zentroari Maravillas Lamberto izena... [+]

2024-11-21 | Julene Flamarique

933 nobedade eta 200 ekitaldi Durangoko Azokaren 59. edizioan

Abenduaren 5ean Ikasle Goizarekin hasiko dute azoka. Hurrengo egunean Gazte Eztanda eguna egingo dute, eta gazteei zuzendutako hamaika jarduera egongo da. Egun berean, iazko Sormen Beka irabazi zuen Argizagi. Zubiak adiskidetasunerantz telesailaren aurkezpena egingo du Marramiau... [+]

2024-11-21 | Asier Iturralde Sarasola

Mastodon.eus-en “Gure aukera, sare libreak” kanpainarekin bat egin du ARGIAk

ARGIAko lantaldeak bat egin du Mastodon.eus-ek bere seigarren urtemugan abiatutako Gure aukera, sare libreak atxikimendu kanpainarekin.

2024-11-21 | Sustatu

Sei urte bete ditu gaur Mastodon.eus-ek

Mastodon.eus euskal fedibertsoko instantzia agian nagusiak sei urte bete ditu gaur. Urteurrena ospatzeko "Gure aukera, sare libreak" kanpaina abiarazi dute, atxikimenduak biltzeko. Efemeridea une interesgarri batean dator: Elon Musk-ek, X/Twitterren jabeak,... [+]

2024-11-21 | Urko Apaolaza Avila

Ertzaintzak zaurituriko Realeko zalearen kasua berriz irekitzeko agindu du epaileak

Gipuzkoako Lurralde Auzitegiaren ustez, bideo bateko irudietan ikusten denak "talka" egiten du Ertzaintzaren atestatuarekin, eta Amaia Zabarte foam bala batekin zauritua izan zenaren "ebidentzia erakusten" du, Noticias de Gipuzkoa-k jaso duenez.

2024-11-21 | Jenofa Berhokoirigoin

Arma nuklearrarekin erantzuteko bidea ireki du Putinek, Ukrainak AEBek eta Ingalaterrak emandako misilekin eraso egin eta gero

Arma nuklearrarekin erantzuteko aukera dakarren dekretua izenpetu du Vladimir Putin presidenteak. Hegazkinekin, gurutzaldi misilekin zein droneekin "eraso masibo bat" pairatzeak ondorioztatu dezake arma horren erabilpena.

Eguneraketa berriak daude