KAS-eko alderdien estatutoak (elkarrizketa)
K.A.S. Prentsaurrekoa Bilbon
Maitzaren 6an azaldu dituzte Iruñako Gobernu Zibilean KASeko alderdiek beren estatutoak.
Izenpetu dituztenak: EHASetik G. Jauregi, E. Martiarena eta N. Arregi. LAIAtik: A. Argoitia eta I. Urrestarazu eta EIAtik: G.López Irasuegi, Serrano Izko eta J. M. Azkue izan dira. Estatutoen erapena alderdietako militanteek egin dute; juridiko formak abokatuen laguntzaz, M. Castells beren artean.
Gertaera hau zela eta, egun horretako arratsaldean agertu zuten KASen alternatiba, prentsaurrean. Kazetarien artean bazen ofizialki KASen berri jakiteko, zein hauteskunde edo elekzio aurrean, zein bere jarrera taktikoak gaur egun.
Prentsaurrekoaren arrazoiak eman ondoren, kazetarien galderei erantzuten hasi ziren. Egia esa, galdera bakoitzak erantzun luzea zuen, hainbat puntu ikutu bait zituzten.Hala ere, denak zetozen bat hari nagusian, gaurko KASen politikarena, alegia.
"Zihur Gaude, Ez Gaituztela Legalizatuko.
Gure Jokabidea, Suarezi Eta Erreformaren
Legalitateari Apostua Egitea Da. Reto Bat."
Erakunde abertzale eta independista hauk garbi azaldu dituzte bere estatutuetan helburuak: Euskadiren berbateratzea (reunifikazioa), independentzia éta Estatu sozialistarena. Goyo-k (López Irasuegi) esan bezala, "ez dugu beste aurpegirik emango, geurea baizik". Horregatik, legalizapen arazoa Gobernuarena dela zioen, ez beraiena. Castells-ek adierazten zuenez, amnistiarik lortu gabe eta alderdi guz'tien legeztatzea egin gabe, ez dago prozesuaren demokrazian sinisterik. Ondoren esan zuen: "Francorekin ezer ikusterik ez badu Gobernu honek, zergatik ba, Francoren presoak kartzelan oraindik?" Jauregik esan bezala, amnistia eta libertateak, banatu ezin daitekeen gauza baten alderdi biak dira.
"Ez Gara Masimalistak, Donsekuenteak Baizik"
Madrilgo Gobernua ONUra joan dela firmatzera, zioten. Giza eskubideen Agerpena firmatzera, hain zuzen. Baina, beraien ustetan, "demokratik libertateak zeintzuk diren badakigu: Zer garen eta nola jokatuko dugun esateko eskubidea edukitzea. Eta hori ez dugu oraindik lortu. Geure anaiak barruan jarraitzen dute eta, legalizapena lortu gabe alderdi batzuk". Abertzale eta sozialistak direnak, alegia, esan zuten. Kartzelatik irten ondoren, ideiak espresatzeko modurik ez dagoela. Horregatik, hau ez dela amnistia, aldarrikatzen zuten.
Hauteskundeak
Beraien eritziz, ez dituzte legeztatuko eta Gobernuak, marjinatzeko jokoa erabiliko du. Lege babesean parterik hartzen ez badute hauteskundeetan, legetik kanpo arituko omen dira, era bateko edo besteko kanpaina egiten. Hartara edo hontara. Beste gauza bat izango da -aditzera ematen zuten-, kanpaina apoiatzea cdo beren alde bultzatzea. Honetarako, KAS akordio batera heldu da, bi baldintzetan oinarrituz: 1. Amnistia eta 2. Demokratik libertateak. Honela zioten: "Hauteskunde kanpaina hasterako, hots, maiatzaren 24rako bi baldintza hauk betetzen ez baditu Gobernuak, postura garbia hartuko dugu: kontrakoa. Kanpainaren aurka azalduko gara, jendeak ez dezan botorik eman. Bigarrenez, denen aurrean eta ofizialki kenduko ditugu geure kandidaturak listetatik. Beste era batera esanda, kanpaina alde egin beharrean, kontra irtengo gara, dudarik gabe." Hauk ziren KASek izenpetu duen paperaren punturik nagusienak.
"Datorren Amnistia Asteak, Uste Baino Presio Handiagoa Eragingo Dio Gobernuari Euskal Herriari Begira".
Beraiek esan bezala, ez dago amnistia osoa lortuko den esperantza handirik. Berriro ere, Euskal Herria altxatuko da datorren astean, benetako demokraziarik ez dagoela ohar arazteko Gobernuari. Aste honek izango duen indarrak, asko esango du hauteskunde aurreko giroa neurtzeko. Termometro gisa hartzen dute. "Seguru gaude, Gobernuak hemendik aurrerantzean, erabakiak hartzerako bi aldiz pentsa beharra izan beharko duela." zioten.
KAS-EEH, Ez Datoz Bat Havteskunde Programetan
Hauteskundetarako listak zirela eta, EEH-ren barnean egon den giro zatitua zela eta, KASek gaurko duen politikaz rnintzatu ziren. OIC eta LKlrekin egon bada zatiketa, beraien ustetan, estatutoaren arazoa eta bereziki, Euskal Gobernuaru buruzko diferentziagatik izan da. Beste hitzetan, hauteskunde programetan bat ez zetozelako.
Euskal Herriko ezkerraren batasuna zatitua ba dago, Aliantza Popular eta eskubiko alderdiak hasiko zirela parrez hiltzean, esaten zuen kazetari batek.
Erantzun zutenez, ez du KASek horren errespontsabilitaterik. Beti, alderdietara jotzen da oker baten zuzentzeak eta eskaerak egiterakoan. Beraiek zioten bezala, nahiko sufritu dute azken 40 urtetan, orain beraiengana kontuak eskatzera joateko. Hala ere -jarraitzen zuten esaten-, Euskal Herriko erakunde baterakoi bakarrak (Euskal Gobernua kanpo), KAS eta EEH izan dira. Beste baten eritiziz, oso sinplea da indarren aldetik, hauteskundeetarako bidean: ESEI-k atzera jo du. OIC eta LKI-rekin batzea ez da posible izpn.
Azken eritzi bezala, hauteskundeeta- rako dauden alderdien artean, bigarrena omen, beste alderdi baten atzetik (PNV, jakina). Eguneroko burrukan eta kaleko masa mugimenduetan, gehien mobilizatzen duena. Amaitzeko eta hauteskunde listei buruz esaten zuen batek, azkenengo hitza esan gabe dagoela; aldagarri beraz.
J. L.
15
GaiezPolitikaEuskal HerrTaldeakBesteakKAS